തിരുവനന്തപുരം: ഇന്റലിജന്സ് മേഥാവി പി. വിജയനെതിരെ വ്യാജ മൊഴി നല്കിയതിന് എഡി.ജി.പി എം.ആര്. അജിത്കുമാറിനെതിരെ കേസെടുക്കാമെന്ന് ഡിജിപി. സിവിലായും ക്രിമിനലായും നടപടി സ്വീകരിക്കാമെന്നാണ് ഡിജിപിയുടെ ശിപാര്ശ.
സ്വര്ണക്കടത്തില് പി. വിജയന് ബന്ധമുണ്ടെന്ന് അജിത്കുമാര് മൊഴി നല്കിയിരുന്നു. എസ്പി സുജിത് ദാസ് പറഞ്ഞുവെന്നായിരുന്നു ഡിജിപിക്ക് നല്കിയമൊഴി. സുജിത് ദാസ് ഇക്കാര്യം നിഷേധിച്ചിരുന്നു.
പി. വിജയന് നിയമനടപടി ആവശ്യപ്പെട്ട് സര്ക്കാരിന് കത്ത് നല്കിയിരുന്നു. ഇതില് സര്ക്കാര് അഭിപ്രായം ഡിജിപിയോട് ചോദിച്ചിരുന്നു.മുഖ്യമന്ത്രിയുടെ വിശ്വസ്തനായ അജിത് കുമാറിനെതിരായ ഡിജിപിയുടെ ശുപാര്ശയില് മുഖ്യമന്ത്രി തന്നെയാണ് തീരുമാനമെടുക്കേണ്ടത് .
