തൃശൂര്: തദ്ദേശതിരഞ്ഞെടുപ്പില് വടക്കന് കേരളത്തില് വിധിയെഴുത്ത്് നാളെ.
നിശ്ശബ്ദ പ്രചാരണത്തിലൂടെ വോട്ടുറപ്പിക്കാന് അവസാനവട്ടത്തെ നെട്ടോട്ടത്തിലാണ് സ്ഥാനാര്ത്ഥികളും പാര്ട്ടി പ്രവര്ത്തകരും.
തൃശൂര് മുതല് കാസര്കോഡ് വരെയുള്ള ജില്ലകളില് ഇന്ന് നിശബ്ദ പ്രചാരണത്തിന്റെ ദിവസമാണ്. ശബ്ദകോലാഹങ്ങളില്ല. തൃശ്ശൂര് മുതല് കാസര്കോട് വരെ ഏഴ് ജില്ലകളിലാണ് വോട്ടെടുപ്പ് നടക്കുന്നത്. .
ഇന്നലെ തെക്കന്ജില്ലകളില് കൊട്ടിക്കലാശത്തിനിടെ അനിഷ്ട സംഭവങ്ങള് ഉണ്ടായ സാഹചര്യത്തില് പൊലീസ് സുരക്ഷ ശക്തമാക്കിയിട്ടുണ്ട്. ഏഴ് ജില്ലകളിലെ വോട്ടിങ് യന്ത്രങ്ങളുടെ വിതരണം ഇന്ന് നടക്കും. രാവിലെ എട്ട് മുതല് വിവിധ കേന്ദ്രങ്ങളിലായിരിക്കും വോട്ടിങ് യന്ത്രങ്ങളുടെ വിതരണം നടക്കും.
രണ്ടാം ഘട്ട വോട്ടെടുപ്പ് നടക്കുന്ന 7 ജില്ലകളില് നാളെ പൊതു അവധി. തൃശ്ശൂര്, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് എന്നീ ജില്ലകളിലാണ് അവധി പ്രഖ്യാപിച്ചിട്ടുള്ളത്. സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കുമടക്കമാണ് അവധി പ്രഖ്യാപിച്ചിട്ടുള്ളത്. വാണിജ്യ സ്ഥാപനങ്ങള്ക്കും വേതനത്തോടെയുള്ള അവധി പ്രഖ്യാപിച്ചിട്ടുണ്ട്. രണ്ടാംഘട്ട വോട്ടെടുപ്പിന് ഒരു ദിവസം മാത്രം ശേഷിക്കെ വടക്കന് കേരളത്തില് ഇന്ന് നിശബ്ദ പ്രചാരണമാണ്. ം
470 പഞ്ചായത്തിലെ 9027 വാര്ഡിലേക്കും 77 ബ്ലോക്ക് പഞ്ചായത്തിലെ 1177 ഡിവിഷനിലേക്കും ഏഴ് ജില്ലാപഞ്ചായത്തിലെ 182 ഡിവിഷനിലേക്കും 47 മുനിസിപ്പാലിറ്റിയിലെ 1834 ഡിവിഷനിലേക്കും തൃശൂര്, കോഴിക്കോട്, കണ്ണൂര് കോര്പറേഷനുകളിലായി 188 ഡിവിഷനിലേക്കുമാണ് തെരഞ്ഞെടുപ്പ്. ആകെ 15337176 വോട്ടര്മാരാണ് പട്ടികയിലുള്ളത് (പുരുഷന്മാര് – 7246269, സ്ത്രീകള് – 8090746, ട്രാന്സ്ജെന്ഡര് – 161). 3293 പ്രവാസി വോട്ടര്മാരും പട്ടികയിലുണ്ട്. ആകെ 38994 സ്ഥാനാര്ത്ഥികളാണ് (18974 പുരുഷന്മാരും, 20020 സ്ത്രീകളും) മത്സരരംഗത്തുള്ളത്. ഗ്രാമപഞ്ചായത്ത് വാര്ഡുകളിലേയ്ക്ക് 28274 ഉം, ബ്ലോക്ക് പഞ്ചായത്തിലേയ്ക്ക് 3742 ഉം, ജില്ലാ പഞ്ചായത്തിലേയ്ക്ക് 681 ഉം, മുനിസിപ്പാലിറ്റികളിലേയ്ക്ക് 5546 ഉം, കോര്പ്പറേഷനുകളിലേയ്ക്ക് 751 ഉം സ്ഥാനാര്ത്ഥികളുമാണ് മത്സരിക്കുന്നത്.
മലപ്പുറത്ത് മൂത്തേടം പഞ്ചായത്തിലെ ഏഴാം വാര്ഡില് യുഡിഎഫ് സ്ഥാനാര്ഥി മരിച്ചതിനാല് തെരഞ്ഞെടുപ്പ് മാറ്റിവച്ചിട്ടുണ്ട്. പഞ്ചായത്തുകളില് 28,288, ബ്ലോക്കിലേക്ക് 3,742, ജില്ലാ പഞ്ചായത്തിലേക്ക് 681, മുനിസിപ്പാലിറ്റിയിലേക്ക് 5,551, കോര്പറേഷനുകളിലേക്ക് 751 എന്നിങ്ങനെയാണ് സ്ഥാനാര്ഥികള്. തെരഞ്ഞെടുപ്പ് നടക്കുന്ന ജില്ലകളില് രാവിലെ എട്ട് മണിയോടെ പോളിംഗ് സാമഗ്രികളുടെ വിതരണം ആരംഭിക്കും. വോട്ടിംഗ് യന്ത്രത്തിലെ തകരാര് മൂലം നിര്ത്തിവച്ച ആലപ്പുഴ മണ്ണഞ്ചേരിയില് നാളെ റീപോളിംഗ് നടത്തും.
