തൃശൂര്: മാന്ദാമംഗലം വെള്ളക്കാരിത്തടത്ത് വീട്ടുവളപ്പിലെ കിണറ്റില് വീണ കാട്ടാന ചരിഞ്ഞു. ഇന്നലെ രാത്രി ഒരു മണിയോടെയാണ് വെള്ളക്കാരിത്തടം ആനക്കുഴി സ്വദേശി കുരിക്കാശ്ശേരി സുരേന്ദ്രന്റെ വീട്ടിലെ കിണറ്റില് കാട്ടാന അബദ്ധത്തില് വീണത്. വനം വകുപ്പ് ഉദ്യോഗസ്ഥരുടെയും നാട്ടുകാരുടെയും ജനപ്രതിനിധികളുടെയുമെല്ലാം നേതൃത്വത്തില് രക്ഷാദൗത്യം നടക്കുകയായിരുന്നു.
എന്നാല് ഇതിനിടെ ആനയ്ക്ക് അനക്കമില്ലെന്ന് കാണുകയും വനം വകുപ്പ് ഉദ്യോഗസ്ഥര്ക്കടക്കം സംശയം തോന്നുകയും ചെയ്തതോടെ പരിശോധിച്ചപ്പോഴാണ് ആന ചരിഞ്ഞതായി അറിഞ്ഞത്.
വീട്ടുകാര് ഉപയോഗിക്കുന്ന അല്പം ആഴമുള്ള കിണറാണിത്. അബദ്ധത്തില് കാട്ടാന വീണതാണ് കാടിനോട് ചേര്ന്നുള്ള പ്രദേശമായതിനാല് തന്നെ ഇവിടെ കാട്ടാന വരുന്നത് അപൂര്വമല്ല.
.
