Local News

ഗുരുവായൂർ : ഗുരുവായൂർ ദേവസ്വം ചെയർമാൻ വി.കെ.വിജയൻ രാജിവച്ചു. എ.വി.ഗോപിനാഥനെ ചെയർമാനാക്കാനാണ് രാജി. മാർച്ച്‌ പതിനാലിനാണ് ചെയർമാന്റെ കാലാവധി  അവസാനിക്കുന്നത്.

തിരുവനന്തപുരം: ചെങ്കോട്ടുകോണത്ത് സ്‌കൂളിലുണ്ടായ തീപിടിത്തത്തില്‍ മൂന്ന് സ്‌കൂള്‍ ബസുകള്‍ കത്തിനശിച്ചു. തുണ്ടത്തില്‍ ട്രിവാന്‍ഡ്രം സ്‌കോട്ടിഷ് സ്‌കൂളിലാണ് തീപിടിത്തം ഉണ്ടായത്. സ്‌കൂള്‍ ഗ്രൗണ്ടില്‍ പാര്‍ക്ക് ചെയ്ത ബസുകളാണ് കത്തിയത്. മൂന്നു ബസുകള്‍ പൂര്‍ണമായും ഒരു ബസ് ഭാഗികമായും കത്തിനശിച്ചു. പുലര്‍ച്ചെ മൂന്ന് മണിയോടെയാണ് സംഭവം. തീ ആളിക്കത്തുന്നത് കണ്ട നാട്ടുകാരാണ് ഫയര്‍ഫോഴ്‌സില്‍ വിവരമറിയിച്ചത്. പിന്നീട് ഫയര്‍ഫോഴ്‌സ് സംഘം എത്തിയാണ് തീയണച്ചത്. ഈ സമയത്ത് ഒരു സെക്യൂരിറ്റി ജീവനക്കാരന്‍ മാത്രമേ സ്‌കൂളില്‍ ഉണ്ടായിരുന്നുള്ളൂ. അതേസമയം, തീപിടിത്തത്തിന് എന്താണ് കാരണമെന്ന് വ്യക്തമല്ല. …

തിരുവനന്തപുരം ട്രിവാന്‍ഡ്രം സ്‌കോട്ടിഷ് സ്‌കൂളില്‍ തീപിടിത്തം; 3 ബസുകള്‍ കത്തിനശിച്ചു Read More »

തിരുവനന്തപുരം: നെടുമങ്ങാട് ജില്ലാ ആശുപത്രിയിലെ വീഴ്ചയുമായി ബന്ധപ്പെട്ട് ഡോക്ടറെ സസ്‌പെന്‍ഡ് ചെയ്തതില്‍ പ്രതിഷേധം ശക്തമാക്കാനൊരുങ്ങി ഡോക്ടര്‍മാരുടെ സംഘടനയായ കെജിഎംഒഎ. നെടുമങ്ങാട് ജില്ലാ ആശുപത്രിയില്‍ ഒപി ബഹിഷ്‌കരിച്ചുകൊണ്ട് ഡോക്ടര്‍മാര്‍ പ്രതിഷേധിക്കുകയാണ്. ഒപിയില്‍ നാളെയും സേവനമുണ്ടായിരിക്കുകയില്ല. അതേസമയം, ആറ്റുകാല്‍ പൊങ്കാല ഡ്യൂട്ടി ബഹിഷ്‌കരിക്കാനുള്ള തീരുമാനത്തിലാണ് ഡോക്ടര്‍മാര്‍. മറ്റന്നാള്‍ തിരുവനന്തപുരത്തും ഒപി ബഹിഷ്‌കരിക്കും. ഡോക്ടര്‍ ബിന്ദു സുന്ദറിന്റെ സസ്‌പെന്‍ഷന്‍ പിന്‍വലിക്കുക, സൂപ്രണ്ടിനെ കയ്യേറ്റം ചെയ്തവരെ അറസ്റ്റ് ചെയ്യുക തുടങ്ങിവയാണ് ഡോക്ടര്‍മാരുടെ ആവശ്യങ്ങള്‍.

കൊച്ചി: ഗുരുവായൂര്‍ ദേവസ്വം ബോര്‍ഡ് ചെയര്‍മാനായി സേവിച്ച് മരിക്കാനാണ് തന്റെ  ആഗ്രഹമെന്ന് കേന്ദ്ര മന്ത്രി സുരേഷ് ഗോപി. ഇത്രയുമേയുള്ളു തന്‍െ റ ആഗ്രഹം. അതിനപ്പുറം ഒന്നും താന്‍ ആഗ്രഹിക്കുന്നില്ല. ഇത് പറഞ്ഞാല്‍ അപകടമാകില്ല എന്ന് തോന്നുന്നു. അല്ലെങ്കില്‍ ഇപ്പോള്‍ തന്നെ ഉത്തരേന്ത്യയിലെ പത്രങ്ങള്‍ മുഴുവന്‍ സുരേഷ് ഗോപി രാജിവെച്ചു, ഗുരുവായൂര്‍ ദേവസ്വം ചെയര്‍മാനായിട്ട് പോയി എന്ന് എഴുതും. ഇതൊക്കെ വലിയ പുകിലാക്കി കളയുമെന്നും സുരേഷ് ഗോപി പറഞ്ഞു.

കൊല്ലം: ശബരിമല കട്ടിളപാളി കേസില്‍ തിരുവിതാംകൂര്‍ ദേവസ്വം ബോര്‍ഡ് മുന്‍ പ്രസിഡന്റ് എ. പത്മകുമാറിന് ജാമ്യം. കൊല്ലം വിജിലന്‍സ് കോടതിയാണ് പത്മകുമാറിന് ഉപാധികളോടെ ജാമ്യം അനുവദിച്ചത്. കട്ടിളപ്പാളി കേസില്‍ 90 ദിവസം റിമാന്‍ഡ് പൂര്‍ത്തിയായതോടെയാണ് എസ്‌ഐടി കുറ്റപത്രം സമര്‍പ്പിക്കാത്തത് ചൂണ്ടിക്കാട്ടി പത്മകുമാര്‍ സ്വാഭാവിക ജാമ്യം തേടിയത്. സ്വാഭാവിക ജാമ്യം ലഭിച്ചെങ്കിലും ദ്വാരപാലക കേസില്‍ റിമാന്‍ഡ് തുടരുന്നതിനാല്‍ പത്മകുമാറിന് ജയിലില്‍ നിന്ന് പുറത്തിറങ്ങാനാകില്ല.

തൃശൂര്‍: ഒല്ലൂരില്‍ ശബരിമല തീര്‍ഥാടകര്‍ സഞ്ചരിച്ച മിനി ബസില്‍ ചരക്കുലോറിയിടിച്ച് അഞ്ച് അയ്യപ്പഭക്തര്‍ക്ക് പരിക്ക്. പരിക്കേറ്റ ബസ് ഡ്രൈവറുടെ നില ഗുരുതരമാണ്.തമിഴ്‌നാട് ഈറോഡ് സ്വദേശികളാണ് ബസിലുണ്ടായിരുന്നത്. ഇന്ന് വെളുപ്പിന് 4.20നായിരുന്നു സംഭവം. പരിക്കേറ്റവര്‍ തൃശൂര്‍ ജില്ലാ ജനറലാശുപത്രിയില്‍ ചികിത്സയിലാണ്.ഒല്ലൂര്‍ ആക്ട്‌സ് പ്രവര്‍ത്തകരും നാട്ടുകാരും ചേര്‍ന്നാണ് പരിക്കേറ്റവരെ ആശുപത്രിയിലെത്തിച്ചത്.

തൃശൂര്‍:  നിയമസഭാ തിരഞ്ഞെടുപ്പില്‍ ബിജെപി സ്ഥാനാര്‍ഥിയാകാനില്ലെന്ന് തൃശൂര്‍ മുന്‍ മേയര്‍ എം കെ വര്‍ഗീസ്. കോണ്‍ഗ്രസില്‍ പ്രവര്‍ത്തിക്കാനാണ് തനിക്ക് ആഗ്രഹം. തിരഞ്ഞെടുപ്പില്‍ മത്സരിക്കാന്‍ ആലോചിക്കുന്നില്ലെന്നും എം കെ വര്‍ഗീസ് പറഞ്ഞു. തിരഞ്ഞെടുപ്പില്‍ ബിജെപിയ്ക്കുള്ളില്‍ എം കെ വര്‍ഗീസിന്റെ പേരും ചര്‍ച്ചയായെന്ന് റിപ്പോര്‍ട്ടുകള്‍ പുറത്തുവന്നിരുന്നു.കോണ്‍ഗ്രസിലേക്ക് തിരിച്ചു പോകാന്‍ തന്നെയാണ് എന്റെ താത്പര്യം. ഇനി മത്സര രംഗത്തേക്ക് വരാന്‍ ഞാന്‍ ആഗ്രഹിക്കുന്നില്ല. സാധാരണ പ്രവര്‍ത്തകനായി നിലനില്‍ക്കാനാണ് ആഗ്രഹം. ഒരു അധികാരത്തിനും താത്പര്യമില്ല. ഏത് പാര്‍ട്ടിയിലും മത്സരിക്കണമെന്ന് ആഗ്രഹിച്ച് നടക്കുന്നവരുണ്ട്. അവരുമായിട്ടൊരു …

കോണ്‍ഗ്രസില്‍ പ്രവര്‍ത്തിക്കാന്‍ താല്‍പര്യമെന്ന് മുന്‍ മേയര്‍ എം.കെ.വര്‍ഗീസ് Read More »

ദില്ലി: നിയമസഭ തെരഞ്ഞെടുപ്പിനുള്ള സ്ഥാനാര്‍ത്ഥി പട്ടികക്കൊപ്പം പുതിയ കെപിസിസി അധ്യക്ഷനെയും പ്രഖ്യാപിച്ചേക്കും. പുതിയ കെപിസിസി അധ്യക്ഷനായി ബെന്നി ബെഹനാനെ നിയോഗിക്കാനാണ് സാധ്യത. നിലവില്‍ പാര്‍ട്ടിയിലെ ഭൂരിപക്ഷ പിന്തുണയും ബെന്നി ബെഹനാനാണ്. അതിനാല്‍ തന്നെ മുന്‍ഗണനയും ബെന്നി ബഹനാനാണ്. നിയമസഭ തെരഞ്ഞെടുപ്പില്‍ എംപിമാര്‍ മത്സരിക്കേണ്ടതില്ലെന്ന് തുറന്ന് വ്യക്തമാക്കിയ ആളാണ് ബെന്നി ബെഹനാന്‍. നിയമസഭ തെരഞ്ഞെടുപ്പില്‍ മത്സരിക്കുന്നതിനാല്‍ സണ്ണി ജോസഫിനെ അധ്യക്ഷ സ്ഥാനത്ത് നിന്ന് മാറ്റാനാണ് തീരുമാനം. ആന്റോ ആന്റണിയെ അധ്യക്ഷ സ്ഥാനത്തേക്ക് പരിഗണിച്ചിരുന്നെങ്കിലും ഉണ്ണികൃഷ്ണണ പോറ്റി വിവാദം വിനായായെന്നാണ് …

ബെന്നി ബെഹനാന്‍ കെപിസിസി അധ്യക്ഷനായേക്കും Read More »

തിരുവനന്തപുരം: രാജ്യത്തെ കേന്ദ്ര തൊഴിലാളി സംഘടനകളും, കര്‍ഷക സംഘടനകളും സംയുക്തമായി പ്രഖ്യാപിച്ച പൊതുപണിമുടക്ക് ഇന്ന് അര്‍ധരാത്രി മുതല്‍. കേന്ദ്രസര്‍ക്കാരിന്റെ തൊഴില്‍ കോഡുകള്‍ പിന്‍വലിക്കണം എന്നതടക്കമുള്ള ആവശ്യങ്ങള്‍ ഉന്നയിച്ചാണ് പണിമുടക്ക്. 10 ട്രേഡ് യൂണിയനുകളുടെ നേതൃത്വത്തില്‍ പ്രഖ്യാപിച്ച പൊതുപണിമുടക്കില്‍ 30 കോടി തൊഴിലാളികള്‍ പങ്കെടുക്കുമെന്ന് തൊഴിലാളി സംഘടനകള്‍ അറിയിച്ചു. രാത്രി 12 മണിക്ക് ആരംഭിക്കുന്ന 24 മണിക്കൂര്‍ പണിമുടക്ക് നാളെ അര്‍ധരാത്രി 12 മണി വരെയാണ്. സ്വകാര്യബസ് കെഎസ്ആര്‍ടിസി ജീവനക്കാരും പണിമുടക്കില്‍ പങ്കെടുക്കുന്നതിനാല്‍ ഗതാഗതം സ്തംഭിക്കും. പാല്‍വിതരണം, പത്രങ്ങള്‍, …

ദേശീയ പണിമുടക്ക് ഇന്ന് അര്‍ധരാത്രി മുതല്‍ Read More »

ഇംഫാല്‍: കലാപം പടരുന്ന  മണിപ്പൂരിലെ ഉഖ്‌റുല്‍ ജില്ലയില്‍ കര്‍ഫ്യൂ ഏര്‍പ്പെടുത്തി. അഞ്ച് ദിവസത്തേക്ക് കര്‍ഫ്യൂ പ്രഖ്യാപിച്ചതിനു പിന്നാലെ ഇന്റര്‍നെറ്റ് സേവനങ്ങളും റദ്ദാക്കി.ഇന്നലെ രാത്രി ആയുധധാരികളായ അക്രമികള്‍ വീടുകള്‍ക്ക് തീയിടുകയായിരുന്നു. ഇതോടെ ഗ്രാമവാസികള്‍ അയല്‍ ജില്ലയായ കാംഗ്‌പോക്പിയിലേക്ക് പലായനം ചെയ്തു. സംഘര്‍ഷ സാധ്യത കണക്കിലെടുത്ത് സ്ഥലത്ത് സുരക്ഷാസേനയെ വിന്യസിച്ചതായി അധികൃതര്‍ വ്യക്തമാക്കി. ശനിയാഴ്ച രാത്രി ലിത്തന്‍ ഗ്രാമത്തിലുള്ളവര്‍ നാഗാ വിഭാഗത്തില്‍പ്പെട്ട ഒരാളെ ആക്രമിച്ചിരുന്നു. തുടര്‍ന്നാണ് ആക്രമണങ്ങള്‍ ഉണ്ടായതെന്ന് ഉന്നത പോലീസ് ഉദ്യോഗസ്ഥര്‍ പറഞ്ഞു.

തിരുവനന്തപുരം: സിപിഎമ്മിന്റെ  മുഖപത്രമായ ദേശാഭിമാനിയുടെ ഇന്‍സ്റ്റഗ്രാം പേജ് മരവിപ്പിച്ച് മെറ്റ. കാരണമെന്തെന്ന് വ്യക്തമായിട്ടില്ല. തങ്ങളെ ഇതിന്റെ കാരണം സംബന്ധിച്ച വിവരങ്ങള്‍ അറിയിച്ചിട്ടില്ലെന്ന് ദേശാഭിമാനി പറഞ്ഞു. മെറ്റയുടെ നടപടി സ്വതന്ത്ര മാധ്യമ പ്രവര്‍ത്തനത്തിന് തടസമാണെന്ന് ദേശാഭിമാനി പ്രതികരിച്ചു. ദേശാഭിമാനി പുതിയ ഇന്‍സ്റ്റഗ്രാം പേജ് തുടങ്ങിയിട്ടുണ്ട്. മെറ്റയുടെ നയങ്ങള്‍ക്ക് വിരുദ്ധമായൊന്നും ചെയ്തിട്ടില്ലെന്നാണ് ദേശാഭിമാനിയുടെ പ്രതികരണം. കാരണം കാണിക്കല്‍ ഇ- മെയിലും ലഭിച്ചിട്ടില്ല.

അമല മെഡിക്കൽ കോളേജ് നേഴ്സസ് അഡ്മിനിസ്ട്രേഷന്റെ ആഭിമുഖ്യത്തിൽ ദേശീയ നഴ്സസ് മീറ്റ് സേഫ് കോണ്‍” ഫ്രം എറേർസ് ടു സേഫ്റ്റി”യുടെ ഉദ്ഘാടനം കേരള ഗവൺമെൻറ് മുൻ സെക്രട്ടറി ലിഡ ജേക്കബ്ബ് ഐ.എ. എസ് നിർവഹിച്ചു. ആരോഗ്യ സർവകലാശാല നേഴ്സിഗ് ഫാക്കൽട്ടി ഡീൻ.പ്രോഫ.ഡോ. രാജി രഘുനാഥ്,അമല ഡയറക്ടർ ഫാ. ജൂലിയസ് അറക്കൽ, ജോയിൻറ് ഡയറക്ടർ ഫാ.ഡെൽജോ പുത്തൂർ,പ്രിൻസിപ്പൽ ഡോ.ബെറ്റ്സി തോമസ്,മെഡിക്കൽ സൂപ്രണ്ട് ഡോ.രാജേഷ് ആന്റോ,ചീഫ് നഴ്സിംഗ് ഓഫീസർ സിസ്റ്റർ ലിഖിത, നഴ്സിംഗ് സൂപ്രണ്ട് ലക്ഷ്മി എം എന്നിവർ പങ്കെടുത്തു. …

അമലയിൽ നഴ്സസ് ദേശീയ സമ്മേളനം Read More »

തൃശൂർ: ശബരിമല സ്വർണക്കൊള്ളക്കേസിലെ അന്വേഷണത്തിൽ മെല്ലെപ്പോക്കെന്നാരോപിച്ച് യൂത്ത് കോൺഗ്രസിൻ്റെ നേതൃത്വത്തിൽ നടത്തിയ കളക്ടറേറ്റ് മാർച്ചിൽ  വൻ സംഘർഷം സംസ്ഥാന പ്രസിഡണ്ട് ഒ.ജെ. ജനീഷ് അടക്കം ഇരുപതോളം പേർ അറസ്റ്റിലായി. സമരക്കാർ വെസ്റ്റ് പോലീസ് സ്റ്റേഷനിലേക്ക് അതിക്രമിച്ച് കയറാൻ ശ്രമിച്ചു. മാർച്ച് നടത്തിയ പ്രവർത്തകർ റോഡിൽ കുത്തിയിരുന്നു. പോലീസ് ജലപീരങ്കി പ്രയോഗിച്ചിട്ടും പ്രവർത്തകർ പിരിഞ്ഞു പോയില്ല ബലപ്രയോഗത്തിൽ ഒ.ജെ.ജനീഷിനടക്കം പരിക്കേറ്റു. അറസ്റ്റ് ചെയ്തവരെ വിട്ടയച്ചതിന് ശേഷമാണ് സംഘർഷത്തിന് അയവുണ്ടായത്

തൃശൂര്‍: സംസ്ഥാന സ്‌കൂള്‍ കലോത്സവത്തിന്റെ സുഗമമായ നടത്തിപ്പിനും, സുരക്ഷയ്ക്കുമായി 1,800 പോലീസ് ഉദ്യോഗസ്ഥരെ നിയോഗിക്കും. കലാമത്സരത്തിനെത്തുന്ന വിദ്യാര്‍ത്ഥികളും, രക്ഷിതാക്കളും, അധ്യാപകരും താമസിക്കുന്ന സ്ഥലങ്ങളില്‍ 24 മണിക്കൂറും പോലീസ് പട്രോളിംഗ് നടത്തും. നഗരത്തില്‍ 60 ഇടങ്ങളില്‍ വാഹനപാര്‍ക്കിംഗിന് സൗകര്യം ഏര്‍പ്പെടുത്തും.  ബസ് സ്റ്റാന്‍ഡുകളിലും റെയില്‍വെ സ്റ്റേഷനിലും, മറ്റ് പ്രധാനയിടങ്ങളിലും സഹായത്തിന് ഹെല്‍പ് ഡെസ്‌കുകള്‍ ഉണ്ടാകും. സ്ത്രീസുരക്ഷയ്ക്കായി 300 വനിതാപോലീസും ഡ്യൂട്ടിയിലുണ്ടാകും. അടിയന്തരസാഹചര്യങ്ങളില്‍ പോലീസിന്റെ സഹായം തേടാന്‍ 8086100100 എന്ന മൊബൈല്‍ നമ്പറില്‍ ബന്ധപ്പെടാം. സിറ്റി പോലീസിന്റെ സോഷ്യല്‍ മീഡിയ …

സംസ്ഥാനകലോത്സവം: സുരക്ഷയ്ക്കായി 1,800 പോലീസുകാര്‍, സഹായത്തിന് ഹെല്‍പ്പ് ഡസ്‌കുകളും Read More »

തൃശൂര്‍: സ്‌കൂള്‍ കലോത്സവത്തില്‍ ഊട്ടുപുരയില്‍ ഇത്തവണ പുതുരുചി വിഭവങ്ങളും. ചക്കപ്പഴപ്പായസവും, നവധാന്യദേശയും ഇതാദ്യമാണ്.ആദ്യ ദിവസം രാവിലെയാണ് കൊങ്ങിണി വിഭവമായ ഒമ്പത് ധാന്യങ്ങളടങ്ങിയ നവധാന്യ ദോശ തയ്യാറാക്കുക. മറ്റ് വിഭവത്തിന് പുറമേയാണ് ദോശ. ഉച്ചയ്ക്ക് 20,000 പേര്‍ക്ക് ഉച്ചഭക്ഷണത്തിന് ചക്കപ്പഴം പായസം നല്‍കും. ദിവസവും അമ്പതിനായിരത്തോളം പേര്‍ക്കാണ് ഭക്ഷണ മൊരുക്കുന്നത്. നാലായിരം പേര്‍ക്കാണ് ഇരിപ്പിടം. രാവിലെ പ്രഭാത ഭക്ഷണം, 11 ന് ചായ, 11.30 മുതല്‍ ഉച്ചഭക്ഷണം, വൈകിട്ട് നാലിന് ചായ, രാത്രി ഏഴു മുതല്‍ അത്താഴം എന്നിങ്ങനെയാണ് …

സംസ്ഥാന സ്‌കൂള്‍ കലോത്സവം:   ദിവസവും ഭക്ഷണം അരലക്ഷത്തോളം പേര്‍ക്ക്, പുതുമയായി ചക്കപ്പഴപ്പായസവും, നവധാന്യദേശയും Read More »

കല്‍പ്പറ്റ: വയനാട് തിരുനെല്ലിയില്‍ കാട്ടാന ആക്രമണത്തില്‍ ആദിവാസി മധ്യവയസ്‌ക കൊല്ലപ്പെട്ടു. അപ്പപ്പാറ ചെറുമാതൂര്‍ ഉന്നതിയിലെ ചാന്ദിനി(65) ആണ് മരിച്ചത്. ഇന്ന് പുലര്‍ച്ചെയാണ് ആക്രമണം നടന്നതെന്നാണ് സംശയം. വനമേഖലയ്ക്കരികിലെ റോഡിലാണ് മൃതദേഹം കണ്ടത്. മൃതദേഹം മാനന്തവാടി മെഡിക്കല്‍ കോളജ് ആശുപത്രിയിലേക്ക് മാറ്റി.