കര്ദിനാള് ആലഞ്ചേരിക്ക് തിരിച്ചടി. ഹൈക്കോടതി സ്വീകരിച്ച ചില തുടര്നടപടികളില് സുപ്രീംകോടതി അതൃപ്തി അറിയിച്ചു. ക്രമക്കേട് ചൂണ്ടിക്കാട്ടിജോഷി വര്ഗീസാണ് ഹര്ജി നല്കിയത്. കര്ദിനാളിന് അനുകൂല നിലപാടാണ് സംസ്ഥാന സര്ക്കാര് സുപ്രീം കോടതിയില് സ്വീകരിച്ചത്.
കൊച്ചി: സിറോ മലബാര് സഭ ഭൂമിയിടപാട് കേസില് കര്ദിനാള് ജോര്ജ് ആലഞ്ചേരിക്ക് തിരിച്ചടി. സഭാ ഭൂമിയിടപാട് കേസുകള് റദ്ദാക്കണമെന്ന ആലഞ്ചേരിയുടെ ഹര്ജി സുപ്രീംകോടതി തള്ളി. എന്നാൽ ഹൈക്കോടതി സ്വീകരിച്ച ചില തുടര്നടപടികളില് സുപ്രീംകോടതി അതൃപ്തി അറിയിച്ചു.
സഭയുടെ ഭൂമി ഇടപാടുകളിലെ ക്രമക്കേട് ചൂണ്ടിക്കാട്ടി ജോഷി വര്ഗീസാണ് ഹര്ജി നല്കിയത്. കര്ദിനാള് മാര് ജോര്ജ് ആലഞ്ചേരി അടക്കം 24 പേരാണ് കേസിലെ പ്രതികള്. ഇടനിലക്കാരും ഭൂമി വാങ്ങിയവരും പ്രതിപ്പട്ടികയിലുണ്ട്. ആധാരം വിലകുറച്ച് കാണിച്ച് കോടികളുടെ ഇടപാട് നടത്തിയെന്നാണ് ഇഡി കേസ്. നികുതി വെട്ടിപ്പിന് ആദായ നികുതി വകുപ്പ് സഭയ്ക്ക് 6.5 കോടി പിഴ ഇട്ടിരുന്നു.
ജസ്റ്റിസുമാരായ ദിനേശ് മഹേശ്വരി, ബേല എം ത്രിവേദി എന്നിവര് അടങ്ങിയ ബെഞ്ചാണ് കര്ദിനാള് ഉള്പ്പടെ നല്കിയ ഹര്ജികളില് വിധി പ്രസ്താവിച്ചത്. കാക്കനാട് മജിസ്ട്രേറ്റ് കോടതിയിലുള്ള കേസുകളിലെ നടപടികള് റദ്ദാക്കണമെന്ന് ആവശ്യപ്പെട്ടാണ് കര്ദിനാള് സുപ്രീം കോടതിയെ സമീപിച്ചിരിക്കുന്നത്. സിറോ മലബാര് സഭയുടെ ഭൂമിയിടപാടുമായി ബന്ധപ്പെട്ട കേസില് പരാതിക്കാരന് കോടതിയെ സമീപിച്ച് അനുകൂല വിധി സമ്പാദിക്കാന് ശ്രമിച്ചെന്ന് കര്ദിനാള് മാര് ആലഞ്ചേരി സുപ്രീം കോടതിയില് ആരോപിച്ചിരുന്നു.
സുപ്രീം കോടതിയിൽ കർദ്ദിനാളിന് സംസ്ഥാന സർക്കാരിൻറെ ക്ലീൻചിറ്റ്…. READ MORE…
കര്ദിനാളിന് അനുകൂല നിലപാടാണ് സംസ്ഥാന സര്ക്കാര് സുപ്രീം കോടതിയില് സ്വീകരിച്ചത്. കര്ദിനാളിന് എതിരായ ഒരു പരാതി സര്ക്കാര് അന്വേഷണം നടത്തി അവസാനിപ്പിച്ചു. സര്ക്കാര് ഭൂമിയാണ് വിറ്റത് എന്ന ആരോപണം തെറ്റാണെന്ന് കണ്ടെത്തി. നിയമ വിരുദ്ധമായി ഒന്നും കണ്ടെത്തിയിട്ടില്ല. കോടതി ആവശ്യപ്പെട്ടാല് ഇനിയും അന്വേഷിക്കാമെന്ന് സര്ക്കാരിന് വേണ്ടി ഹാജരായ അഭിഭാഷകര് സുപ്രീം കോടതിയില് ചൂണ്ടിക്കാട്ടിയിരുന്നു.
