തൃശൂര്‍: റെയില്‍ ട്രാക്കില്‍ ഇരുമ്പിന്റെ റാഡ് കൊണ്ടിട്ട പ്രതി പിടിയില്‍. തമിഴ്നാട് സ്വദേശി തിരുവണ്ണാമല വിനായക തെരുവിൽ മോഹൻ മകൻ ഹരി (41) ആണ് പിടിയിലായത്. മോഷ്ടിക്കാന്‍ നടത്തിയ ശ്രമത്തിനിടെ റെയില്‍ റാഡ് ട്രാക്കിലേക്ക് വീഴുകയായിരുന്നു. പ്രതി ലഹരിക്ക് അടിമയാണെന്ന് റെയില്‍വേ പൊലീസ് അറിയിച്ചു. റെയില്‍വെ ട്രാക്കില്‍ ഇരുമ്പ് റാഡ് കയറ്റിവെച്ച് പ്രതി ട്രെയിന്‍ അട്ടിമറിക്കാന്‍ ശ്രമം നടത്തിയതെന്നാണ് കരുതിയിരുന്നത്.
ഇന്ന് പുലര്‍ച്ചെ 4.55 നാണ് സംഭവം. ഇതുവഴി കടന്നുപോയ ചരക്ക് ട്രെയിന്‍ ഇരുമ്പ് റാഡ് തട്ടിത്തെറിപ്പിച്ചു. തൃശ്ശൂര്‍ എറണാകുളം ഡൗണ്‍ലൈന്‍ പാതയിലാണ് റാഡ് കയറ്റി വെക്കാന്‍ ശ്രമം നടന്നത്. ആര്‍പിഎഫ് ആര്‍പിഎഫ് ഇന്റലിജന്‍സ് സ്ഥലത്തെത്തി പരിശോധന നടത്തിയിരുന്നു. തൃശ്ശൂര്‍ റെയില്‍വേ സ്റ്റേഷനില്‍ നിന്ന് 100 മീറ്റര്‍ മാത്രം അകലെയാണ് സംഭവം. ഗുഡ്സ് ട്രെയിനിന്റെ പൈലറ്റാണ് സംഭവം റെയില്‍വേ സ്റ്റേഷനില്‍ അറിയിച്ചത്.
