കൊച്ചി: ഭൂമി തരംമാറ്റുന്നതിന് കൈക്കൂലി വാങ്ങുന്നതിനിടെ ഒളവണ്ണ വില്ലേജ് ഓഫീസര്‍ പിടിയില്‍. കോതമംഗലം സ്വദേശി ഉല്ലാസ് മോനാണ് കോഴിക്കോട് വിജിലന്‍സ് യൂണിറ്റിന്റെ പിടിയിലായത്. ആവശ്യപ്പെട്ട എട്ടു ലക്ഷത്തിന്റെ ആദ്യ ഘഡുവായ അമ്പതിനായിരം രൂപ കൈമാറുന്നതിനിടെയാണ് പിടിയിലായത്
മൂന്ന് ദിവസം മുമ്പാണ് പരാതിക്കാരന്‍ വിജിലന്‍സിനെ സമീപിച്ചത്. 1.62 ഏക്കര്‍ ഭൂമി തരം മാറ്റുന്നതിനണ് ഒളവണ്ണ വില്ലേജ് ഓഫിസര്‍ ഉല്ലാസ് മോന്‍ കൈക്കൂലി ആവശ്യപ്പെട്ടത്. ഒരു സെന്റിന് പതിനായിരം രൂപ വച്ചായിരുന്നു കൈക്കൂലി ആവശ്യപ്പെട്ടത്. ഇത് 16 ലക്ഷത്തോളം വരും. എന്നാല്‍ ഇത് പരാതിക്കാരന്‍ എട്ടു ലക്ഷം നല്‍കാമെന്ന് പറഞ്ഞുറപ്പിച്ചു.
ഇതിന്റെ ആദ്യ ഘഡുവായിട്ടാണ് അമ്പതിനായിരം രൂപ എന്‍ജിഒ ക്വാര്‍ട്ടേഴ്‌സിന് സമീപം വച്ച് കൈമാറാന്‍ എത്തിയത്. ഇതിനിടെയാണ് വിജിലന്‍സിന്റെ പിടിയിലായത്.
