തിരുവനന്തപുരം: ഇരട്ടപദവി ചൂണ്ടിക്കാട്ടി തിരുവിതാംകൂര് ദേവസ്വം ബോര്ഡ് പ്രസിഡന്റ് കെ ജയകുമാറിനെ അയോഗ്യനാക്കണമെന്ന് ആവശ്യപ്പെട്ട് ഹര്ജി. ബി അശോക് ഐഎഎസാണ് തിരുവനന്തപുരം ജില്ലാ കോടതിയില് ഹര്ജി നല്കിയത്. സര്ക്കാര് പദവിയിലിരിക്കെ തിരുവിതാംകൂര് ദേവസ്വം ബോര്ഡ് പ്രസിഡന്റായത് ചട്ടവിരുദ്ധമാണെന്നാണ് ഹര്ജിയില് ആരോപിക്കുന്നത്. ഐഎജി ഡയറക്ടര് ആയിരിക്കെ ബോര്ഡ് പ്രസിഡന്റായത് ചട്ടവിരുദ്ധം എന്നാണ് ആക്ഷേപം. അതേസമയം, ഇരട്ടപ്പദവി ഇല്ലെന്നും ബോര്ഡ് പ്രസിഡന്റ് ആയതില് ചട്ടലംഘനം ഇല്ലെന്നും കെ ജയകുമാര് പറയുന്നു. രണ്ടിടത്തും ആനുകൂല്യം പറ്റുന്നില്ലെന്നും ഐഎജി ഡയറക്ടര് പദവിയില് തെരഞ്ഞെടുപ്പ് കഴിഞ്ഞാല് പുതിയ ആളെ നിയമിക്കുമെന്നും ജയകുമാര് വ്യക്തമാക്കി.
ജയകുമാറിന്റെ നിയമനം ചട്ടലംഘനം തന്നെയെന്ന് ബി അശോക് ഐഎഎസ് പ്രതികരിച്ചു. ഐഎംജി പദവി ഒഴിഞ്ഞ ശേഷം വേണമായിരുന്നു ചുമതല ഏറ്റെടുക്കാനെന്ന് പറഞ്ഞ ബി അശോക്, ജയകുമാറിന്റെ ഐഎംജി ഡയറക്ടര് നിയമനവും ചട്ടലംഘമെന്ന് ആരോപിച്ചു. അതേസമയം, ഐഎംജി ഡയറക്ടര് ചുമതല ഒഴിയുമെന്ന് കെ ജയകുമാര് പ്രതികരിച്ചു. പദവിയില് തുടരുന്നത് പകരക്കാരന് വരുന്നത് വരെ മാത്രമാണെന്ന് ജയകുമാര് വ്യക്തമാക്കി. ഓരേ സമയം രണ്ട് പ്രതിഫലം പറ്റുന്നില്ല കോടതിയെ കാര്യങ്ങള് ബോധിപ്പിക്കുമെന്നും അദ്ദേഹം കൂട്ടിച്ചേര്ത്തു.
