തൃശൂര്‍: പുതിയ അധ്യയനവര്‍ഷത്തിന് തുടക്കമിട്ട് നടന്ന പ്രവേശനോത്സവത്തില്‍ വിദ്യാര്‍ത്ഥികളെ സ്വാഗതം ചെയ്യാന്‍ അധ്യാപിക കഥകളി വേഷം ധരിച്ചെത്തിയത്് പുതുമയായി. ജെ.പി ഇ ഹയര്‍ സെക്കണ്ടറി സ്‌കൂളിലെ പ്രവേശനോത്സവത്തിലാണ് കഥകളിവേഷം ധരിച്ച സംഗീത അധ്യാപിക സീമത്ത് ടീച്ചര്‍ വിദ്യാര്‍ത്ഥികളെ വരവേറ്റത്.
മാറ്റങ്ങളുടെ കാലഘട്ടത്തില്‍ കേരളത്തിന്റെ ക്ലാസിക് കലയായ കഥകളിയെ പുതുതലമുറയ്ക്ക് പരിചയപ്പെടുത്തുകയെന്നതായിരുന്നു അധ്യാപികയുടെ ഉദ്ദേശ്യം. തുടര്‍ന്ന് പ്രവേശനോത്സവ ഗാനത്തിനൊപ്പം അവര്‍ കുട്ടികളുടെ കൂടെ നൃത്തം ചെയ്തു. വാര്‍ഡ് കൗണ്‍സിലര്‍ വിനോദ് പൊള്ളഞ്ചേരി ഉദ്ഘാടനം ചെയ്തു
പ്രവേശനോത്സവത്തിന് അധ്യാപിക കഥകളി വേഷത്തില്‍
