തിരുവനന്തപുരം: സംസ്ഥാനത്ത് ഇന്ന് സ്വര്ണവിലയില് വര്ധനവ് രേഖപ്പെടുത്തി. ഓള് കേരള ഗോള്ഡ് ആന്ഡ് സില്വര് മെര്ച്ചന്റ്സ് അസോസിയേഷന് പുറത്തുവിട്ട കണക്കുകള് പ്രകാരം 22 കാരറ്റ് സ്വര്ണം ഗ്രാമിന് 205 രൂപയും പവന് 1,640 രൂപയുമാണ് വര്ധിച്ചത്. ഗ്രാമിന് 14,560 രൂപയും പവന് 1,16,480 രൂപയുമാണ് ഇന്നത്തെ വില. വെള്ളി വില മാറ്റമില്ലാതെ തുടരുകയാണ്. കഴിഞ്ഞ ജനുവരി 29-നാണ് കേരളത്തില് സ്വര്ണവില റെക്കോര്ഡ് നിരക്കിലെത്തിയത്. അന്ന് ഗ്രാമിന് 16,395 രൂപയും പവന് 1,31,160 രൂപയുമായിരുന്നു വില. ചരിത്രത്തിലെ തന്നെ ഏറ്റവും ഉയര്ന്ന നിരക്കില് നിന്ന് താഴേക്ക് പോയ ശേഷം സ്വര്ണവില ഏറിയും കുറഞ്ഞും നില്ക്കുകയാണ്.
ആഗോള ഓഹരി വിപണിയിലെ അനിശ്ചിതത്വങ്ങളും രൂപയുടെ മൂല്യത്തകര്ച്ചയും സ്വര്ണത്തെ ഒരു സുരക്ഷിത നിക്ഷേപമാക്കി മാറ്റുന്നതാണ് നിലവിലെ വിലവര്ധനവിന് പ്രധാന കാരണം.
സ്വര്ണവിലയില് വീണ്ടും വന് കുതിപ്പ്
