കൊച്ചി: മുഖ്യമന്ത്രി പിണറായി വിജയനെതിരെ അന്വേഷണത്തിന്
എറണാകുളം ചീഫ് ജുഡീഷ്യല് മജിസ്ട്രേറ്റ് കോടതി ഉത്തരവിട്ടു. നവകേരള സദസ്സിലെ രക്ഷാപ്രവര്ത്തന പരാമര്ശത്തിലാണ് അന്വേഷണം. എറണാകുളം സെന്ട്രല് പൊലീസ് അന്വേഷിച്ച് റിപ്പോര്ട്ട് നല്കാനും കോടതി നിര്ദേശിച്ചു. എറണാകുളം ഡി,സി,സി പ്രസിഡന്റ് മുഹമ്മദ് ഷിയാസിന്റെ സ്വകാര്യ ഹര്ജിയിലാണ് കോടതി ഉത്തരവ്.
യൂത്ത് കോണ്ഗ്രസ് പ്രവര്ത്തകരെ പൊലീസ് ആക്രമിച്ചത് രക്ഷാപ്രവര്ത്തനമാണെന്ന നവകേരള സദസിലെ വിവാദ പ്രസംഗവുമായി ബന്ധപ്പെട്ടാണ് അന്വേഷണം പ്രഖ്യാപിച്ചിരിക്കുന്നത്. രക്ഷാ പ്രവര്ത്തനം തുടരാമെന്നത് കുറ്റകൃത്യത്തിനുള്ള പ്രേരണയായെന്ന പരാതിയില് എറണാകുളം സെന്ട്രല് പൊലീസ് അന്വേഷിച്ച് റിപ്പോര്ട്ട് നല്കണമെന്നും കോടതി വ്യക്തമാക്കി.
