കൊച്ചി: അങ്കമാലിയില് വിദ്യാര്ഥിനിയുടെ മരണത്തിന് ഇടയാക്കിയ വാഹനമോടിച്ച പ്രതി സിറിയക് പി. ജോര്ജ് അറസ്റ്റിൽ. പിതാവ് ജോര്ജ് തോമസിനെ പോലീസ് നേരത്തേ അറസ്റ്റ് ചെയ്തിരുന്നു . പ്രതിയായ മകനെ ഒളിപ്പിച്ച കുറ്റത്തിനാണ് അങ്കമാലി പോലീസ് ജോര്ജ് തോമസിനെ അറസ്റ്റ് ചെയ്തത്. ലുക്ക് ഔട്ട് നോട്ടീസ് പുറപ്പെടുവിച്ചെങ്കിലും സിറിയക് ഒളിവിലായിരുന്നു. അപകടം നടന്ന ആറ് ദിവസം കഴിഞ്ഞിട്ടും പ്രതിയെ പിടികൂടാന് പോലീസിന് സാധിച്ചിരുന്നില്ല . ഇതിനിടെ കോട്ടയം സെഷന്സ് കോടതിയില് പ്രതി മുന്കൂര് ജാമ്യാപേക്ഷ നല്കിയിരുന്നു. ഫെബ്രുവരി 28ന് ആയിരുന്നു അങ്കമാലി ഹോം സയന്സ് കോളജിന് സമീപത്തുവച്ച് ജാസ്ലിയയെ വാഹനമിടിച്ചത്. പഠനത്തോടൊപ്പം പാര്ട്ട് ടൈം ജോലി ചെയ്തിരുന്ന ജാസ്ലിയ ജോലി കഴിഞ്ഞ് മടങ്ങുന്നതിനിടെയാണ് അപകടത്തില്പെട്ടത്.
ജാസ്ലിയയുടെ മരണം: പ്രതി സിറിയക്ക് അറസ്റ്റിൽ
