മുഖ്യമന്ത്രി ഔദ്യോഗിക വാഹനത്തിൽ നിന്ന് ഇറങ്ങുന്ന സമയം ചുറ്റുംകൂടിയ അംഗരക്ഷകർക്ക് ഇടയിലൂടെയാണ് കോളർ ധരിച്ച തെരുവുനായ ‘സുരക്ഷ ഭേദിക്കാൻ ‘ നോക്കിയത്.
കൊച്ചി: തെരുവുനായ ശല്യം അതിരൂക്ഷമായി കേരളത്തിൽ തുടരുമ്പോൾ ഇന്ന് രാവിലെ ഡൽഹിയിലെ എകെജി ഭവനിൽ പോളിറ്റ് ബ്യൂറോ യോഗത്തിൽ പങ്കെടുക്കാൻ എത്തിയ മുഖ്യമന്ത്രി പിണറായി വിജയന്റെ അടുത്തെത്തിയ തെരുവുനായയെ അംഗരക്ഷകർ ആട്ടിയോടിച്ചു.
മുഖ്യമന്ത്രി ഔദ്യോഗിക വാഹനത്തിൽ നിന്ന് ഇറങ്ങുന്ന സമയം ചുറ്റുംകൂടിയ അംഗരക്ഷകർക്ക് ഇടയിലൂടെയാണ് കോളർ ധരിച്ച തെരുവുനായ ‘സുരക്ഷ ഭേദിക്കാൻ ‘ നോക്കിയത്.
ആദ്യം കൈകൊണ്ട് അംഗരക്ഷകർ ആട്ടാൻ ശ്രമിച്ചെങ്കിലും മാറാതിരുന്ന നായയെ പിന്നെ കാലുകൊണ്ട് അകറ്റുകയായിരുന്നു. അംഗരക്ഷകർ നായയെ അകറ്റാൻ ശ്രമിക്കുന്നനത് മുഖ്യമന്ത്രിയുടെയും ശ്രദ്ധയിൽപ്പെട്ടു. ആട്ടിയകറ്റിയ നായ കുറച്ചുനേരം മുഖ്യമന്ത്രിയുടെ കാറിനരികിൽ നിന്ന് ശേഷം സ്ഥലം വിട്ടു.
കോളർ കഴുത്തിൽ ഉണ്ടായിരുന്ന നായ മുൻപ് വളർത്തുനായ ആയിരിക്കാനാണ് സാധ്യത. പിന്നീട് ഉടമസ്ഥർ തെരുവിൽ വിട്ടതാകാം. കോവിഡ് ലോക്ക് ഡൗൺ സമയത്ത് നായകളെ വളർത്തിയവർ പിന്നീട് അവയെ തെരുവുകളിൽ വിട്ടത് കേരളത്തിൽ തെരുവുനായ ശല്യം രൂക്ഷമാകാൻ ഒരു കാരണമാണ്.
