കൊച്ചി: നെടുമ്പാശേരി വാഹനാപകടത്തില്‍ പ്രതിയായ 19 വയസുകാരന്‍ മദ്യപിച്ച മൂന്ന് ബാറുകളുടെ ലൈസന്‍സ് സസ്‌പെന്‍ഡ് ചെയ്തു. എക്‌സൈസ് കമ്മീഷ്ണര്‍ സാംബശിവറാവുവാണ് ഉത്തരവിറക്കിയത്. ദയ ബാര്‍ കടവന്ത്ര, മണ്‍സൂണ്‍ എംപ്രസ് പാലാരിവട്ടം, ഹോട്ടല്‍ മാരിയട്ട് നെടുമ്പാശേരി ഈ ഹോട്ടലുകളില്‍ നിന്നാണ് പ്രതി സുഹൈല്‍ മദ്യപിച്ചത്. ഈ ഹോട്ടലുകളുടെ ലൈസന്‍സുകളാണ് സസ്‌പെന്‍ഡ് ചെയ്തത്.
പാലക്കാട്: മൂലത്തറയില്‍ ഭിക്ഷാടകനെ തല്ലിക്കൊന്നു. മൂലത്തറ ഡാമിന് സമീപത്തെ കള്ള് ഷാപ്പിന് മുമ്പില്‍ വെച്ച് ഇക്കഴിഞ്ഞ ശനിയാഴ്ച രാത്രിയാണ് സംഭവം നടന്നത്. ഞായറാഴ്ച രാവിലെ നാട്ടുകാരാണ് ഭിക്ഷാടകനെ സംശയാസ്പദമായി മരിച്ച നിലയില്‍ കണ്ടെത്തുന്നത്. തൃശ്ശൂര്‍ മെഡിക്കല്‍ കോളേജ് ആശുപത്രിയില്‍ വെച്ച് നടത്തിയ പോസ്റ്റ്‌മോര്‍ട്ടത്തിലാണ് കൊലപാതകമാണെന്ന് സ്ഥിരീകരിച്ചത്. സംഭവത്തില്‍ മീനാക്ഷിപുരം പൊലീസ് നടത്തിയ അന്വേഷണത്തിനിടെ അഞ്ച് പേര്‍ പിടിയിലായി.
ദഹ്റാന്‍: സൗദിയിലെ ദഹ്റാന്‍ അരാംകോ കെട്ടിടത്തിന് നേരെ ഹൂതി ആക്രമണം. റിയാദിനെയും തെക്കന്‍ മേഖലയെയും ലക്ഷ്യമിട്ടെത്തിയ 6 ഡ്രോണുകള്‍ സൗദി തകര്‍ത്തു. റിയാദില്‍ മിസൈലുകളുടെ അവശിഷ്ടങ്ങള്‍ വീണ് 4 പേര്‍ക്ക് പരിക്കേറ്റു. 15 വീടുകള്‍ക്ക് നാശനഷ്ടങ്ങളുണ്ടായി. ദഹ്റാന്‍ അരാംകോ കെട്ടിടത്തിന് നേരെയുണ്ടായ ആക്രമണത്തില്‍ ആളപായമില്ലെന്ന് ഊര്‍ജ മന്ത്രാലയം സ്ഥിരീകരിച്ചു. രാത്രി കിഴക്കന്‍ സൗദിയിലെ അരാംകോ കോംപ്ലക്സിന് നേരെയാണ് ആക്രമണമുണ്ടായത്. മുകളിലെ മൂന്ന് നിലകളില്‍ തീ പടര്‍ന്നെങ്കിലും ഉടന്‍ തന്നെ ഇത് നിയന്ത്രണ വിധേയമാക്കാന്‍ സാധിച്ചതായി കമ്പനി അധികൃതര്‍ …
സൗദിയില്‍ ദഹ്റാന്‍ അരാംകോ കെട്ടിടത്തിന് നേരെ ഹൂതി ആക്രമണം;ആറോളം ഡ്രോണുകള്‍ തകര്‍ത്തു Read More »
തൃശ്ശൂര്‍ : കൊടുങ്ങല്ലൂരില്‍ 18കാരന്‍ ജീവനൊടുക്കിയ സംഭവത്തില്‍ പൊലീസിനെതിരെ ഗുരുതര ആരോപണവുമായി കുടുംബം. 18 കാരന്‍ മുഹമ്മദ് അസ്ലമിന്റെ മരണത്തിന് ഉത്തരവാദി പൊലീസാണെന്നും വ്യാജ കേസ് എടുത്തതിലും പൊലീസ് മര്‍ദ്ദനത്തിലും മനംനൊന്താണ് മകന്‍ ജീവനൊടുക്കിയതെന്നും കുറ്റക്കാര്‍ക്കെതിരെ നടപടിയെടുക്കണമെന്നും അച്ഛന്‍ നൗഷാദ് ആവശ്യപ്പെട്ടു. അസ്ലമുമായുള്ള ബന്ധത്തെ എതിര്‍ത്ത പെണ്‍കുട്ടിയുടെ കുടുംബം പൊലീസിനെ സ്വാധീനിച്ച് മക്കളെ രണ്ട് പേരെയും കസ്റ്റഡിയിലെടുപ്പിച്ചു. പെണ്‍കുട്ടിയെ ഭീഷണിപ്പെടുത്തി സ്വര്‍ണ്ണവും പണവും കൈക്കലാക്കിയെന്ന കള്ളക്കേസില്‍ മക്കളെ കുടുക്കി. പൊലീസ് സ്റ്റേഷനില്‍ വെച്ച് ഇളയ മകനെ മൃഗീയമായി …
ലഖിംപുര്‍ഖേരി: ലഖിംപുര്‍ ഖേരി, ബഹറായിച് ജില്ലകളില്‍ പുള്ളിപ്പുലി ആക്രമണത്തില്‍ രണ്ടു കുട്ടികള്‍ മരിച്ചു. ലഖിംപുര്‍ഖേരിയിലെ ഭോഝിയ ഗ്രാമത്തില്‍ വീടിനു മുന്നില്‍ കളിച്ചുകൊണ്ടിരുന്ന ഏഴുവയസുള്ള സാനിയയെ ആണ് പുലി ആക്രമിച്ചു കൊലപ്പെടുത്തിയത്. തിങ്കളാഴ്ച രാത്രി ഏഴിനായിരുന്നു സംഭവം. വീടിനു സമീപത്തെ കരിമ്പുപാടത്തുനിന്ന് ഇന്നലെ സാനിയയുടെ മൃതദേഹം കണ്ടെടുത്തു. ബഹറായിച്ചിലെ ഭദരിയ ഗ്രാമത്തില്‍ ഏഴുവയസുകാരന്‍ രോഹിതാണ് പുള്ളിപ്പുലിയുടെ ആക്രമണത്തില്‍ മരിച്ചത്. തിങ്കളാഴ്ച രാത്രി 7.30ന് വീടിനുസമീപത്തെ പാടത്തുനില്‍ക്കുബോൾ രോഹിതിനെ പുലി ആക്രമിക്കുകയായിരുന്നു. രോഹിത് അലമുറയിട്ടു കരഞ്ഞതോടെ നാട്ടുകാരെത്തുന്നതുകണ്ട് പുലി കുട്ടിയെ …
ഉത്തര്‍പ്രദേശില്‍ രണ്ടു കുട്ടികളെ പുള്ളിപ്പുലി കടിച്ചുകൊന്നു Read More »
ന്യൂഡല്‍ഹി: വോട്ടര്‍പ്പട്ടിക ക്രമക്കേടുമായി ബന്ധപ്പെട്ട് മുഖ്യ തിരഞ്ഞെടുപ്പ് കമ്മിഷണര്‍ ഗ്യാനേഷ് കുമാര്‍ രാജിവയ്ക്കണമെന്നാവശ്യപ്പെട്ട് ഡല്‍ഹിയില്‍ ഇന്നും പ്രക്ഷോഭം. ഇടതു വിദ്യാര്‍ഥി സംഘടനകളായ എ.ഐ.വൈ.എഫ്., എ.ഐ.എസ്.എഫ്. എന്നിവര്‍ മിന്നല്‍ സമരം നടത്തി. ആര്‍.എ.എഫും പോലീസും തടഞ്ഞതോടെ വിദ്യാര്‍ഥികള്‍ റോഡില്‍ കുത്തിയിരുന്ന് പ്രതിഷേധം തുടര്‍ന്നു. കൊണാട്ട് പ്ലേസിലും ജന്തര്‍മന്തറിന് പരിസരത്തുമാണ് പ്രതിഷേധം.
ന്യൂഡല്‍ഹി: ജന്തര്‍മന്തറില്‍ പ്രതിഷേധത്തിന് അനുമതി നല്‍കാത്തതിനിടെ അവിടേക്ക് നുഴഞ്ഞുകയറി പ്രതിഷേധിച്ച് സിജെപി പ്രവര്‍ത്തകരുടെ മിന്നല്‍ പ്രതിഷേധം. ജന്തര്‍ മന്തറില്‍ ഒരുതരത്തിലുമുള്ള പ്രതിഷേധത്തിന് അനുമതി നല്‍കിയിരുന്നില്ല. ഇതിനിടെ കഴിഞ്ഞദിവസം സമരം നടത്താനുള്ള സ്ഥലങ്ങളുടെ പട്ടികയില്‍ നിന്ന് ജന്തര്‍ മന്തറിനെ ഡല്‍ഹി പോലീസ് ഒഴിവാക്കുകയും ചെയ്തിരുന്നു. ഈ സാഹചര്യത്തിലാണ് പ്രതിഷേധം. ഒരാളേക്കാള്‍ പൊക്കമുള്ള ബാരിക്കേഡുകള്‍ സ്ഥാപിച്ചാണ് ഇവിടേക്കുള്ള പ്രവേശനം ഡല്‍ഹി പോലീസ് തടഞ്ഞിരുന്നത്. എന്നാല്‍ ജന്തര്‍ മന്തറിന് പിറകുവശത്തെ ഗേറ്റിന് സമീപം എന്‍ഡിഎ സഖ്യകക്ഷിയാ ജെഡിയുവിന് അനുവദിച്ച ഓഫീസിന്റെ മുറ്റത്തുകൂടി …
ന്യൂഡല്‍ഹി: മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ഇന്ത്യാ സഖ്യം നടത്തിയ പ്രതിഷേധം ഇന്നത്തേക്ക് അവസാനിപ്പിച്ചു. പ്രതിഷേധത്തിന്റെ ഭാഗമായി സുപ്രീംകോടതിയിലേക്ക് നടത്തിയ മാര്‍ച്ച് കോടതി പരിസരത്തുനിന്ന് 200 മീറ്റര്‍ അകലെ പൊലിസ് ബാരിക്കേഡുകള്‍ സ്ഥാപിച്ച് തടഞ്ഞതിനെത്തുടര്‍ന്ന് പ്രതിഷേധക്കാരും പൊലീസും തമ്മില്‍ ഏറ്റുമുട്ടലുണ്ടായി. ഇതിനിടെ ഗ്യാനേഷ് കുമാറിനെതിരെ രാഹുല്‍ ഗാന്ധി സുപ്രീംകോടതിയില്‍ ഹര്‍ജി സമര്‍പ്പിച്ചു. തെരഞ്ഞെടുപ്പ് കമ്മീഷന്റെ നടപടികളെയും പ്രത്യേക തീവ്ര വോട്ടര്‍പട്ടിക പരിഷ്‌കരണം ഉള്‍പ്പെടെയുള്ള തീരുമാനങ്ങളെയും ചോദ്യം ചെയ്താണ് ഹര്‍ജി. ഗ്യാനേഷ് കുമാറിനെതിരെ ഗുരുതര …
തൃശൂര്‍: ഡല്‍ഹിയില്‍ മാധ്യമപ്രവര്‍ത്തകര്‍ക്ക് നേരെയുണ്ടായ പോലീസ് അതിക്രമത്തില്‍ പ്രതിഷേധിച്ച് കെയുഡബ്ലിയുജെ ഏജീസ് ഓഫീസിലേക്ക് നടത്തിയ മാര്‍ച്ചില്‍ സംഘര്‍ഷം. ബാരിക്കേഡ് നിരത്തി പത്രപ്രവര്‍ത്തകരെ പോലീസ് തടഞ്ഞതാണ് സംഘര്‍ഷത്തിന് കാരണമായത്. പ്രതിഷേധക്കാര്‍ റോഡില്‍ കുത്തിയിരുന്ന്് പ്രതിഷേധിച്ചതോടെ പോലീസ് ജലപീരങ്കി പ്രയോഗിച്ചു. പോലീസിന്റെ ലാത്തിയടിയില്‍ കെയുഡബ്ലിയുജെ സെക്രട്ടറി രഞ്ജിത് ബാലന്‍, കേരള വിഷന്‍ റിപ്പോര്‍ട്ട് അനീഷ് ആന്റണി തുടങ്ങി നിരവധി പേര്‍ക്ക് പരിക്കേറ്റു. സംഘര്‍ഷത്തൈ തുടര്‍ന്ന് മണിക്കൂറുകളോളം വാഹനഗതാഗതം സ്തംഭിച്ചു.
തൃശൂര്‍: നാട്ടിക ടോള്‍ പ്ലാസയിലെ ടോള്‍ പിരിവ് വീണ്ടും നിര്‍ത്തിവച്ചു. ദേശീയപാത അതോറിറ്റിയുടെ നിര്‍ദ്ദേശത്തിന്റെ അടിസ്ഥാനത്തിലാണ് നടപടി. വിദഗ്ധ സമിതി ദേശീയപാത 66-ല്‍ പരിശോധന നടത്തിയ ശേഷം ആയിരിക്കും ടോള്‍ പിരിക്കണോ വേണ്ടയോ എന്ന് തീരുമാനിക്കുക. അതേസമയം, റോഡ് പണി പൂര്‍ത്തിയാകാതെ ടോള്‍ പിരിവ് തുടങ്ങിയാല്‍ തടയുമെന്ന് എല്‍ഡിഎഫും പ്രഖ്യാപിച്ചു. പ്രതിഷേധങ്ങള്‍ക്ക് ശേഷം നിര്‍ത്തിവെച്ച തൃശൂര്‍ നാട്ടികയിലെ ടോള്‍ പിരിവ് രഹസ്യമായി പുനരാരംഭിക്കാനായിരുന്നു കമ്പനിയുടെ നീക്കം
ന്യൂഡല്‍ഹി: : മുഖ്യ തെരഞ്ഞെടുപ്പ് കമ്മീഷണര്‍ ഗ്യാനേഷ് കുമാറിന്റെ രാജി ആവശ്യപ്പെട്ട് ദില്ലിയില്‍ കോക്‌റോച്ച് ജനത പാര്‍ട്ടി ആഹ്വാനം ചെയ്ത മാര്‍ച്ചുമായി ബന്ധപ്പെട്ട് ദില്ലി പൊലീസ് സ്വീകരിച്ച നടപടികളെ വിമര്‍ശിച്ച് സുപ്രീം കോടതി. ഡെല്‍ഹി മെട്രോ സ്റ്റേഷനുകള്‍ അടച്ച നടപടിയെ രൂക്ഷഭാഷയില്‍ വിമര്‍ശിച്ച സുപ്രീം കോടതി, സാഹചര്യമനുസരിച്ച് മെട്രോ, റെയില്‍ സര്‍വീസുകള്‍ നിയന്ത്രിക്കാമെന്നും ഒരുകാരണവശാലും പൂര്‍ണമായി നിരോധിക്കരുതെന്നും നിര്‍ദ്ദേശിച്ചു. നിയമവ്യവസ്ഥ തകരാറിലാകുന്നതുവരെ മെട്രോ സാധാരണ നിലയില്‍ പ്രവര്‍ത്തിക്കണം. ഇന്റര്‍നെറ്റ് നിരോധനം പാടില്ല. സര്‍ക്കാരിനെ മറികടന്ന് ക്രമസമാധാനം നടപ്പാക്കാന്‍ …
ഡല്‍ഹി: പൊലീസ് കസ്റ്റഡിയിലെടുത്ത സിജെപി സ്ഥാപകന്‍ അഭിജീത് ദീപ്‌കെ, സൗരവ് ദാസ്, അശുതോഷ് റാങ്ക എന്നിവരെ മോചിപ്പിച്ചു. മൂന്ന് പേരെയും എക്‌സിക്യൂട്ടീവ് മജിസ്‌ട്രേറ്റിന് മുന്നില്‍ ഹാജരാക്കിയിരുന്നു. പ്രതിഷേധത്തില്‍ പങ്കെടുക്കാന്‍ വരുന്നതിനിടെ ഡല്‍ഹി പൊലീസ് കസ്റ്റഡിയിലെടുത്ത ഇന്‍ഫ്‌ളുവന്‍സര്‍ ധ്രുവ് റാഠിയെ വിട്ടയച്ചിരുന്നു. പുലര്‍ച്ചെ മൂന്ന് മണിയോടെയാണ് കസ്റ്റഡിയില്‍ നിന്ന് വിട്ടയച്ചത്.
കോഴിക്കോട് : സൗദി അറേബ്യയിലെ റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിനു നേരെയുണ്ടായ ഹൂതി ആക്രമണത്തെത്തുടർന്ന് കോഴിക്കോട് കരിപ്പൂർ അന്താരാഷ്ട്ര വിമാനത്താവളത്തിൽ നിന്നുള്ള മൂന്ന് പ്രധാന വിമാന സർവീസുകൾ റദ്ദാക്കി. രാവിലെ 9.55-ന് പുറപ്പെടേണ്ട സൗദി എയർലൈൻസ് (SV 713), രാവിലെ 9.10-ന് റിയാദിലേക്ക് പുറപ്പെടേണ്ട ഫ്ലൈനാസ് (XY 328), രാത്രി 8.15-ന് പുറപ്പെടേണ്ട എയർ ഇന്ത്യ എക്സ്പ്രസ് (IX 321) എന്നീ സർവീസുകളാണ് റദ്ദാക്കിയത്
കൊച്ചി: നെടുമ്പാശേരിയില്‍ മിനിക്കൂപ്പര്‍ കാറിടിച്ച് മൂന്ന് പേര്‍ മരിച്ചു. സ്‌കൂട്ടറില്‍ സഞ്ചരിക്കുകയായിരുന്ന രണ്ട് യുവതികളെയും ഒരു യുവാവിനെയുമാണ് അതിവേഗതയിലെത്തിയ മിനിക്കൂപ്പര്‍ ഇടിച്ചുതെറിപ്പിച്ചത്. ഇന്ന് പുലര്‍ച്ചെ രണ്ടിനുണ്ടായ അപകടത്തില്‍ ദേവിക, ഗോപിക, ഇജാസ് എന്നിവരാണ് മരണപ്പെട്ടത്. അപകടത്തിന് ശേഷം രക്ഷപ്പെടാന്‍ ശ്രമിച്ച കാര്‍ ഡ്രൈവര്‍ സുഹൈല്‍ സജീവിനെ നാട്ടുകാര്‍ തടഞ്ഞുനിര്‍ത്തി പൊലിസില്‍ ഏല്‍പ്പിക്കുകയായിരുന്നു. ഇയാള്‍ ലഹരി ഉപയോഗിച്ചിരുന്നതായി സംശയമുള്ളതിനാല്‍ പൊലിസ് സംഭവത്തില്‍ വിശദമായ അന്വേഷണം ആരംഭിച്ചിട്ടുണ്ട്.
തൃശ്ശൂർ : റവന്യൂ ജില്ലാ സ്കൂൾ കായികമേള; 169 പോയിന്റ് നേടി തൃശ്ശൂർ ഈസ്റ്റ് ചാമ്പ്യന്മാരായിതൃശൂർ : നാലു നാളുകൾ നീണ്ടുനിന്ന ആവേശകരമായ പോരാട്ടങ്ങൾക്കൊടുവിൽ തൃശൂർ റവന്യൂ ജില്ലാ സ്കൂൾ കായികമേളയുടെ കിരീടം തൃശ്ശൂർ ഈസ്റ്റ് ഉപജില്ല സ്വന്തമാക്കി. 169 പോയിന്റ് നേടിയാണ് തൃശൂർ ഈസ്റ്റ് ഒന്നാം സ്ഥാനത്തെത്തിയത്. 16 സ്വർണം, 15 വെള്ളി, 11 വെങ്കലം ഉൾപ്പെടെ 42 മെഡലുകളാണ് തൃശ്ശൂർ ഈസ്റ്റ് താരങ്ങൾ സ്വന്തമാക്കിയത്.154 പോയിന്റ് നേടി ചാലക്കുടി ഉപജില്ലയാണ് രണ്ടാം സ്ഥാനത്ത്. 11 …
തൃശ്ശൂർ റവന്യൂ ജില്ലാ സ്കൂൾ കായികമേള; :169 പോയിന്റ് നേടി തൃശ്ശൂർ ഈസ്റ്റ് ചാമ്പ്യന്മാരായി Read More »
അമല മെഡിക്കൽ കോളേജിന്റെ ചേറ്റുപുഴയിൽ നടത്തിവരുന്ന അർബൻ ട്രെയിനിങ് സെന്റർ വാർഷികത്തിന്റെ ഉദ്ഘാടനം തൃശ്ശൂർ ഡെപ്യൂട്ടി മേയർ എ. പ്രസാദ് നിർവഹിച്ചു. ഫാ. പോൾ പോട്ടക്കൽ സി. എം. ഐ അധ്യക്ഷത വഹിച്ചു, അമല ഇൻസൈറ്റ് മൊബൈൽ ലാബ്, മൊബൈൽ ഫാർമസി, ന്യൂറോളജി ചൈൽഡ് ഡെവലപ്മെന്റ് ക്ലിനിക് എന്നിവയുടെ ഉദ്ഘാടനവും ചടങ്ങിൽ വെച്ച് നടത്തി. ഫാ. ലിജോയ് സി.എം.ഐ, കൗൺസിലർമാരായ ഇ.എസ് ബാബുരാജ്, കെ. സുമേഷ്,സാജൻ ജോർജ്, ഷാജി കുണ്ടോളി, സുനിത വിനു, അമല ഡയറക്ടർ ഫാ. …
തൃശൂര്‍: ശ്രീ ജൂന അഖാഡയുടെ നേതൃത്വത്തില്‍ സംഘടിപ്പിക്കുന്ന തിരുനാവായ മഹാമാഘ മഹോത്സവത്തിന്റെ തൃശൂര്‍ ജില്ലയിലെ പ്രവര്‍ത്തനങ്ങള്‍ ഏകോപിപ്പിക്കുന്നതിന് കുംഭ് സഞ്ചാലന്‍ സമിതി രൂപീകരിച്ചു. പാറമേക്കാവ് ക്ഷേത്രം അഗ്രശാലയില്‍ ചേര്‍ന്ന രൂപീകരണ യോഗം തന്ത്രി ബ്രഹ്‌മശ്രീ തരണനെല്ലൂര്‍ പത്മനാഭന്‍ നമ്പൂതിരിപ്പാട് ഉദ്ഘാടനം ചെയ്തു. തിരുവമ്പാടി ദേവസ്വം സെക്രട്ടറി കെ. ഗിരീഷ് കുമാര്‍ അദ്ധ്യക്ഷത വഹിച്ചു.ബ്രഹ്‌മശ്രീ നന്ദകുമാര്‍ തന്ത്രി, രഘുനാഥ് വെള്ളാട്ട്, ജയരാജ് മിത്ര, കൃഷ്ണകുമാര്‍ പുല്ലൂരാന്‍, ബാബുരാജ് കേച്ചേരി എന്നിവര്‍ സംസാരിച്ചു. ശ്രീ പംച് ദശനാം ജൂന അഖാഡ …
തിരുനാവായ മഹാമാഘ മഹോത്സവം: ജില്ലാ കുംഭ് സഞ്ചാലന്‍ സമിതി രൂപീകരിച്ചു Read More »
തൃശ്ശൂര്‍: ചാലക്കുടിയില്‍ അച്ഛനും മകനും തമ്മിലുണ്ടായ സംഘര്‍ഷത്തില്‍ 58കാരനായ മകന്‍ തോട്ട പൊട്ടി മരിച്ചു. മേലൂര്‍ അടിച്ചിലിയില്‍ രാമകൃഷ്ണന്റെ മകന്‍ നന്ദനനാണ് മരിച്ചത്. വാക്കത്തി കൊണ്ട് വെട്ടേറ്റ അച്ഛന്‍ രാമകൃഷ്ണന്‍ ഗുരുതരാവസ്ഥയില്‍ ചികിത്സയില്‍ തുടരുകയാണ്. ഇന്ന് രാവിലെ ആയിരുന്നു സംഭവം. വീടിനു സമീപത്തെ പറമ്പില്‍ കൃഷിപ്പണി കഴിഞ്ഞ മടങ്ങുകയായിരുന്ന രാമകൃഷ്ണനും മകന്‍ നന്ദനനും തമ്മില്‍ വാക്കുതര്‍ക്കവും പിന്നീട് സംഘര്‍ഷവും ഉണ്ടാവുകയായിരുന്നു. വാക്കത്തികൊണ്ട് രാമകൃഷ്ണനെ മകന്‍ നന്ദനന്‍ വെട്ടി. ശബ്ദം കേട്ട് അയല്‍വാസിയായ ഒരാള്‍ ഓടിയെത്തുമ്പോഴേക്കും നന്ദനന്റെ അരയിലിരുന്ന …
ന്യൂഡല്‍ഹി: ജന്തര്‍മന്തറില്‍ പ്രതിഷേധിക്കാനെത്തിയപ്പോള്‍ കസ്റ്റഡിയിലെടുത്ത മുന്‍ മുഖ്യമന്ത്രിയും പ്രതിപക്ഷ നേതാവുമായ പിണറായി വിജയനെ ഡല്‍ഹി പൊലിസ് വിട്ടയച്ചു. മന്ദിര്‍ മാര്‍ഗ് പൊലിസ് സ്റ്റേഷനില്‍ നിന്നാണ് പിണറായിയെ വിട്ടയച്ചത്. രാവിലെ 10.30നാണ് പിണറായിയെ കസ്റ്റഡിയിലെടുത്തതാണ്. എട്ട് മണിക്കൂറിന് ശേഷമാണ് പൊലിസ് അദ്ദേഹത്തെ വിട്ടയച്ചത്. പത്തരയ്ക്ക് കസ്റ്റഡിയിലെടുത്ത പിണറായിയെ മൂന്നര മണിക്കൂറോളം വാഹനത്തില്‍ വട്ടംകറക്കിയ ശേഷമാണ് ഡല്‍ഹി പൊലിസ് മന്ദിര്‍ മാര്‍ഗ് സ്റ്റേഷനില്‍ എത്തിച്ചത്.
ഡല്‍ഹി: ഡല്‍ഹിയില്‍ കേരളത്തിലെ സിപിഎം നേതാക്കളെ പൊലീസ് കൂട്ടത്തോടെ കസ്റ്റഡിയിലെടുത്തു. പ്രതിപക്ഷ നേതാവ് പിണറായി വിജയന്‍ ഉള്‍പ്പെടെയുള്ള നേതാക്കളെയാണ് കസ്റ്റഡിയിലെടുത്തത്. എം.എ ബേബി, ഇ.പി ജയരാജന്‍, എം.വി ഗോവിന്ദന്‍, കെ.കെ ശൈലജ, പി.കെ ശ്രീമതി, കെ.എന്‍ ബാലഗോപാല്‍, ജോണ്‍ ബ്രിട്ടാസ് എംപി തുടങ്ങിയ നേതാക്കളെയും പൊലീസ് കസ്റ്റഡിയിലെടുത്തിട്ടുണ്ട്. കേരള ഹൗസില്‍ നിന്ന് മാര്‍ച്ചിന് തയ്യാറെടുക്കുന്നതിനിടെയായിരുന്നു പൊലീസ് നടപടി.
