കൊല്ലം: ശബരിമല സ്വര്ണക്കൊള്ള കേസില് തന്ത്രി കണ്ഠര് രാജീവര്ക്ക് ജാമ്യം. കൊല്ലം വിജിലന്സ് കോടതിയുടേതാണ് ഉത്തരവ്. കട്ടിളപ്പാളി കേസിലും ദ്വാരപാലക ശില്പ കേസിലും സമര്പ്പിച്ച ജാമ്യാപേക്ഷയിലാണ് വിധി. 41 ദിവസത്തെ ജയില് വാസത്തിന് ശേഷമാണ് തന്ത്രിയ്ക്ക് ജാമ്യം ലഭിക്കുന്നത്.
ജാമ്യ ഹര്ജിയിലെ വാദത്തിനിടെ തന്ത്രിയുടെയും ഭാര്യയുടെയും സ്വത്ത് സമ്പാദനം സംബന്ധിച്ച നിര്ണായക തെളിവുകള് എസ്ഐടി ഹാജരാക്കിയിരുന്നു. ഇരുവരുടെയും പേരില് കണക്കില്പ്പെടാത്ത വന് നിക്ഷേപം ഉണ്ടെന്നാണ് എസ്ഐടിയുടെ കണ്ടെത്തല്. പ്രതിയുടെ സാമ്പത്തിക സ്രോതസ്സ് ദുരൂഹമാണെന്നും വിശദമായ അന്വേഷണം വേണമെന്നുമാണ് പ്രോസിക്യൂഷന്റെ ആവശ്യം. എന്നാല്, ആചാരപരമായ കാര്യങ്ങളില് മാത്രം ഇടപെട്ടയാളാണ് താനെന്നും സ്വര്ണക്കൊള്ളയില് പങ്കില്ലെന്നുമാണ് തന്ത്രിയുടെ വാദം.
