തൃശൂര്‍: വിശ്വവിഖ്യാതമായ തൃശൂര്‍ പൂരത്തിനുള്ള അവസാനവട്ട ഒരുക്കങ്ങള്‍ തകൃതിയായി നടക്കുന്നു. മൂന്ന് പൂരപ്പന്തലുകളിലും ഇന്ന് വൈദ്യുതദീപങ്ങള്‍ തെളിയും. സാമ്പിള്‍ വെടിക്കെട്ട് ഇന്ന് നടക്കും.
തേക്കിന്‍കാട് മൈതാനത്ത് രാത്രി 7 മണിക്ക് ആദ്യം പാറമേക്കാവ് വിഭാഗം സാമ്പിള്‍ വെടിക്കെട്ടിന് തുടക്കമിടും. തുടര്‍ന്നാണ് തിരുവമ്പാടിയുടെ ഊഴം.
ചരിത്രത്തിലാദ്യമായി തിരുവമ്പാടിക്കും പാറമേക്കാവിനും വെടിക്കെട്ടിന് ഒരേ ലൈസന്‍സിയാണ്. മുണ്ടത്തിക്കോടു സ്വദേശി പി.എം.സതീശാണു ഇരുവിഭാഗത്തിന്റെയും വെടിക്കെട്ട് ചുമതലക്കാരന്‍.
.സാമ്പിള്‍ വെടിക്കെട്ടിന് പാറമേക്കാവിനു രാത്രി 7 മുതല്‍ 9 വരെയും തിരുവമ്പാടിക്കു 7 മുതല്‍ 8.30 വരെയുമാണു സമയം അനുവദിച്ചിരിക്കുന്നത്. ആദ്യ 20 മിനിറ്റിനുള്ളില്‍ ഇരുവിഭാഗത്തിന്റെയും കുട്ടപ്പൊരിച്ചില്‍ നടക്കും. തുടര്‍ന്ന് വര്‍ണ അമിട്ടുകള്‍ വിടരും. 19നാണ് തൃശൂര്‍ പൂരം. പൂരപ്പിറ്റേന്ന്
പുലര്‍ച്ചെ മൂന്നിനാണ് പ്രധാന വെടിക്കെട്ട്. പകല്‍പ്പൂരത്തിന് ഉപചാരം ചൊല്ലിപ്പിരിഞ്ഞ ശേഷവും വെടിക്കെട്ടുണ്ടാകും.
മാനത്ത് വര്‍ണവസന്തമായി സാമ്പിള്‍ വെടിക്കെട്ട് ഇന്ന്
