തിരുവനന്തപുരം: സ്വര്ണ്ണക്കൊള്ളയില് രണ്ടാം കേസിലും ശബരിമല തന്ത്രി കണ്ഠരര് രാജീവരുടെ അറസ്റ്റ് രേഖപ്പെടുത്തി. ദ്വാരപാലക ശില്പങ്ങളിലെ സ്വര്ണ്ണപാളികള് കടത്തിയ കേസിലാണ് തിരുവനന്തപുരം സ്പെഷ്യല് സബ് ജയിലില് എത്തി എസ്ഐടി അറസ്റ്റ് രേഖപ്പെടുത്തിയത്. ജുഡീഷ്യല് കസ്റ്റഡിയിലാണ് തന്ത്രി.
കട്ടിളപാളി കേസിലെ അറസ്റ്റ് രേഖപ്പെടുത്തിയ അതേ കുറ്റങ്ങള് ചേര്ത്താണ് അറസ്റ്റ് രേഖപ്പെടുത്തിയത്. നിലവില് കട്ടിളപ്പാളി കേസില് റിമാന്ഡില് കഴിയുന്ന തന്ത്രിയെ ഈ കേസിലും പ്രതി ചേര്ക്കാന് കോടതി അനുമതി നല്കി. നിലവില് കട്ടിളപ്പാളി കടത്തിയ കേസില് തന്ത്രി ജയിലിലാണ്.
ദ്വാരപാലക വിഗ്രഹങ്ങളിലെ സ്വര്ണപ്പാളികള് മാറ്റുന്നതിനായി ‘അനുജ്ഞാ കലശം’ നടത്തിയത് തന്ത്രിയുടെ നിര്ദ്ദേശപ്രകാരമാണെന്ന് എസ്ഐടി കണ്ടെത്തിയിട്ടുണ്ട്.
