ബംഗളൂരു: കോണ്ഫിഡന്റ് ഗ്രൂപ്പ് ഉടമ ഡോ. സി.ജെ. റോയ് സ്വയം വെടിവച്ച് ജീവനൊടുക്കിയ സംഭവത്തില് കര്ണാടക സര്ക്കാര് അന്വേഷണം സിഐഡിയ്ക്ക് കൈമാറി. അന്വേഷണ സംഘം പോലീസ് റോയിയുടെ കുടുംബാംഗങ്ങളുടെയും, ഫോണ്ഫിഡന്റ് ഗ്രൂപ്പിലെ ജീവനക്കാരുടെയും മൊഴിയെടുത്തു. രാവിലെ ഹലസുര ഹോട്ടലില് വെച്ചായിരുന്നു മൊഴി ബാങ്ക് എക്കൗണ്ടുകളും, പണമിടപാടുകളും പരിശോധിക്കും. തോക്ക് കസ്റ്റഡിയിലെടുത്തിട്ടുണ്ട്.
റിയല് എസ്റ്റേറ്റ് മേഖലയില് അടക്കം വിപുലമായ പരിശോധന വേണ്ടിവരും. ആദായ നികുതി ഉദ്യോഗസ്ഥരുടെ സമ്മര്ദമുണ്ടായെന്ന കുടുംബത്തിന്റെ പരാതി വിശദമായി അന്വേഷിക്കും. കുറ്റമറ്റ അന്വേഷണത്തിനാണ് സര്ക്കാര് നിര്ദേശം നല്കിയിരിക്കുന്നത്. റോയിയുടെ ഫോണ് വിദഗ്ധ പരിശോധനയ്ക്കായി അയയ്ക്കും. മരണകാരണം ആത്മഹത്യ തന്നെ എന്ന് സ്ഥിരീകരിക്കാന് ബാലസ്റ്റിക് ഫോറന്സിക് പരിശോധന ഫലത്തിനായി കാത്തിരിക്കുകയാണ് അന്വേഷണസംഘം.
അതേസമയം, അഞ്ച് പേജുള്ള പരാതിയാണ് കോണ്ഫിഡന്റ് ഗ്രൂപ്പ് ഡയറക്ടര് സി.ജെ. ബാബു നല്കിയത്. ഉദ്യോഗസ്ഥരുടെ മാനസിക പീഡനത്തെ തുടര്ന്നാണ് റോയ് ജീവനൊടുക്കിയതെന്ന് റോയിയുടെ സഹോദരന് ആരോപിച്ചിരുന്നു.
ആദായ വകുപ്പ് അഡീഷണല് കമ്മീഷണര് കൃഷ്ണപ്രസാദാണ് റോയിയുടെ മരണത്തിന് ഉത്തരവാദിയെന്ന് സഹോദരന് കുറ്റപ്പെടുത്തിയിരുന്നു. റോയ് മരിച്ചിട്ടും ആദായ വകുപ്പ് ഉദ്യോഗസ്ഥര് റെയ്ഡ് തുടര്ന്നുവെന്നും കുടുംബം ആരോപിച്ചിരുന്നു. ഇക്കാര്യം ഉന്നയിച്ച് പോലീസില് പരാതിയും നല്കി. പരിശോധന നടത്തിയ അന്വേഷണ ഉദ്യോഗസ്ഥരുടെ മൊഴി ഇന്ന് രേഖപ്പെടുത്തിയേക്കും ബംഗളൂരുവിലെ ബൗറിങ് ആശുപത്രിയില് പോസ്റ്റ്മോര്ട്ടം നടപടികള് പൂര്ത്തിയാക്കിയ ശേഷം മൃതദേഹം ബന്ധുക്കള്ക്ക് വിട്ടു നല്കും. ബെംഗളൂരുവില് നാളെയാണ് സംസ്കാരം.
അതേസമയം ഐടി ഉദ്യോഗസ്ഥര് നിരന്തരമായി റോയ്ക്കുമേല് സമ്മര്ദ്ദം ചെലുത്തിയെന്ന് ലീഗല് അഡൈ്വസര് പ്രകാശ് പറഞ്ഞു. കേരളത്തില് നിന്നുള്ള ഐടി ഉദ്യോഗസ്ഥരാണ് റെയ്ഡ് നടത്തിയത്. മൂന്നുദിവസമായി റെയ്ഡ് നടക്കുന്നുണ്ട് എന്ന് സിറ്റി പോലീസ് കമ്മീഷണര് അറിയിച്ചു. ഐടി ഉദ്യോഗസ്ഥരില് നിന്നും വിശദാംശങ്ങള് തേടുമെന്നും പൊലീസ് അറിയിച്ചു.
റോയ് സി ജെയുടെ ആത്മഹത്യ: ജീവനക്കാരുടെയും, കുടുംബാംഗങ്ങളുടെയും മൊഴിയെടുത്തു, സംസ്കാരം നാളെ
