തിരുവനന്തപുരം : കെപിസിസിക്ക് പുന:സംഘടന പട്ടിക പ്രഖ്യാപിച്ചു. 58 ജനറല്‍ സെക്രട്ടറിമാരും, 13 വൈസ് പ്രസിഡന്റുമാരും പുതിയ പട്ടികയില്‍. പുതുക്കിയ രാഷ്ട്രീയകാര്യ സമിതിയില്‍ 6 പേര്‍ കൂടി. നീണ്ടുനിന്ന ചര്‍ച്ചകള്‍ക്കും അനിശ്ചിതത്വങ്ങള്‍ക്കുമൊടുവിലാണ് രാഷ്ട്രീയകാര്യ സമിതി അടക്കം വിപുലീകരിച്ചുകൊണ്ടുള്ള പട്ടിക എഐസിസി നേതൃത്വം പ്രസിദ്ധീകരിച്ചത്.
ബിജെപിയില്‍ നിന്ന് എത്തിയ സന്ദീപ് വാര്യര്‍ ജനറല്‍ സെക്രട്ടറി.ഡിസിസി പ്രസിഡന്റുമാരും കെപിസിസി സെക്രട്ടറിമാരും പുതിയ പട്ടികയിലില്ല. രാജ്‌മോഹന്‍ ഉണ്ണിത്താന്‍,വി കെ ശ്രീകണ്ഠന്‍,ഡീന്‍ കുര്യാക്കോസ്, പന്തളം സുധാകരന്‍ എ കെ മണി, സി പി മുഹമ്മദ് എന്നിവരാണ് രാഷ്ട്രീയകാര്യ സമിതിയില്‍ ഉള്‍പ്പെടുത്തിയിരിക്കുന്നത്. ഏറെക്കാലമായി ഒഴിഞ്ഞു കിടന്നിരുന്ന ട്രഷറര്‍ സ്ഥാനം വി എ നാരായണന് നല്‍കും.
വൈസ് പ്രസിഡന്റുമാരുടെ പട്ടികയില്‍ ഹൈബി ഈഡന്‍, ടി ശരത്ചന്ദ്ര പ്രസാദ്, പാലോട് രവി, വി ടി ബല്‍റാം,വി പി സജീന്ദ്രന്‍, മാത്യു കുഴല്‍നാടന്‍, ഡി സുഗതന്‍, രമ്യ ഹരിദാസ്, എം ലിജു, എ എ ഷുക്കൂര്‍, എം വിന്‍സെന്റ്, റോയ് കെ പൗലോസ്, ജൈസണ്‍ ജോസഫ് എന്നിവരുള്‍പ്പെടും.
