തൃശൂര്: മേയര് വിളിച്ചുചേര്ത്ത കോര്പറേഷന് കൗണ്സില് യോഗം തിരഞ്ഞെടുപ്പ് ചട്ടങ്ങള്ക്ക് വിരുദ്ധമെന്ന് പ്രതിപക്ഷം. 11 മണിക്ക് തുടങ്ങേണ്ട യോഗത്തിന് അരമണിക്കൂര് മുന്പേ പ്രതിപക്ഷ നേതാവ് രാജന്.ജെ.പല്ലന്റെ നേതൃത്വത്തില് കോണ്ഗ്രസ് കൗണ്സിലര്മാര് ഹാളിലെത്തി. മേയറുടെ ചേമ്പറില് കയറി നിന്ന് മുദ്രാവാക്യം വിളിച്ചു. മേയര് വന്നാല് കസേരയില് ഇരുത്തില്ലെന്ന് പ്രതിപക്ഷം മൈക്കിലൂടെ അറിയിച്ചു. 11 മണിക്ക് മേയറുടെ ചെയര് പൊക്കിയെടുത്ത് മേശയില് വെച്ച് പ്രതിപക്ഷം പ്രതിഷേധിച്ചു. 12 മണിയോടെ യോഗം മാറ്റിവെച്ചതായി മേയറുടെ അറിയിപ്പ് വന്നു.മേയര് എം.കെ.വര്ഗീസ് യോഗത്തിനെത്തിയില്ല.ഇന്നത്തെ കൗണ്സില് യോഗം നിയമവിരുദ്ധമല്ലയെങ്കില് പിന്നെ എന്തിനാണ് സി.പി.എമ്മും, മേയറും, കൗണ്സില് യോഗം മാറ്റി വെച്ചതെന്ന് തൃശ്ശൂര് ജനതയോട് തുറന്നു പറയണമെന്ന് പ്രതിപക്ഷ നേതാവ് രാജന്.ജെ.പല്ലന് ആവശ്യപ്പെട്ടു.
കൗണ്സില് യോഗം ചട്ടവിരുദ്ധം മേയറുടെ ചെയര് പൊക്കി പ്രതിപക്ഷത്തിന്റെ പ്രതിഷേധം
