ന്യൂഡല്ഹി: പെഗാസസ് ഫോണ് ചോര്ത്തല് വിവാദത്തില് കേന്ദ്രസര്ക്കാരിന് തിരിച്ചടി. ഫോണ് ചോര്ത്തല് സംബന്ധിച്ച് വിരമിച്ച സുപ്രീംകോടതി ജഡ്ജിയുടെ നേതൃത്വത്തിലുള്ള വിദഗ്ധ സമിതിയുടെ അന്വേഷണത്തിന് സുപ്രീം കോടതി ഉത്തരവിട്ടു. ജസ്റ്റിസ് ആര്.വി രവീന്ദ്രന്റെ നേതൃത്വത്തിലുള്ള സമിതിയാണ് കേസ് അന്വേഷിക്കുകയെന്നും സുപ്രീംകോടതി ചീഫ് ജസ്റ്റിസ് എന്.വി രമണ വിധിപ്രസ്താവത്തില് പറഞ്ഞു.
സുപ്രീംകോടതിയുടെ മേല്നോട്ടത്തിലായിരിക്കും അന്വേഷണം. സാങ്കേതിക വിദഗ്ധരും സമിതിയില് അംഗമായിരിക്കും. എട്ടാഴ്ചയ്ക്ക് ശേഷം ഹര്ജി വീണ്ടും പരിഗണിക്കും. വിദഗ്ധ സമിതി കേന്ദ്ര സര്ക്കാര് രൂപീകരിക്കാമെന്ന ആവശ്യം സുപ്രീംകോടതി തള്ളി.
പെഗാസസ് ഫോണ് ചോര്ത്തല് സംബന്ധിച്ച് സുപ്രീംകോടതിയിലെ സിറ്റിങ് ജഡ്ജിയുടെയോ വിരമിച്ച ജഡ്ജിയുടെയോ മേല്നോട്ടത്തില് അന്വേഷണം വേണമെന്നാവശ്യപ്പെട്ട് മുതിര്ന്ന മാധ്യപ്രവര്ത്തകരായ എന്. റാമും ശശികുമാറും, രാജ്യസഭാംഗമായ ജോണ് ബ്രിട്ടാസും നല്കിയ ഹര്ജിയിലാണ് വിധി.
Photo Credit: Twitter
