ഹൈദരാബാദ് : നടൻ അല്ലു അർജുൻ റിമാൻഡിൽ. അല്ലു അർജുനെ റിമാൻഡ് ചെയ്തുവെന്ന് തെലങ്കാന പൊലീസ് ഹൈക്കോടതിയെ അറിയിച്ചു. താരത്തിന് ഇടക്കാല ജാമ്യം അനുവദിക്കണമെന്ന ആവശ്യം തെലങ്കാന ഹൈക്കോടതി പരിഗണിക്കുന്നു. പുഷ്പ ടൂ സിനിമയുടെ റിലീസിനിടെയുണ്ടായ മരണവുമായി ബന്ധപ്പെട്ട കേസിലാണ് അറസ്റ്റ് . ജൂബിലി ഹില്‍സിലെ വസതിയില്‍ വെച്ചാണ് ഹൈദരാബാദ് പോലീസിന്റെ ടാസ്‌ക് ഫോഴ്സ് സംഘം നടനെ അറസ്റ്റ് ചെയ്തത്. പുഷ്പ ടൂ സിനിമയുടെ ആദ്യ പ്രദര്‍ശനത്തിനിടെ സ്ത്രീ മരിച്ച സംഭവത്തിലാണ് അറസ്റ്റ്. പുഷ്പ 2 റിലീസ് ദിനത്തില്‍ നടനെ കാണാന്‍ ആളുകള്‍ ഇരച്ചെത്തിയതോടെയുണ്ടായ തിക്കിലും തിരക്കിലും പെട്ടാണ് ഹൈദരാബാദ് ദില്‍സുഖ്നഗര്‍ സ്വദേശി രേവതിക്ക് (39) ജീവന്‍ നഷ്ടമായത്.
‘
