കൊച്ചി: മൂന്നാം ബലാത്സംഗ കേസില് ജാമ്യം ലഭിച്ചതിന് പിന്നാലെ രാഹുല് മാങ്കൂട്ടത്തില് എംഎല്എ ജയില് മോചിതനായി. അറസ്റ്റിലായി പതിനെട്ടാം ദിവസമാണ് പത്തനംതിട്ട സെഷന്സ് കോടതി ജാമ്യം അനുവദിച്ചത്. മാവേലിക്കര സബ് ജയിലിന് പുറത്ത് യുവമോര്ച്ച പ്രവര്ത്തകര് പ്രതിഷേധിച്ചു. പ്രവര്ത്തകരെ പൊലീസുകാര് അറസ്റ്റ് ചെയ്ത് നീക്കി. ജയിലിന് മുന്നില് പൊലീസുകാരും പ്രതിഷേധക്കാരും തമ്മില് ഉന്തും തള്ളുമുണ്ടായി.
ഉപാധികളോടെയാണ് പത്തനംതിട്ട സെഷന്സ് കോടതി രാഹുല് മാങ്കൂട്ടത്തിലിന് ജാമ്യം അനുവദിച്ചത്. അന്വേഷണ ഉദ്യോഗസ്ഥന് മുന്നില് എല്ലാ ശനിയാഴ്ചയും ഹാജരാകണമെന്നും സാക്ഷികളെ സ്വാധീനിക്കരുതെന്നും സമൂഹമാധ്യമ ഭീഷണിയും പാടില്ലെന്നും കോടതി വ്യക്തമാക്കിയിട്ടുണ്ട്. രാഹുലിനെ എസ്ഐടിക്ക് കൂടുതല് കസ്റ്റഡിയില് ആവശ്യമില്ലാത്ത സാഹചര്യത്തില് ജാമ്യം നല്കുന്നുവെന്നാണ് കോടതി അറിയിച്ചത്. പ്രതിഭാഗം ഹാജരാക്കിയ ഡിജിറ്റല് രേഖകളടക്കം കൂടുതലായി പരിഗണിക്കേണ്ടത് കേസിന്റെ അടുത്ത ഘട്ടത്തിലാണെന്നും കോടതി ജാമ്യ ഉത്തരവില് പറയുന്നു. ബലാത്സംഗ കുറ്റം നിലനില്ക്കുമോ എന്ന കാര്യത്തില് കൂടുതല് അന്വേഷണം വേണമെന്ന് കോടതി ഉത്തരവിലുണ്ട്.
മാങ്കൂട്ടത്തില് ജയില് മോചിതനായി
