കൊല്ലം: ശബരിമല കട്ടിളപ്പാളി കേസില് തന്ത്രി കണ്ഠരര് രാജീവരെ റിമാന്ഡ് ചെയ്തു. 14 ദിവസത്തേക്കാണ് റിമാന്ഡ് ചെയ്തിരിക്കുന്നത്. തന്ത്രിയെ തിരുവനന്തപുരം സ്പെഷ്യല് സബ് ജയിലിലേക്ക് മാറ്റും. ദേവസ്വം ബോര്ഡ് കട്ടിള കൊണ്ടുപോകുമ്പോള് തന്ത്രി എന്ന നിലയില് തനിക്ക് തടയാന് കഴിഞ്ഞില്ല ശബരിമലയില് ആചാര ലംഘനം നടത്തിട്ടയിട്ടില്ലെന്നും ഗൂഢാലോചന നടത്തിയിട്ടില്ലെന്നും തന്ത്രി ജാമ്യാപേക്ഷയില് പറയുന്നു. ജാമ്യാപേക്ഷ 13ന് കൊല്ലം വിജിലന്സ് കോടതി പരിഗണിക്കും. തന്ത്രിക്ക് ചില ആരോഗ്യ പ്രശ്നങ്ങള് ഉണ്ടെന്ന് മജിസ്ട്രറ്റിന് മുന്പാകെ അഭിഭാഷകന് വ്യക്തമാക്കി.
ജഡ്ജിയുടെ ക്വാര്ട്ടേഴ്സിലാണ് തന്ത്രി രാജീവരെ എത്തിച്ചത്. തുടര്ന്ന് കോടതി തന്ത്രിയെ റിമാന്ഡ് ചെയ്യുകയായിരുന്നു. ഇന്ന് രാവിലെയാണ് തന്ത്രിയെ ശബരിമല സ്വര്ണക്കൊള്ള കേസില് കസ്റ്റഡിയിലെടുക്കുന്നത്. മണിക്കൂറുകള് നീണ്ട ചോദ്യം ചെയ്യലിനൊടുവില് ഉച്ചയ്ക്കുശേഷമാണ് അറസ്റ്റ് രേഖപ്പെടുത്തിയത്.
