തൃശൂര്: പേരാമംഗലത്ത് ഹോണടിച്ചതിനെ ചൊല്ലിയുള്ള തര്ക്കത്തില് മൂന്നുപേര്ക്ക് കുത്തേറ്റു. പുലര്ച്ചെയാണ് സംഭവം. ഹോണടിച്ചതിന്റെ പേരിലുള്ള തര്ക്കത്തിനിടെ അച്ഛനും മകനും സുഹൃത്തിനുമാണ് കുത്തേറ്റത്. മുണ്ടൂര് സ്വദേശി ബിനീഷ് (46) , മകന് അഭിനവ് (19) , സുഹൃത്ത് അഭിജിത്ത് (29) എന്നിവര്ക്കാണ് കുത്തേറ്റ് സാരമായി പരിക്കേറ്റത്. ഇവരെ ആക്രമിച്ച കേച്ചേരി സ്വദേശി കൃഷ്ണ കിഷോര് രക്ഷപ്പെട്ടു. മുണ്ടൂരിലെ പച്ചക്കറി കടയിലെ ജീവനക്കാരനാണ് അക്രമി. രണ്ടു ബൈക്കുകളിലായാണ് അച്ഛനും മകനും സുഹൃത്തും യാത്ര ചെയ്തിരുന്നത്. ബാഡ്മിന്റണ് കളിച്ചു മടങ്ങുകയായിരുന്നു. ബൈക്കിലാണ് ആക്രമിയും എത്തിയത്. അഭിനവ് ഹോണടിച്ചതില് അക്രമി പ്രകോപിതനാവുകയായിരുന്നു. തുടര്ന്ന് ബൈക്ക് തടഞ്ഞുനിര്ത്തി തര്ക്കത്തിലേര്പ്പെടുകയായിരുന്നു. തുടര്ന്നായിരുന്നു ആക്രമണം. അക്രമി തമിഴ്നാട്ടിലേക്ക് കടന്നു. പോലീസ് അന്വേഷണം തുടങ്ങിയിട്ടുണ്ട്്.
പേരാമംഗലത്ത ഹോണടിച്ചതില് തര്ക്കം; മൂന്നുപേര്ക്ക് കുത്തേറ്റു
