ആലപ്പുഴ: സംസ്ഥാനത്ത് സ്കൂള് കലോത്സവത്തിനായുള്ള ഒരുക്കങ്ങള് ആരംഭിച്ചെന്ന് വിദ്യാഭ്യാസ മന്ത്രി വി ശിവന്കുട്ടി. എ ഗ്രേഡ് നേടുന്ന എല്ലാ വിദ്യാര്ത്ഥികള്ക്കും സര്ക്കാരിന്റെ വക 1000 രൂപ ഗ്രാന്ഡ് ആയി നല്കുമെന്ന് മന്ത്രി പ്രഖ്യാപിച്ചു. ജനപങ്കാളിത്തത്തോട് കൂടി പരാതിരഹിതമായി കലോത്സവം സംഘടിപ്പിക്കുക എന്നതാണ് ലക്ഷ്യമെന്നും താമസം, ഭക്ഷണം തുടങ്ങിയവയല്ലാം കൃത്യമായി സജ്ജീകരിക്കാന് നിര്ദ്ദേശം നല്കിയിട്ടുണ്ടെന്നും അദ്ദേഹം കൂട്ടിച്ചേര്ത്തു.
കലോത്സവിലെ സ്വര്ണ്ണക്കപ്പ് തൃശൂരില് ആയതുകൊണ്ട്, ഘോഷയാത്ര തിരുവനന്തപുരത്ത് നിന്നും കാസര്ഗോഡ് നിന്നും തൃശൂരിലേക്ക് എത്തുന്നതായിട്ടാണ് ക്രമീകരിക്കാന് ഉദ്ദേശിക്കുന്നത്. സ്കൂള് കായികമേളയില് ഇത്തവണ പരിഷ്കരിച്ച മാനുവലില് നടക്കുമെന്നും കളരിപ്പയറ്റ് മത്സരത്തില് ഉള്പ്പെടുത്തുമെന്നും മന്ത്രി കൂട്ടിച്ചേര്ത്തു.
