Kerala news

പത്തനംതിട്ട:  ആലിന്‍ ഷെറിന്‍ എബ്രഹാമിന് വിട ചൊല്ലി ജന്മനാട്. സംസ്‌കാര ശുശ്രൂഷ നെടുങ്ങാടപ്പള്ളി സിഎസ്ഐ പള്ളിയില്‍ നടന്നു. സര്‍ക്കാരിന്റെ ഔദ്യോഗിക ബഹുമതികളോടെയായിരുന്നു സംസ്‌കാരം. മൃതദേഹം പൊതുദര്‍ശനത്തിന് വെച്ച പത്തനംതിട്ട വാലുമണ്ണിലെ വീട്ടില്‍ മന്ത്രിമാരടക്കം നൂറുകണക്കിന് പേരാണ് അന്ത്യാഞ്ജലി അര്‍പ്പിക്കാനെത്തിയത്. മന്ത്രിമാരായ സജി ചെറിയാന്‍, വീണാ ജോര്‍ജ് കേന്ദ്രമന്ത്രി സര്‍ക്കാരിന്റെ ഔദ്യോഗിക ബഹുമതികളോടെയായിരുന്നു സംസ്‌കാരം. മൃതദേഹം പൊതുദര്‍ശനത്തിന് വച്ച പത്തനംതിട്ട വാലുമണ്ണിലെ വീട്ടില്‍ നൂറുകണക്കിന് പേരാണ് അന്ത്യാഞ്ജലി അര്‍പ്പിക്കാനെത്തിയത്. ഫെബ്രുവരി അഞ്ചിന് വാഹനാപകടമുണ്ടായ ദിവസം മല്ലപ്പള്ളിയിലെ പിതാവിന്റെ വീട്ടില്‍ …

ആലിന് വിട നല്‍കിയത് ഔദ്യോഗിക ബഹുമതികളോടെ Read More »

തിരുവനന്തപുരം:  പൊലീസ് ഉദ്യോഗസ്ഥനെ മര്‍ദിച്ച സംഭവത്തില്‍ രണ്ട് എസ്എഫ്ഐ പ്രവര്‍ത്തകര്‍ അറസ്റ്റില്‍. വിനയ്, സുര്‍ജിത് എന്നിവരാണ് അറസ്റ്റിലായത്. സംഭവത്തില്‍ പൊലീസുകാരനെതിരെ കേസെടുത്തതില്‍ സിറ്റി പൊലീസ് കമ്മീഷണര്‍ വിശദീകരണം തേടിയിരുന്നു. ജാമ്യമില്ലാ വകുപ്പ് ചുമത്തിയതിലും വിശദീകരണം നല്‍കാന്‍ നിര്‍ദ്ദേശമുണ്ട്.പൊലീസുകാരനും സഹോദരിക്കുമെതിരെയാണ് ജാമ്യമില്ല വകുപ്പ് ചുമത്തി കേസെടുത്തത്. വഞ്ചിയൂര്‍ പൊലീസിന്റെ നടപടിയില്‍ സേനയ്ക്ക് ഉള്ളില്‍ തന്നെ അമര്‍ഷം ശക്തമാണ്. പൊലീസ് ഉദ്യോഗസ്ഥന് നേരെയുള്ള ആക്രമണം ജനാധിപത്യ കേരളത്തിന് അപമാനമെന്നു കേരള പൊലീസ് അസോസിയേഷന്‍ നിലപാട് അറിയിച്ചു.

തൃശ്ശൂര്‍: മഹാശിവരാത്രിയോട് അനുബന്ധിച്ചുള്ള മഹാപരിക്രമയാത്രയില്‍ പങ്കെടുക്കാനെത്തിയ കേന്ദ്രമന്ത്രി സുരേഷ് ഗോപി ഓട്ടോറിക്ഷയില്‍ മടങ്ങി. പരിപാടി കഴിഞ്ഞ് വേഗത്തില്‍ മടങ്ങാനൊരുങ്ങിയ മന്ത്രിക്കരികിലേക്ക് വടക്കുന്നാഥ ക്ഷേത്രത്തിന് സമീപം പാര്‍ക്ക് ചെയ്തിരുന്ന ഔദ്യോഗിക വാഹനം കൃത്യസമയത്ത് എത്തിയിരുന്നില്ല. തുടര്‍ന്ന് കാത്തുനില്‍ക്കാന്‍ തയ്യാറാകാതെ  മന്ത്രി തന്നെ ഓട്ടോ കൈകാട്ടി വിളിച്ച് താമസസ്ഥലമായ രാമനിലയത്തിലേക്ക് മടങ്ങുകയായിരുന്നു.

തൃശൂര്‍: പടിഞ്ഞാറെക്കോട്ട  മാനസികാരോഗ്യ കേന്ദ്രത്തില്‍ നിന്ന് ചാടിയ നേപ്പാള്‍ സ്വദേശി മൂന്നുപേരെ കുത്തി പരിക്കേല്‍പ്പിച്ചു.രക്ഷപ്പെടുന്നതിനിടെ തൃശ്ശൂര്‍ കാമത്ത് ലൈനില്‍ ഹോസ്റ്റല്‍ നടത്തി വരികയായിരുന്ന മുരളി (66)യെ ആദ്യം കുത്തിപ്പരിക്കേല്‍പ്പിച്ചു. പിന്നീട് റോഡിലൂടെ നടന്നു പോയ ആളേയും പടിഞ്ഞാറെക്കോട്ടയില്‍ വെച്ച് മറ്റു രണ്ടുപേരെയും കുത്തി.നേപ്പാളി സ്വദേശി സൂരജ്(31) ആണ് ആക്രമണം നടത്തിയതെന്നാണ്  വിവരംനേപ്പാള്‍ സ്വദേശിയായ ഇയാളെ ഇന്ന് പുലര്‍ച്ചെയാണ് ആലുവ പൊലീസ് തൃശൂരിലെ മാനസികാരോഗ്യ കേന്ദ്രത്തിലെത്തിച്ചത്. കേന്ദ്രത്തിലെത്തിച്ച് അരമണിക്കൂറിനുള്ളില്‍ ഇയാള്‍ ഇറങ്ങിപ്പോകുകയായിരുന്നു. ബാത്റൂം വഴി ചാടിപ്പോയെന്നാണ് പ്രാഥമിക നിഗമനം. …

തൃശൂര്‍ മാനസികാരോഗ്യകേന്ദ്രത്തില്‍ നിന്നു രക്ഷപ്പെട്ട നേപ്പാളി മൂന്നു പേരെ കുത്തി Read More »

ഗുരുവായൂര്‍:  പലിശക്കാരിയുടെ ഭീഷണിയെ തുടര്‍ന്ന് വീട്ടമ്മ തീ കൊളുത്തി ജീവനൊടുക്കി. ഗുരുവായൂര്‍ ഇരിങ്ങപ്പുറം പുതുവീട്ടില്‍ ജുമൈല (50) യെയാണ് മരിച്ച നിലയില്‍ കണ്ടെത്തിയത്.വീടിനു പുറകിലെ പറമ്പിലാണ് മൃതദേഹം കണ്ടെത്തിയത്. പലിശയ്ക്ക് പണം വാങ്ങിയ ആബിദയില്‍ നിന്ന് ഭീഷണി ഉണ്ടായിരുന്നുവെന്ന് ജുമൈല പറയുന്ന ശബ്ദസന്ദേശം പുറത്തുവന്നിട്ടുണ്ട്. ഒരു വര്‍ഷം മുമ്പ് ജുമൈല ആബിദയില്‍ നിന്ന് പലിശക്ക് അമ്പതിനായിരം രൂപ വാങ്ങിയിരുന്നതായി മകന്‍ ഷിനാസ് പറഞ്ഞു. പലിശയിനത്തില്‍ മാത്രമായി മാസം 10,000 രൂപ വീതം എട്ടു മാസത്തോളം നല്‍കിയെങ്കിലും രണ്ടുമാസത്തോളം …

പലിശക്കാരിയുടെ ഭീഷണി; ഗുരുവായൂരില്‍ വീട്ടമ്മ ജീവനൊടുക്കി Read More »

തിരുവനന്തപുരം: വട്ടിയൂര്‍കാവ് സീറ്റിലെ മത്സരം ഉറപ്പിച്ച്  കെ മുരളിധരന്‍. കോണ്‍ഗ്രസ്  നേതൃത്വത്തെ നിലപാട് അറിയിച്ചു. മുരളിയുടെ പേര് ഉയര്‍ന്നത് നിരവധി മണ്ഡലങ്ങളിലാണ്. ഒടുവില്‍ സീറ്റില്‍ തീരുമാനമായി. കെ മുരളീധരന്‍ വട്ടിയൂര്‍കാവില്‍ തന്നെ ഇറങ്ങും. പഴയ തട്ടകത്തിലേക്ക് പോരിന് മുരളി തീരുമാനമെടുത്തു. ഇതോടെ വട്ടിയൂര്‍ക്കാവില്‍ ശക്തമായി ത്രികോണ മത്സരം ഉറപ്പായിപ്രചാരണ സമിതിയും, പ്രകടന പത്രിക സമിതിയും പ്രഖ്യാപിച്ച് വളരെ വേഗം തെരഞ്ഞെടുപ്പിലേക്ക് നീങ്ങുന്ന കോണ്‍ഗ്രസ് സ്ഥാനാര്‍ത്ഥി പട്ടിക പ്രഖ്യാപിക്കുന്നതിലും ചടുലമായ നീക്കമാണ് നടത്തുന്നത്. 16ന്‌കൊച്ചിയില്‍ ചേരുന്ന കെപിസിസി യോഗത്തിന് …

കെ മുരളീധരന്‍ വട്ടിയൂര്‍കാവില്‍ മത്സരിക്കും Read More »

തിരുവനന്തപുരം:   കേരളത്തിന്റെ കുഞ്ഞുമാലാഖയായ ആലിന് മരണമില്ല. നാല് കുരുന്നുകളിലൂടെ ആലിന്റെ ജീവന്‍ തുടിക്കും. വാഹനാപകടത്തിലാണ് പത്ത് മാസം മാത്രം പ്രായമുള്ള ആലിന്റെ മരണം. സംസ്ഥാനത്തെ ഏറ്റവും പ്രായം കുറഞ്ഞ അവയവദാതാവായ ആലിനിലൂടെ 4 പേര്‍ക്കാണ് പുതുജീവന്‍ ലഭിക്കുക. ഇന്നലെ രാത്രിയോടെ റോഡ് മാര്‍ഗമാണ് ആലിന്റെ അവയവങ്ങള്‍ എറണാകുളം അമൃത ആശുപത്രിയില്‍ നിന്ന് തിരുവനന്തപുരത്തെത്തിച്ചത്. മൂന്നേകാല്‍ മണിക്കൂറുകള്‍ കൊണ്ടാണ് അവയവങ്ങള്‍ തിരുവനന്തപുരത്ത് എത്തിച്ചത്.  ഇന്‍ക്വസ്റ്റ് നടപടികള്‍ക്ക് ശേഷം ബന്ധുക്കള്‍ക്ക് കൈമാറിയ ആലിന്റെ ഭൗതിക ശരീരത്തിന് ആദരം അര്‍പ്പിച്ച …

ആലിന്‍ കുഞ്ഞുമാലാഖ Read More »

തിരുവനന്തപുരം: തൃശൂര്‍ പൂരം കലക്കലില്‍ പോലീസിന് ക്ലീന്‍ചിറ്റ് നല്‍കി ക്രൈംബ്രാഞ്ചിന്റെ അന്വേഷണ റിപ്പോര്‍ട്ട്. അന്വേഷണ റിപ്പോര്‍ട്ട് എഡിജിപിക്ക് സമര്‍പ്പിച്ചു.ഉദ്യോഗസ്ഥര്‍ മനപ്പൂര്‍വം പ്രശ്‌നമുണ്ടാക്കിയിട്ടില്ലെന്ന് റിപ്പോര്‍ട്ടിലുണ്ട്്.  തിരുവമ്പാടി ദേവസ്വത്തിന്റെ നിലപാടുകള്‍ പ്രശ്‌നത്തിന് കാരണമായതായി അന്വേഷണ റിപ്പോര്‍ട്ട്. 16 മാസം കൊണ്ടാണ് കേസില്‍ അന്വേഷണം പൂര്‍ത്തിയാകുന്നത്. എഡിജിപി അജിത് കുമാറിനെതിരെയും റിപ്പോര്‍ട്ടില്‍ പരാമര്‍ശമില്ലന്നാണ് സൂചന.തൃശൂര്‍ പൂരം കലക്കലുമായി ബന്ധപ്പെട്ട് ഡിജിപി സമര്‍പ്പിച്ച റിപ്പോര്‍ട്ട് ശരിവെച്ച് ആഭ്യന്തര സെക്രട്ടറി മുഖ്യമന്ത്രിക്ക് റിപ്പോര്‍ട്ട് നല്‍കിയിരുന്നു. എഡിജിപി എം.ആര്‍ അജിത് കുമാറിനെതിരെ നടപടി വേണമെന്നും ആഭ്യന്തര …

തൃശൂര്‍ പൂരം കലക്കലില്‍ പൊലീസിന് ക്ലീന്‍ ചിറ്റ് Read More »

നിലമ്പൂര്‍: പതിനാറുകാരിയെ പീഡിപ്പിച്ചെന്ന കേസില്‍ മുന്‍ പൊലീസ് ഉദ്യോഗസ്ഥനും സോഷ്യല്‍ മീഡിയ ഇന്‍ഫ്‌ളുവന്‍സറുമായ ഫിലിപ്പ് മമ്പാട് കസ്റ്റഡിയില്‍. നിലമ്പൂര്‍ പൊലീസ് ആണ് ഫിലിപ്പ് മമ്പാടിനെ കസ്റ്റഡിയിലെടുത്തത്. ഇന്നലെ രാത്രിയിലാണ് വീട്ടില്‍ നിന്ന് ഫിലിപ്പ് മമ്പാടിനെ പൊലീസ് കസ്റ്റഡിയിലെടുത്തത്. നിലമ്പൂര്‍ പൊലീസ് സ്റ്റേഷനിലാണ് ഇയാള്‍ ഇപ്പോഴുള്ളത്. അറസ്റ്റ് അടക്കമുള്ള തുടര്‍ നടപടികള്‍ വൈകാതെ സ്വീകരിക്കുമെന്നാണ് വിവരം.2025 സെപ്റ്റംബറിലാണ് കോഴിക്കോട് സ്വദേശി ലൈംഗിക അതിക്രമത്തിന് ഇരയായത്. നിലമ്പൂര്‍ പൊലീസ് സ്റ്റേഷന്‍ പരിധിയിലും കാസര്‍കോട് കാഞ്ഞങ്ങാട് ഭാഗത്തും വെച്ച് ലൈംഗിക അതിക്രമം …

പീഡനക്കേസില്‍ മുന്‍ പൊലീസ് ഉദ്യോഗസ്ഥന്‍ ഫിലിപ്പ് മമ്പാട് കസ്റ്റഡിയില്‍ Read More »

തിരുവനന്തപുരം: പാങ്ങോട് മിലിറ്ററി ക്യാമ്പില്‍ നിന്നും ആനക്കൊമ്പുകള്‍ മോഷണം പോയി. അതീവ സുരക്ഷ മേഖലയില്‍ നിന്നാണ് ആനകൊമ്പുകള്‍ മോഷണം പോയത്. 2 കോടി രൂപ വില മതിപ്പ് വരുമെന്ന് നിഗമനം. ഓഫീസേഴ്സ് ക്ലബില്‍ സൂക്ഷിച്ചിരുന്ന ആനക്കൊമ്പുകളാണ് മോഷണം പോയത്. 1929-ല്‍ സംസ്ഥാന സര്‍ക്കാര്‍ കൈമാറിയ ആനക്കൊമ്പുകളാണ് അതീവ സുരക്ഷാമേഖലയില്‍ നിന്നും മോഷ്ടിക്കപ്പെട്ടത്. സംഭവത്തില്‍ ഇന്നലെ രാത്രിയാണ് പൂജപ്പര പൊലീസ് കേസെടുത്തത്. കഴിഞ്ഞ ദിവസം പാര്‍ട്ടിക്ക് ശേഷമാണ് ആനക്കൊമ്പുകള്‍ മോഷണം പോയത്.

കൊച്ചി: ശബരിമല സ്വര്‍ണക്കൊള്ള കേസില്‍ പ്രതിയായ സ്മാര്‍ട്ട് ക്രിയേഷന്‍സ് സിഇഒ പങ്കജ് ഭണ്ഡാരിക്ക് തിരിച്ചടി. കേസില്‍ തന്നെ പ്രതി ചേര്‍ത്ത എഫ്‌ഐആര്‍ റദ്ദാക്കണമെന്നാവശ്യപ്പെട്ട് നല്കിയ ഹര്‍ജി ഹൈക്കോടതി തള്ളി.അറസ്റ്റ് നിയമവിരുദ്ധമാണെന്നും തന്നെ മോചിപ്പിക്കണമെന്നുമായിരുന്നു ഹര്‍ജിയില്‍ ചൂണ്ടിക്കാട്ടിയിരുന്നത്. എസ്‌ഐടി സ്ഥാപനത്തില്‍ നിന്ന് കണ്ടെത്തിയ സ്വര്‍ണം സ്വമേധയാ കൈമാറിയതാണെന്നും ആറുതവണ അറസ്റ്റിന് മുന്‍പ് ചോദ്യം ചെയ്യലിന് ഹാജരായിട്ടുണ്ടന്നും പങ്കജ് ഭണ്ഡാരിയുടെ ഹര്‍ജിയിലുണ്ട്.എന്നാല്‍, പങ്കജിന് ജാമ്യം നല്‍കരുതെന്ന എസ്‌ഐടി നിലപാട് അംഗീകരിച്ച ഹൈക്കോടതി കേസ് റദ്ദാക്കാനാകില്ലെന്ന് വ്യക്തമാക്കി തള്ളുകയായിരുന്നു.

കൊച്ചി: രാഹുല്‍ മാങ്കൂട്ടത്തില്‍ എംഎല്‍എയ്ക്ക് ആശ്വാസം. ആദ്യ ബലാത്സംഗ കേസില്‍ മുന്‍കൂര്‍ ജാമ്യം അനുവദിച്ച് ഹൈക്കോടതി. ഇതോടെ രാഹുലിന് മൂന്ന് കേസുകളിലും ജാമ്യം ലഭിച്ചു.കര്‍ശന ഉപാധികളോടെയാണ് ജാമ്യം അനുവദിച്ചിരിക്കുന്നത്. 16 ന് അന്വേഷണ ഉദ്യോഗസ്ഥന്റെ  മുമ്പാകെ ഹാജരാകണം, മൂന്ന് ദിവസം രാവിലെ 10 മുതല്‍ വൈകുന്നേരം നാലു വരെ ചോദ്യം ചെയ്യപ്പെടണം, ആ കാലയളവില്‍ കസ്റ്റഡിയില്‍ ഉള്ളതായി കണക്കാക്കണമെന്നും ഉപാധിയില്‍ പറയുന്നു.യുവതിയെ മാനസികമായി തളര്‍ത്തി ലൈംഗികമായി ഉപയോഗിക്കുകയായിരുന്നു പ്രതിയെന്നും മുന്‍കൂര്‍ ജാമ്യം നല്‍കരുത് എന്നുമായിരുന്നു പ്രോസിക്യൂഷന്‍ വാദം. …

ആദ്യ ബലാത്സംഗ കേസിലും രാഹുലിന് മുന്‍കൂര്‍ ജാമ്യം Read More »

കൊച്ചി: പമ്പാതീരത്ത് ആഗോള അയ്യപ്പസംഗമം നടത്തിയതിലെ വരവുചെലവു കണക്കുകളില്‍ കണ്ടെത്തിയ പൊരുത്തക്കേടുകളില്‍ തിരുവിതാംകൂര്‍ ദേവസ്വം ബോര്‍ഡും സംസ്ഥാന ഓഡിറ്റ് വകുപ്പും വിശദീകരണം നല്‍കണമെന്ന് ഹൈക്കോടതി. സ്വതന്ത്ര ഓഡിറ്റിങ്ങില്‍ കണ്ടെത്തിയ പൊരുത്തക്കേടുകളില്‍ ഫെബ്രുവരി 27-നകം വിശദീകരണം നല്‍കാനാണ് ജസ്റ്റിസ് വി. രാജ വിജയരാഘവന്‍, ജസ്റ്റിസ് കെ.വി. ജയകുമാര്‍ എന്നിവരുള്‍പ്പെട്ട ദേവസ്വം ബെഞ്ച് ഉത്തരവിട്ടത്.ബോര്‍ഡിനുവേണ്ടി വിജയന്‍ ആന്‍ഡ് അസോസിയേറ്റ് എന്ന ചാര്‍ട്ടേഡ് അക്കൗണ്ട് സ്ഥാപനമാണ് ഓഡിറ്റിങ് നടത്തിയത്. അയ്യപ്പസംഗമത്തിന്റെ നടത്തിപ്പ് ഊരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിക്കുകീഴിലുള്ള ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് …

ആഗോള അയ്യപ്പസംഗമം; കണക്കുകളില്‍ പൊരുത്തക്കേട്, വിശദീകരണം നല്‍കണമെന്ന് ഹൈക്കോടതി Read More »

കല്പറ്റ: ദേശീയ പണിമുടക്കിനിടെ വയനാട്ടില്‍ ചരക്കുലോറി തടഞ്ഞ് സമരാനുകൂലികള്‍. കല്പറ്റയിലാണ് സംഭവം. വാഹനം തടഞ്ഞത് ചോദ്യംചെയ്ത ഡ്രൈവറോട് രാത്രി 12 ആയിട്ടു പോയാല്‍ മതിയെന്നും സമരാനുകൂലികള്‍ പറഞ്ഞു. സ്ഥലത്തു പോലീസ് എത്തിയെങ്കിലും പ്രതിഷേധക്കാര്‍ പിന്മാറിയില്ല.

തിരുവനന്തപുരം: വിവിധ തൊഴിലാളി സംഘടനകള്‍ നടത്തുന്ന ദേശീയ പണിമുടക്ക് സംസ്ഥാനത്ത് ബന്ദായി മാറി.  കടകമ്പോളങ്ങള്‍ അടഞ്ഞുകിടക്കുകയാണ്. പലയിടത്തും വാഹനങ്ങള്‍ തടഞ്ഞു. മിക്ക ജില്ലകളിലും കെഎസ്ആര്‍ടിസി സര്‍വീസ് നടത്തുന്നില്ല.ഓട്ടോ ടാക്‌സി തൊഴിലാഴിലാളികളും പണിമുടക്കില്‍ പങ്കെടുത്തതോടെ യാത്രക്കാര്‍ വലഞ്ഞു. റെയില്‍വേ സ്റ്റേഷനുകളിലടക്കം എത്തിയവര്‍ കുടുങ്ങി. പോലീസും മറ്റു സന്നദ്ധ സംഘടനകളും യാത്രക്കാര്‍ക്ക് സഹായമായി എത്തിയിട്ടുണ്ട്.അതേസമയം, ഇരുചക്രവാഹനങ്ങളും സ്വകാര്യ കാറുകളും നിരത്തിലുണ്ട്. ഫുഡ് ഡെലിവറി ആപ്പുകള്‍ പ്രവര്‍ത്തിക്കുന്നുണ്ട്. എങ്കിലും  ഭക്ഷണവും മറ്റും നല്‍കാനായി സജീവമായ ഭക്ഷണശാലകളുടെ എണ്ണം കുറവാണ്.അതേസമയം ഉത്തരേന്ത്യന്‍ സംസ്ഥാനങ്ങളില്‍ …

ദേശീയ പണിമുടക്ക് സംസ്ഥാനത്ത് പൂര്‍ണം; കടകമ്പോളങ്ങള്‍ അടഞ്ഞുകിടക്കുന്നു, വാഹനങ്ങള്‍ തടഞ്ഞു Read More »

ഇഇരിങ്ങാലക്കുട : ഗുണ്ടാ-ലഹരി മാഫിയകൾക്കെതിരെ കർശന നടപടികൾ സ്വീകരിക്കുന്നതിന്റെ ഭാഗമായി തൃശ്ശൂർ റൂറൽ ജില്ലയിലെ സാമൂഹ്യ വിരുദ്ധരുടെ പട്ടിക തയ്യാറാക്കി പ്രത്യേക സ്ക്വാഡുകൾ രൂപീകരിച്ച് നേരിട്ടും ശാസ്ത്രീയമായ മാർഗങ്ങളുപയോഗിച്ചും ജില്ലയിലെ ഗുണ്ടാ സംഘങ്ങളെ ജില്ലാ പോലീസ് മേധാവിയുടെ നേതൃത്വത്തിൽ മാസങ്ങളായി നിരിക്ഷിച്ച് വരികയായിരുന്നു. ഇതിനെ തുടർന്ന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ ചേർപ്പ് പോലീസ് സ്റ്റേഷൻ പരിധിയിലെ പനംകുളത്തുള്ള ഒരു വീട്ടിൽ നടത്തിയ പരിശോധനയിലാണ് ഗണ്ടാസംഘാഗങ്ങളും സംഘടിത കുറ്റവാളി കൂട്ടായ്മകളിൽ അംഗങ്ങളുമായ  34 പ്രതികളെ അറസ്റ്റ് ചെയ്തത്. …

34 അംഗ സംഘടിത ഗുണ്ടാസംഘം ചേർപ്പിൽ പിടിയിൽ Read More »

കൊല്ലം: കേരളത്തില്‍ എയിംസ് വന്നിരിക്കുമെന്ന് ആവര്‍ത്തിച്ച് കേന്ദ്രമന്ത്രി സുരേഷ് ഗോപി. ആലപ്പുഴയില്‍ എയിംസ് വരണമെന്നത് തന്റെ നിലപാടാണ്. ആലപ്പുഴയില്‍ സ്ഥലം തരില്ലെങ്കില്‍ തൃശൂരില്‍ നേടിയെടുക്കണമെന്ന് സുരേഷ് ഗോപി വാര്‍ത്താസമ്മേളനത്തില്‍ പറഞ്ഞു. ഇനിയും സമയമുണ്ട്. സംസ്ഥാന സര്‍ക്കാര്‍ സ്ഥലമെടുത്ത് തന്നാല്‍ എയിംസ് വന്നിരിക്കും. എയിംസ് വരാന്‍ കേരളം എന്ത് ചെയ്‌തെന്ന് പറയണമെന്നും ഇലക്ഷന്‍ ഒന്ന് മാറ്റി വെച്ചാല്‍ ഇപ്പോള്‍ ഉയരുന്നതെല്ലാം കെട്ടടങ്ങുമെന്നും സുരേഷ് ഗോപി വിമര്‍ശിച്ചു. ബജറ്റില്‍ എയിംസ് എവിടെ എന്ന മാധ്യമപ്രവര്‍ത്തകരുടെ ചോദ്യത്തിന് 2016 ല്‍ പ്രഖ്യാപിച്ചല്ലോ …

കേരളത്തില്‍ എയിംസ് വന്നിരിക്കും’; കേന്ദ്രമന്ത്രി സുരേഷ് ഗോപി Read More »

തിരുവനന്തപുരം:  ആഗോള അയ്യപ്പ സംഗമം നടത്തിയതില്‍ തിരുവിതാംകൂര്‍ ദേവസ്വം ബോര്‍ഡിന് 3.4 കോടി രൂപയുടെ നഷ്ടം ഉണ്ടായെന്ന ഓഡിറ്റ് റിപ്പോര്‍ട്ട് ഹൈക്കോടതിയില്‍ സമര്‍പ്പിച്ചു. അയ്യപ്പ സംഗമത്തിന് വേണ്ടി ഒരു രൂപ പോലും സര്‍ക്കാരില്‍ നിന്നോ ദേവസ്വം ബോര്‍ഡില്‍ നിന്നോ കൈപ്പറ്റാന്‍ പാടില്ലെന്നായിരുന്നു കോടതിയുടെ നിര്‍ദേശം. അയ്യപ്പ സംഗമത്തിന് വേണ്ട പണം സ്‌പോണ്‍സര്‍ഷിപ്പിലൂടെ കണ്ടെത്താമെന്നായിരുന്നു ദേവസ്വം ബോര്‍ഡ് പ്രതീക്ഷിച്ചിരുന്നത്. ഏകദേശം എട്ടു കോടി രൂപ ചിലവ് വരുമെന്ന് ദേവസ്വം വകുപ്പ് മന്ത്രി തന്നെ വാര്‍ത്താ സമ്മേളനത്തില്‍ പറഞ്ഞിരുന്നു. എന്നാല്‍, …

സ്വര്‍ണക്കൊള്ളക്കേസ്: ആഗോള അയ്യപ്പ സംഗമവും അന്വേഷണപരിധിയില്‍. നഷ്ടം 3.4 കോടി ? Read More »

ന്യൂഡല്‍ഹി: ഔദ്യോഗിക ചടങ്ങുകളില്‍ ഇനി വന്ദേമാതരം ആലപിക്കുന്നത് നിര്‍ബന്ധം. ദേശീയപതാക ഉയര്‍ത്തല്‍, രാഷ്ട്രപതിയുടെ സന്ദര്‍ശനം , രാഷ്ട്രപതിയുടെ അഭിസംബോധന തുടങ്ങിയ ചടങ്ങുകളില്‍ ആണ് വന്ദേമാതരം നിര്‍ബന്ധമാക്കിയത്. ഇത് സംബന്ധിച്ച് ആഭ്യന്തരമന്ത്രാലയം ഉത്തരവിറക്കി. ദേശീയ ഗീതത്തിന്റെ 150-ാം വാര്‍ഷികത്തോട് അനുബന്ധിച്ചാണ് ആഭ്യന്തരമന്ത്രാലയത്തിന്റെ ഉത്തരവ്.വന്ദേമാതരത്തിന്റെ 6 ചരണങ്ങള്‍ ഉള്ള മൂന്ന് മിനിറ്റ് 10 സെക്കന്‍ഡ് ദൈര്‍ഘ്യമുള്ള പതിപ്പ് ആണ് നിര്‍ബന്ധമാക്കിയത്. ഗവര്‍ണര്‍മാരുടെ പരിപാടികളിലും വന്ദേമാതരം നിര്‍ബന്ധമാക്കി. വന്ദേമാതരം ആലപിക്കുന്ന ഇത്തരം ചടങ്ങുകളില്‍ സദസിലുള്ളവര്‍ എഴുന്നേറ്റു നില്‍ക്കണമെന്നും ദേശീയ ഗാനവും ദേശീയഗീതവും …

ഔദ്യോഗിക ചടങ്ങുകളില്‍ ഇനി വന്ദേമാതരം ആലപിക്കുന്നത് നിര്‍ബന്ധമാക്കി Read More »

തൃശൂര്‍:  നിയമസഭാ തിരഞ്ഞെടുപ്പ്് ആസന്നമായ സാഹചര്യത്തില്‍ സ്ഥാനാര്‍ത്ഥികളെ തീരുമാനിക്കാന്‍ ബിജെപി നേതൃത്വം അവസാനവട്ട ചര്‍ച്ചയില്‍. ശോഭാ സുരേന്ദ്രന്‍ തൃശൂര്‍ ജില്ലയില്‍ മത്സരിച്ചേക്കില്ല. തൃശൂര്‍ മണ്ഡലത്തില്‍ എം.ടി.രമേശിനെയും, ജേക്കബ് തോമസിനെയും പരിഗണിക്കുന്നു. കഴിഞ്ഞ തവണ ജേക്കബ് തോമസ് ഇരിങ്ങാലക്കുടയിലാണ് മത്സരിച്ചത്. മുന്‍ ഡിജിപിയാണ് ജേക്കബ് തോമസ്. അയ്യന്തോള്‍ എസ്എന്‍ പാര്‍ക്കിലാണിപ്പോള്‍ ജേക്കബ് തോമസ് വീട് വാടകയ്ക്ക് എടുത്തിരിക്കുന്നത്.ക്രിസ്ത്യന്‍ വോട്ടുകള്‍ ലക്ഷ്യമിട്ടാണ് ബിജെപിയുടെ തന്ത്രപരമായ നീക്കം. വി.എസ്.സുനില്‍കുമാര്‍ ഇടത് മുന്നണി സ്ഥാനാര്‍ത്ഥിയാകുംകഴിഞ്ഞതവണ തൃശ്ശൂര്‍ മണ്ഡലത്തില്‍ 946 വോട്ടിന്റെ ഭൂരിപക്ഷത്തിനാണ് സിപിഐയിലെ …

ജില്ലയില്‍  ബിജെപി സ്ഥാനാര്‍ത്ഥികളെ വൈകാതെ പ്രഖ്യാപിക്കും, തൃശൂര്‍ മണ്ഡലത്തില്‍ ജേക്കബ് തോമസിന് മുന്‍ഗണന Read More »