ദില്ലി: സഞ്ചാര് സാഥി ആപ്പ് നിബന്ധനയില് കേന്ദ്രസര്ക്കാര് നിലപാടില് മാറ്റം. ആപ്പ് പ്രീ ഇന്സ്റ്റാള് ചെയ്യേണ്ടതില്ലെന്ന് കേന്ദ്ര സര്ക്കാര് വ്യക്തമാക്കി. ആപ്പിന് ജനങ്ങള്ക്കിടയില് സ്വീകാര്യത കൂടി വരുന്നത് പരിഗണിച്ച് ഉത്തരവ് പിന്വലിക്കുന്നുവെന്നാണ് കേന്ദ്രത്തിന്റെ വിശദീകരണം. എന്നാല്, മൊബൈല് കമ്പനികളില് നിന്നടക്കം കടുത്ത എതിര്പ്പ് ഉയര്ന്ന പശ്ചാത്തലത്തിലാണ് ഈ പിന്മാറ്റം. പുതിയ ഫോണുകളില് സഞ്ചാര് സാഥി നിര്ബന്ധമാക്കണമെന്ന് കേന്ദ്ര സര്ക്കാര് നിര്ദ്ദേശിച്ചാല് സഹകരിക്കില്ലെന്ന് ആപ്പിള് വ്യക്തമാക്കിയതായി റിപ്പോര്ട്ടുകള് വന്നിരുന്നു. ലോകത്തൊരിടത്തും ഇത്തരം നിര്ദ്ദേശം കമ്പനി അംഗീകരിക്കാറില്ലെന്നതാണ് ആപ്പിളിന്റെ നിലപാട്. ഐ ഒ എസ് ഇക്കോസിസ്റ്റത്തിന്റെ സുരക്ഷയെ ബാധിക്കുമെന്നും കമ്പനി വ്യക്തമാക്കിയതായി ആപ്പിള് അധികൃതരെ ഉദ്ധരിച്ച് വാര്ത്താ ഏജന്സിയായ റോയിട്ടേഴ്സ് ആണ് റിപ്പോര്ട്ട് ചെയ്തത്.
കേന്ദ്രം പിന്മാറി, സഞ്ചാര് സാഥി ആപ്പ് പ്രീ ഇന്സ്റ്റാള് ചെയ്യേണ്ടതില്ല
