ദില്ലി: യുക്രെയ്നില് ഒഡേസ തീരത്ത് ചരക്ക് കപ്പലിന് നേരെ റഷ്യന് ആക്രമണത്തില് കപ്പലിലുണ്ടായിരുന്ന മലയാളി ജീവനക്കാരനും കൊല്ലപ്പെട്ടു. കാസര്കോട് വെള്ളരിക്കുണ്ട് എകെജി നഗര് സ്വദേശി അഖില് ജോയന് (26) ആണ് മരിച്ചത്. 10 നാവികര് കൊല്ലപ്പെട്ടതായാണ് റിപ്പോര്ട്ട്. ഗോള്ഡന് ലിയോ എന്ന കപ്പലാണ് ആക്രമിക്കപ്പെട്ടത്. ഇന്ത്യന്, സിറിയന് നാവികരാണ് കപ്പലില് ഉണ്ടായിരുന്നതെന്നും റിപ്പോര്ട്ടുകള് പറയുന്നു. ഭക്ഷ്യധാന്യങ്ങള് നിറച്ച കപ്പലാണ് ആക്രമിക്കപ്പെട്ടത്.
8 പേരെ രക്ഷപ്പെടുത്തിയതായി യുക്രെയ്ന് നാവിക സേന അറിയിച്ചു. ആകെ 17 പേരാണ് കപ്പലിലുണ്ടായിരുന്നത്.
