തൃശൂര്: വിയ്യൂര് ജയിലില് തടവില് കഴിയുന്ന തിരുവനന്തപുരം കോര്പ്പറേഷന് ബിജെപി കൗണ്സിലര് ആര് സുഗതന് സത്യപ്രതിജ്ഞ ചെയ്തു. രാവിലെ 11 മണിയോടെ ജയില് സൂപ്രണ്ടിന്റെ മുറിയില് വെച്ചായിരുന്നു സത്യപ്രതിജ്ഞ ചടങ്ങ് നടന്നത്. സംസ്ഥാനത്ത് ഇതാദ്യമായിട്ടാണ് ജയിലില് വെച്ച് സത്യപ്രതിജ്ഞ നടന്നത്. ഹൈക്കോടതിയുടെ അനുമതിയോടെയായിരുന്നു ജയിലില് വെച്ചുള്ള സത്യപ്രതിജ്ഞ. തിരുവനന്തപുരം കോര്പറേഷന് മേയര് വി വി രാജേഷാണ് സുഗതന് സത്യവാചകം ചൊല്ലിക്കൊടുത്തത്. തിരുവനന്തപുരം കോര്പറേഷന് വാര്ഡ് 20 ലെ കൗണ്സിലറാണ് സുഗതന്. കഴിഞ്ഞ ജൂണ് 9 മുതല് കാപ്പ ചുമത്തി നാടുകടത്തപ്പെട്ട സുഗതന് നിലവില് വിയ്യൂര് സെന്ട്രല് ജയിലിലാണ്.
കേരള രാഷ്ട്രീയത്തിന്റെ ചരിത്രത്തില് ആദ്യമായാണ് ജനപ്രതിനിധി ജയിലില് സത്യപ്രതിജ്ഞ ചെയ്യുന്നത്. ചട്ടവിരുദ്ധമായി പല ദൈവങ്ങളുടെ പേരില് പ്രതിജ്ഞ ചെയ്തതിന് ഹൈക്കോടതി സത്യപ്രതിജ്ഞ അസാധുവാക്കിയവരില് ഒരാളാണ്
കൗണ്സിലര് സുഗതന് വിയ്യൂര് ജയിലില് സത്യപ്രതിജ്ഞ ചെയ്തു
