കോല്‍ക്കത്ത: പശ്ചിമ ബംഗാള്‍ തലസ്ഥാനമായ കോല്‍ക്കത്തയില്‍ ദുര്‍ഗാപൂജ പന്തലിലുണ്ടായ തിക്കിലും തിരക്കിലും പെട്ട് മരിച്ചവരുടെ എണ്ണം 19 ആയി. 25 പേര്‍ക്ക് പരിക്കേറ്റു.
ഇന്നലെ വൈകുന്നേരം വടക്കന്‍ കോല്‍ക്കത്തയിലെ ചോര്‍ ബഗാന്‍ സര്‍ബോജനീന്‍ പൂജാ പന്തലില്‍ ആണ് അപകടമുണ്ടായത്. മഴയെത്തുടര്‍ന്ന് പന്തലിന്റെ പ്രവേശന കവാടത്തില്‍ വന്‍ തിരക്ക് രൂപപ്പെട്ടതാണ് അപകടത്തിലേക്ക് നയിച്ചതെന്ന് അധികൃതര്‍ പറഞ്ഞു.
അപകടത്തിന്റെ പശ്ചാത്തലത്തില്‍ പശ്ചിമ ബംഗാള്‍ മുഖ്യമന്ത്രി സുവേന്ദു അധികാരിയും ചീഫ് സെക്രട്ടറി മനോജ് അഗര്‍വാളും ആശുപത്രിയിലെത്തി സ്ഥിതിഗതികള്‍ വിലയിരുത്തി. സംഭവത്തില്‍ മുന്‍ മുഖ്യമന്ത്രി മമത ബാനര്‍ജി ഞെട്ടല്‍ രേഖപ്പെടുത്തി. സ്ഥലത്ത് പൊലിസിന്റെയും ഫയര്‍ഫോഴ്‌സിന്റെയും നേതൃത്വത്തില്‍ രക്ഷാപ്രവര്‍ത്തനം തുടരുകയാണ്.
