Local News

തൃശൂര്‍: പീഡനാനുഭവദിനത്തില്‍ ദൈവപുത്രനായ യേശുദേവനെ സ്മരിച്ച് നടന്‍ സുരേഷ്‌ഗോപി ആലപിച്ച ഭക്തിഗാനം വൈറലായി. നെഞ്ചുരുകും വേദനയില്‍ … എന്ന തുടങ്ങുന്ന ഭക്തിഗാനത്തിന്റെ രചന നിര്‍വഹിച്ചിട്ടുള്ളത് ഫാദര്‍ ഡോ. ജോയല്‍ പണ്ടാരപ്പറമ്പിലാണ് സംഗീതം ജെയ്ക്‌സ് ബിജോയ്.ലോക്‌സഭാ തിരഞ്ഞെടുപ്പില്‍ തൃശൂരിലെ ബി.ജെ.പി സ്ഥാനാര്‍ത്ഥിയായ സുരേഷ്‌ഗോപി ഓശാന ഞായറാഴ്ചയടക്കമുള്ള വിശേഷ ദിനങ്ങളില്‍ പള്ളികളിലെ ചടങ്ങുകളിലും പങ്കെടുത്തിരുന്നു. ബി ആന്‍ഡ് എസാണ് ഭക്തിഗാനം പുറത്തിറക്കിയിരിക്കുന്നത്. 

തൃശൂര്‍:  ലോക്‌സഭാ തിരഞ്ഞെടുപ്പില്‍ ഇടതുമുന്നണി സ്ഥാനാര്‍ത്ഥികളുടെ പ്രചാരണത്തിനായി മുന്‍ എം.എല്‍.എയും ഔഷധി ചെയര്‍പേഴ്‌സണുമായ  ശോഭനാ ജോര്‍ജ് റീല്‍സ് പുറത്തിറക്കി. ജനനന്‍മയ്ക്കായി എല്‍.ഡി.എഫ്, ജനരക്ഷയ്ക്കായി എല്‍.ഡി.എഫ് …… .എന്ന് തുടങ്ങുന്ന റീല്‍സിലെ പ്രചാരണഗാനം രചിച്ചതും ശോഭനാ ജോര്‍ജാണ്.തൃശൂര്‍ പ്രസ് ക്ലബിലായിരുന്നു റീല്‍സിന്റെ പ്രകാശനം. ഒന്നര മിനിറ്റ് മാത്രം ദൈര്‍ഘ്യമുള്ള റീല്‍സില്‍ മക്കളും കൊച്ചുമക്കളുമായി ശോഭനാ ജോര്‍ജിന്റെ കുടുംബത്തിലെ ഏഴുപേരാണുള്ളത്.2021-ലെ നിയമസഭാ തിരഞ്ഞെടുപ്പിന് ‘പിണറായി തുടരും’ എന്ന പേരില്‍ ശോഭനാ ജോര്‍ജ് രചന നിര്‍വഹിച്ച റീല്‍സ് വൈറലായിരുന്നു.മതേതരത്വവും, ജനാധിപത്യവും  സംരക്ഷിക്കാന്‍ …

ജനനന്മയ്ക്കായ് എല്‍.ഡി.എഫ്. തിരഞ്ഞെടുപ്പ് പ്രചാരണത്തിന് റീല്‍സുമായി ശോഭനാ ജോര്‍ജ് Read More »

തൃശൂര്‍:  ഓശാനത്തിരുനാള്‍ ദിനത്തില്‍ പ്രാര്‍ത്ഥനയര്‍പ്പിക്കാന്‍ ബി.ജെ.പി സ്ഥാനാര്‍ത്ഥി സുരേഷ്‌ഗോപി സേക്രട്ട് ഹാര്‍ട്ട് ലത്തീന്‍ ദേവാലയത്തിലെത്തി.രാവിലെ നടന്ന ഓശാനപ്രാര്‍ത്ഥനയില്‍ പങ്കെടുത്തു. കുരുത്തോലയേന്തി വിശ്വാസികള്‍ക്കൊപ്പം പ്രദക്ഷിണത്തിലും പങ്കാളിയായി.തുടര്‍ന്ന് ഒരു മണിക്കൂറോളം നീണ്ടു നിന്ന കുര്‍ബാനച്ചടങ്ങിലും പങ്കെടുത്താണ് സുരേഷ്‌ഗോപി മടങ്ങിയത്.

തൃശ്ശൂര്‍: ആറാട്ടുപുഴ പൂരത്തിനിടെ വീണ്ടും ആന വിരണ്ടു. രണ്ടാം തവണയാണ് ആറാട്ടുപുഴയില്‍  ആന വിരണ്ടത്. രാവിലെ എഴുന്നളളത്തിനിടെയായിരുന്നു സംഭവം. അധികൃതരുടെ ഇടപെടല്‍ മൂലം ആനയെ വളരെ പെട്ടെന്ന് തന്നെ തളക്കാന്‍ സാധിച്ചു.അരക്കിലോമീറ്ററോളം ആന വിരണ്ടോടി. മൂന്ന് ബൈക്കുകളും തകര്‍ത്തു.പാപ്പാന്‍മാരും എലഫന്റ് സ്‌ക്വാഡും സ്ഥലത്തുണ്ടായിരുന്നു.

തിരുവനന്തപുരം : ലോക്‌സഭാ തിരഞ്ഞെടുപ്പില്‍ കൂടുതല്‍ സീറ്റ് ലഭിച്ചില്ലെങ്കില്‍  പാര്‍ട്ടി ചിഹ്നം നഷ്ടമാകുമെന്ന് സി.പി.എം കേന്ദ്രകമ്മറ്റിയംഗം എ.കെ ബാലന്‍ അഭിപ്രായപ്പെട്ടു.  പാര്‍ട്ടി ചിഹ്നം പോയാല്‍ പിന്നെ തെരഞ്ഞെടുപ്പ് കമ്മീഷന്‍ തരുന്ന ഈനാംപേച്ചി, നീരാളി തുടങ്ങിയ ചിഹ്നങ്ങളില്‍ മത്സരിക്കേണ്ടി വരും.കോഴിക്കോട് നടന്ന കെ.എസ്.എഫ്.ഇ ഒഫീസേഴ്‌സ് യൂണിയന്‍ ശില്‍പശാലയിലായിരുന്നു ബാലന്റെ പ്രതികരണം.നിശ്ചിത ശതമാനം വോട്ട് ഇല്ലെങ്കില്‍ ഇടതുപാര്‍ട്ടികള്‍ക്ക് ദേശീയ പദവി നഷ്ടം ആകും. അപ്പോള്‍ ചിഹ്നവും പോകും. ആ അവസ്ഥ ഉണ്ടാകാതിരിക്കാന്‍ ജാഗ്രത വേണമെന്നും എ.കെ. ബാലന്‍ പറഞ്ഞു. 

തൃശൂര്‍: തൃശൂരിലെ ഇടതുമുന്നണി സ്ഥാനാര്‍ത്ഥി വി.എസ്. സുനില്‍കുമാര്‍ തെരഞ്ഞെടുപ്പ് കമ്മിഷന്‍ ബ്രാന്‍ഡ് അംബാസഡറായ നടന്‍ ടൊവിനോ തോമസിന്റെ  ഫോട്ടോ തെരഞ്ഞെടുപ്പ് പ്രചാരണങ്ങള്‍ക്ക് ഉപയോഗിച്ചതിനെതിരെ  സിപി..ഐക്ക് നോട്ടീസ് നല്‍കി. തൃശൂര്‍ ലോക്സഭാ മണ്ഡലത്തിന്റെ അസിസ്റ്റന്റ് റിട്ടേണിംഗ് ഓഫീസറായ സബ് കലക്ടര്‍ മുഹമ്മദ് ഷഫീഖാണ് നോട്ടീസ് നല്‍കിയത്.  വി.എസ്. സുനില്‍കുമാര്‍ തന്റെ ഫേയ്സ് ബുക്ക് അക്കൗണ്ടില്‍ ടൊവിനോക്കൊപ്പമുള്ള ഫോട്ടോ പോസ്റ്റ് ചെയ്തിരുന്നു.  ഫേയ്സ് ബുക്കി ല്‍ ഫോട്ടോ വന്നതിനെ തുടര്‍ന്ന് താന്‍ തെരഞ്ഞെടുപ്പ് കമ്മിഷന്‍ ബ്രാന്‍ഡ് അംബാസഡറാണെന്നും തന്റെ ഫോട്ടോ …

വി.എസ്. സുനില്‍കുമാര്‍ ടൊവിനോയുടെ ഫോട്ടോ ഉപയോഗിച്ചതില്‍  സി.പി.ഐക്ക് നോട്ടീസ് Read More »

 ഇ.ഡിയുടെ മാപ്പുസാക്ഷി ബി.ജെ.പിക്ക് പണം നല്‍കി ന്യൂഡല്‍ഹി: ഡല്‍ഹി മദ്യനയ അഴിമതി കേസില്‍ ഡല്‍ഹി മുഖ്യമന്ത്രി അരവിന്ദ് കെജ്രിവാളിന്റെ  അറസ്റ്റിന് കാരണക്കാരനായ ഇ.ഡിയുടെ മാപ്പുസാക്ഷി ശരത്ചന്ദ്ര റെഡ്ഡി ബി.ജെ.പിക്ക് പണം നല്‍കിയാണ് കേസില്‍ മാപ്പുസാക്ഷിയായതെന്ന് ആം ആദ്മി പാര്‍ട്ടി ആരോപിച്ചു.  ഇതിന്റെ  രേഖകള്‍ ആപ്പ് നേതാക്കളായ അതിഷി മര്‍ലേനയും സൗരഭ് ഭരദ്വാജും വാര്‍ത്താസമ്മേളനത്തില്‍ പുറത്തുവിട്ടു. ഡല്‍ഹി മദ്യനയ കേസിലെ കെജ്രിവാളിന്റെ  അറസ്റ്റുമായി ബന്ധപ്പെട്ട് സ്‌ഫോടനാത്മകമായ വിവരങ്ങള്‍ പുറത്തുവിടുമെന്ന് നേരത്തെ എ.എ.പി അറിയിച്ചിരുന്നു. കെജ്രിവാളിനെതിരെ ഒരു കുറ്റവും തെളിയിക്കാനായിട്ടില്ലെന്ന് …

ഗുരുതര ആരോപണവുമായി എ.എ.പി Read More »

തൃശൂര്‍: ആറാട്ടുപുഴ തറയ്ക്കല്‍ പൂരത്തിന് ആനകള്‍ വിരണ്ടോടി പാപ്പാനുള്‍പ്പെടെ നിരവധി പേര്‍ക്ക് പരിക്ക്. ഇന്നലെ രാത്രി പത്തരയോടെയായിരുന്നു ആനയിടഞ്ഞ് ഭീതി പരത്തിയത്. തറയ്ക്കല്‍ പൂരത്തിന് ഉപചാരം ചൊല്ലിപ്പിരിയുന്ന ചടങ്ങിനായിരുന്നു സംഭവം. ആയിരങ്ങള്‍ ചടങ്ങ് കാണുന്നതിനിടയിലായിരുന്നു ഊരകം അമ്മത്തിരുവടിയുടെ തിടമ്പേറ്റിയ  ഗുരുവായൂര്‍ രവികൃഷ്ണന്‍ ഇടഞ്ഞത്. ഇടഞ്ഞ ആന പാപ്പാന്‍ ശ്രീകുമാറിനെ (56) കുത്താനും ചവിട്ടാനും ശ്രമിച്ചു. എങ്കിലും പാപ്പാന്‍ പരിക്കുകളോടെ അത്ഭുതകരമായി ആനയുടെ കൊലവെറിയില്‍ നിന്ന് രക്ഷപ്പെട്ടു.പിന്നീട് ഇടഞ്ഞോടിയ കൊമ്പന്‍ ആറാട്ടുപുഴ ശാസ്താവിന്റെ തിടമ്പേന്തിയ പുതുപ്പള്ളി അര്‍ജുനനെ ആക്രമിച്ചു. …

ആറാട്ടുപുഴ തറയ്ക്കല്‍ പൂരം ഉപചാരത്തിനിടെ ആനകള്‍ വിരണ്ടോടി,പാപ്പാനടക്കം നിരവധി പേര്‍ക്ക് പരിക്ക് Read More »

തൃശൂര്‍: ശക്തനില്‍ പച്ചക്കറി, മത്സ്യവിഭാഗങ്ങളടക്കം ഉള്‍പ്പെടുത്തി ആധുനിക മാര്‍ക്കറ്റിംഗ് ഹബ്ബ് സ്ഥാപിക്കുമെന്ന് ബി.ജെ.പി സ്ഥാനാര്‍ത്ഥി സുരേഷ്‌ഗോപി അറിയിച്ചു. ശക്തന്‍ മത്സ്യമാര്‍ക്കറ്റില്‍ പ്രചാരണം നടത്തുകയായിരുന്നു അദ്ദേഹം.അതുക്കുംമേലെയായിരിക്കും തന്റെ വികസനം. അതിനായി തനിക്ക് വോട്ട് തരണമെന്നും അദ്ദേഹം അഭ്യര്‍ത്ഥിച്ചു.നിങ്ങള്‍ ഇവിടെ നിന്ന് ജയിപ്പിച്ചുവിട്ട എം.പിമാരെ ചോദ്യം ചെയ്യുന്നതരത്തിലുള്ള സമഗ്രവികസനമായിരിക്കും അഞ്ച് വര്‍ഷം കൊണ്ട് താന്‍ നടപ്പാക്കുകയെന്നും അദ്ദേഹം പറഞ്ഞു. താന്‍ രാജ്യസഭാ എം.പിയായിരിക്കെയും ശക്തനില്‍ വികസനപ്രവര്‍ത്തനം നടത്തിയിട്ടുണ്ടെന്നും അദ്ദേഹം പറഞ്ഞു. ശക്തനില്‍ നിന്ന് വീട്ടിലേക്ക് മത്സ്യം വാങ്ങിയാണ് സുരേഷ്‌ഗോപി മടങ്ങിയത്.

ന്യൂഡല്‍ഹി: മദ്യനയക്കേസില്‍  മുഖ്യമന്ത്രി അരവിന്ദ് കെജ്രിവാളിനെ ഇ.ഡി അറസ്റ്റ് ചെയ്തതിനെതിരായ എ.എ.പി പ്രവര്‍ത്തകരുടെ പ്രതിഷേധത്തില്‍ ഡല്‍ഹി നഗരം സംഘര്‍ഷഭരിതമായി. ഡല്‍ഹി ഐ.പി.ഒ മേഖലയില്‍ നിരോധനാജ്ഞ പ്രഖ്യാപിച്ചിട്ടുണ്ടെങ്കിലും സംഘങ്ങളായിട്ടാണ് പ്രവര്‍ത്തകര്‍ എത്തുന്നത്. ബി.ജെ.പി ഓഫീസിലേക്കുള്ള മാര്‍ച്ചിനിടെ മന്ത്രി അതിഷിയടക്കമുള്ളവരെ പോലീസ് അറസ്റ്റ് ചെയ്തു.  ശക്തമായ പ്രതിഷേധത്തിനുള്ള സാധ്യത മുന്നില്‍ക്കണ്ട് ഡല്‍ഹിയില്‍ പോലീസ് സുരക്ഷ ശക്തമാക്കി.പ്രവര്‍ത്തകര്‍ റോഡില്‍ കിടന്നു പ്രതിഷേധിക്കുന്നു. രാവിലെ പത്ത് മണിക്ക് ബി.ജെ.പി ആസ്ഥാനത്തായിരുന്നു. എ.എ.പിയുടെ പ്രതിഷേധത്തിന് തുടക്കം. തുടര്‍ന്ന് രാജ്യത്തെമ്പാടും പ്രതിഷേധ സമരം നടത്തുന്നുണ്ട്്. ലോക്സഭാ …

ഡല്‍ഹിയില്‍ തെരുവുയുദ്ധം Read More »

ന്യൂഡല്‍ഹി: മദ്യനയക്കേസില്‍ ഡല്‍ഹി മുഖ്യമന്ത്രി അരവിന്ദ് കെജ്രിവാള്‍ അറസ്റ്റില്‍. വൈകീട്ട് 8 മണിയോടെ വസതിയിലെത്തി ചോദ്യം ചെയ്തതിന് ശേഷമാണ് ഇ.ഡി കെജ്രിവാളിന്റെ അറസ്റ്റ് രേഖപ്പെടുത്തിയത്. രാജ്യവ്യാപകപ്രക്ഷോഭത്തിന് കോണ്‍ഗ്രസും, ആം ആദ്മി പ്രവര്‍ത്തകരും ആഹ്വാനം ചെയ്തിട്ടുണ്ട്്. അതിനിടെ സംഘര്‍ഷ സാധ്യത കണക്കിലെടുത്ത് ദില്ലിയില്‍ നിരോധനാജ്ഞ പ്രഖ്യാപിച്ചു. ആം ആദ്മി പാര്‍ട്ടി പ്രവര്‍ത്തകര്‍ തെരുവിലിറങ്ങി റോഡുകള്‍ ഉപരോധിച്ചു. ആം ആദ്മി പാര്‍ട്ടി എം.എല്‍.എയായ രാഖി ബിര്‍ളയെയും ഇ.ഡി അറസ്റ്റു ചെയ്തിട്ടുണ്ട്. അറസ്റ്റിനെ ചോദ്യം ചെയ്ത് എ.എ.പി സുപ്രീംകോടതിയില്‍ ഹര്‍ജി നല്‍കും. …

കെജ്രിവാള്‍ അറസ്റ്റില്‍, ഡല്‍ഹിയില്‍ വന്‍സംഘര്‍ഷം Read More »