തിരുവനന്തപുരം: വഞ്ചിയൂരില് ജൂനിയര് അഭിഭാഷകയെ ക്രൂരമായി മര്ദ്ദിച്ച സംഭവത്തില് പ്രതിയായ സീനിയര് അഭിഭാഷകന് ബെയ്ലിന് ദാസ് പിടിയില്. തിരുവനന്തപുരം സ്റ്റേഷന് കടവില് നിന്നാണ് ഇയാളെ പൊലീസ് പിടികൂടിയത്. കാറില് സഞ്ചരിക്കുന്നതിനിടെ ബെയ്ലിന് ദാസിനെ തുമ്പ പൊലീസ് കസ്റ്റഡിയിലെടുത്തത്. മുന്കൂര് ജാമ്യാപേക്ഷയ്ക്ക് ശ്രമിക്കുന്നതിനിടെയാണ് പ്രതി പിടിയിലാകുന്നത്.
തിരുവനന്തപുരം സെഷന്സ് കോടതിയിലാണ് ബെയ്ലിന് ദാസ് ജാമ്യാപേക്ഷ നല്കിയത്. തനിക്കെതിരെ ചുമത്തിയ വകുപ്പുകള് നിലനില്ക്കുന്നില്ലെന്നാണ് മുന്കൂര് ജാമ്യാപേക്ഷയിലെ വാദം. ജൂനിയര് അഭിഭാഷകയെ മാറ്റാന് താന് ആവശ്യപ്പെട്ടപ്പോള് പ്രകോപിതനായി ആക്രമിച്ചുവെന്നാണ് പരാതിക്കാരി ബാര് കൗണ്സിലിന് നല്കിയ പരാതി.
