കൊച്ചി: നടിയെ തട്ടിക്കൊണ്ടുപോയി ബലാത്സംഗം ചെയ്ത കേസില് എട്ടാം പ്രതിയായ നടൻ ദിലീപിനെ വെറുതെ വിട്ടു. കേസിൽ ഒന്നാം പ്രതി പൾസർ സുനിയടക്കം ആദ്യ അഞ്ച് പ്രതികൾ കുറ്റക്കാരാണ് ‘എറണാകുളം ജില്ലാ കോടതിയാണ് ഇന്ന് വിധി പ്രസ്താവിച്ചത്.അഞ്ചു വര്ഷം നീണ്ട വിചാരണക്കും നാടകീയ സംഭവങ്ങള്ക്കും ശേഷമാണ് കേസില് വിധി വന്നത് ‘ജഡ്ജി ഹണി എം വര്ഗീസാണ് വിധി പ്രസ്താവിച്ചത്കനത്ത സുരക്ഷാ വലയത്തിലാണ് കോടതി.പൊതുജനങ്ങള്ക്കും മാധ്യമങ്ങള്ക്കും നിയന്ത്രണമേര്പ്പെടുത്തിയിരുന്നു
സംഭവം നടന്ന് എട്ടു വര്ഷങ്ങള്ക്ക് ശേഷമാണ് വിചാരണ പൂര്ത്തിയാക്കി കോടതി വിധി പറയുന്നത്. അതിജീവിതയുടെ ശക്തമായ പോരാട്ടത്തിന്റെ ചരിത്രം കൂടി അടയാളപ്പെടുത്തുന്നതാണ് ഈ ദിനം. 2017 ഫെബ്രുവരി 17ന് എറണാകുളം അങ്കമാലിക്ക് സമീപം ഓടിക്കൊണ്ടിരുന്ന കാറില് നടിയെ ഒരു സംഘം തട്ടിക്കൊണ്ടു പോയി ബലാത്സംഗം ചെയ്യുകയായിരുന്നു. ബലാത്സംഗ ദൃശ്യങ്ങള് ക്യാമറയില് പകര്ത്തുകയും ചെയ്തു. ദിലീപ് കേസിലെ എട്ടാം പ്രതിയാണ്. പള്സര് സുനി, നടിയുടെ ഡ്രൈവര് മാര്ട്ടിന്, ബി മണികണ്ഠന്, തുടങ്ങി ആകെ പത്ത് പ്രതികളുണ്ട്.
പത്താം പ്രതിയായിരുന്ന വിഷ്ണു മാപ്പുസാക്ഷിയായി. പ്രമുഖ നടീ നടന്മാരടക്കം 261 സാക്ഷികളുള്ള കേസില് 28 പേര് മൊഴി മാറ്റി. 142 തൊണ്ടികള് കോടതി പരിശോധിച്ചു. സാക്ഷി വിസ്താരത്തിന് മാത്രം കോടതി 438 ദിവസമെടുത്തു.
ലൈംഗിക പീഡനം, ഗൂഢാലോചന, സ്ത്രീത്വത്തെ അപമാനിക്കല്, അന്യായ തടങ്കല് , അശ്ലീല ചിത്രമെടുക്കല് തുടങ്ങിയ വകുപ്പുകളാണ് പ്രതികള്ക്കെതിരെയുള്ളത്.കേസിലെ പ്രതികള്ക്കെല്ലാം നേരത്തേ ജാമ്യം ലഭിച്ചിട്ടുണ്ട്
