Local News

കൊച്ചി: മഹീന്ദ്ര ആൻഡ് മഹീന്ദ്രയുടെ ഡിവിഷനായ മഹീന്ദ്ര ലാസ്റ്റ് മൈൽ മൊബിലിറ്റി (എൽ എം എം) 2023-ൽ നമ്പർ 1 ഇലക്ട്രിക് 3 വീലർ നിർമ്മാതാവ്  സ്ഥാനത്തേക്ക്.  ഈ കാലയളവിൽ  മഹീന്ദ്ര ലാസ്റ്റ് മൈൽ മൊബിലിറ്റി 36816 ഇലക്ട്രിക്ക് വാഹനങ്ങൾ വിറ്റഴിച്ച് 14.6 % വിപണി  വിഹിതം നേടി. ഇത് 2022 സാമ്പത്തിക വർഷത്തിലെ 17 522 യൂണിറ്റുകളുടെ വിൽപ്പനയിൽ  നിന്നും  7.6% വിപണി വിഹിതത്തോടെ ഉയർന്നു. ഇന്ത്യയിലുടനീളമുള്ള വ്യാപകമായ 1150  ടച്ച് പോയിന്റുകളും 10,000+ ചാർജിംഗ് സ്റ്റേഷനുകളും മഹീന്ദ്രയുടെ  വിശ്വാസ്യതയും മഹീന്ദ്ര ലാസ്റ്റ് മൈൽ മൊബിലിറ്റി  ഒന്നാം സ്ഥാനത്തേക്ക് എത്തിക്കാനും സഹായിച്ചു. 2023-ൽ,മഹീന്ദ്ര ലാസ്റ്റ് മൈൽ മൊബിലിറ്റി പവർ-പാക്ക്ഡ് ത്രീ വീലറായ  സോർ ഗ്രാൻഡ്  ലോഞ്ച്  ചെയ്തു, ഇത് ലോഞ്ച് ചെയ്ത് ഒരു വർഷത്തിനുള്ളിൽ 23 000-ത്തിലധികം ഓർഡറുകൾ  നേടാനും  കഴിഞ്ഞു. സോർ ഗ്രാൻഡിന് പുറമെ  ഇലക്ട്രിക് പോർട്ട്ഫോളിയോയിൽ  ട്രിയോ  ശ്രേണിയിലുള്ള വാഹനങ്ങളും അൽഫാ  – മിനി & കാർഗോ എന്നിവയും ഉൾപ്പെടുന്നു.

കൊച്ചി: ആദിത്യ ബിർള ഗ്രൂപ്പ് ഏകദേശം 5000 കോടി രൂപ മുതൽമുടക്കിൽ ബ്രാൻഡഡ് ജ്വല്ലറി റീട്ടെയിൽ ബിസിനസിലേക്ക് കടക്കാൻ ഒരുങ്ങുന്നു. നോവൽ ജ്വല്ലറി ലിമിറ്റഡ് എന്ന പേരിലുള്ള പുതിയ സംരംഭം ഇൻ-ഹൗസ് ജ്വല്ലറി ബ്രാൻഡുകൾ ലഭ്യമാകുന്ന ലാർജ് ഫോർമാറ്റ് എക്സ്ക്ലൂസീവ് ജ്വല്ലറി റീട്ടെയിൽ സ്റ്റോറുകൾ ഇന്ത്യയിലുടനീളം സ്ഥാപിക്കും. അതുല്യമായ ഡിസൈനുകളും ശക്തമായ പ്രാദേശിക രുചിയുമുള്ള ശക്തമായ ഒരു ദേശീയ ബ്രാൻഡ് സൃഷ്ടിച്ച് ഉപഭോക്തൃ അനുഭവത്തെ പരിവർത്തനം ചെയ്യാൻ പുതിയ സംരംഭം ശ്രമിക്കും. കഴിഞ്ഞ രണ്ട് വർഷത്തിനുള്ളിൽ, പെയിന്‍റുകൾ, …

ആദിത്യ ബിർള ഗ്രൂപ്പ് ബ്രാൻഡഡ് ജ്വല്ലറി റീട്ടെയിൽ ബിസിനസിലേക്ക് Read More »

കൊച്ചി: സോണി ഇന്ത്യ തങ്ങളുടെ ഏറ്റവും പുതിയ ഡോള്‍ബി അറ്റ്‌മോസ് സൗണ്ട്ബാര്‍ എച്ച്ടി-എസ്2000 അവതരിപ്പിച്ചു. മികച്ച ബാസിനൊപ്പം, വെര്‍ട്ടിക്കല്‍ സറൗണ്ട് എഞ്ചിന്‍, എസ്-ഫോഴ്‌സ് പ്രോ ഫ്രണ്ട് സറൗണ്ട് എന്നിവയിലൂടെ, സിനിമാറ്റിക് സറൗണ്ട് സൗണ്ട് അനുഭവമാണ് ഈ 5.11 ചാനല്‍ ഡോള്‍ബി അറ്റ്‌മോസ്/ ഡിടിഎസ്:എക്‌സ് സൗണ്ട്ബാര്‍ നല്‍കുക.  സ്റ്റീരിയോ കണ്ടന്റ് പ്ലേ ചെയ്യുമ്പോള്‍ പോലും പുതുതായി വികസിപ്പിച്ച അപ്മിക്‌സറിലൂടെ ത്രിമാന സറൗണ്ട് സൗണ്ട് അനുഭവിക്കാനാവും. സെന്റര്‍ സ്പീക്കര്‍ വ്യക്തമായ സംഭാഷണം ഉറപ്പാക്കുമ്പോള്‍, ബില്‍റ്റ് ഇന്‍ ഡ്യുവല്‍ സബ്‌വൂഫര്‍ ആഴത്തിലുള്ള ബാസും നല്‍കുന്നു. സോണിയുടെ പുതിയ ഹോം എന്റര്‍ടൈന്‍മെന്റ് കണക്ട് ആപ്പിന് (എച്ച്ഇസി) അനുയോജ്യമായ ആദ്യത്തെ ഡിവൈസ് കൂടിയാണ് ഈ സൗണ്ട്ബാര്‍. ഓപ്ഷണല്‍ സബ് വൂഫര്‍, റിയര്‍ സ്പീക്കര്‍ ഫീച്ചറുകള്‍ ഉപയോഗിച്ച് ഹോം സിനിമാ എക്‌സ്പീരിയന്‍സും ഉപഭോക്താക്കള്‍ക്ക് ഉയര്‍ത്താം. എച്ച്ഡിഎംഐ, ഒപ്റ്റിക്കല്‍ കണക്റ്റിവിറ്റി എന്നിവയ്‌ക്കൊപ്പം എളുപ്പമുള്ള സജ്ജീകരണവും പ്രവര്‍ത്തനവും, പുതിയ റിമോട്ട് കണ്‍ട്രോള്‍, പരിസ്ഥിതിയെ മനസില്‍ കൊണ്ടുള്ള നിര്‍മിതി എന്നിവയാണ് പുതിയ ഡോള്‍ബി അറ്റ്‌മോസ് സൗണ്ട്ബാറിന്റെ മറ്റു സവിശേഷതകള്‍. 2023 ജൂണ്‍ 9 മുതല്‍ സോണി റീട്ടെയില്‍ സ്‌റ്റോറുകള്‍ (സോണി സെന്റര്‍, സോണി എക്‌സ്‌ക്ലൂസീവ്), www.ShopatSC.com പോര്‍ട്ടല്‍, പ്രമുഖ ഇലക്ട്രോണിക് സ്‌റ്റോറുകള്‍, മറ്റു ഇ-കൊമേഴ്‌സ് വെബ്‌സൈറ്റുകള്‍ എന്നിവയിലൂടെ എച്ച്ടി-എസ്2000 വില്‍പനക്ക് ലഭ്യമാവും. 42,990 രൂപയാണ് വില. സൗണ്ട്ബാറും സബ്‌വൂഫറും ഉള്ള റിയര്‍ സ്പീക്കര്‍ കൂടി വാങ്ങുമ്പോള്‍ ഉപഭോക്താക്കള്‍ക്ക് 14,990 രൂപ ഇളവ് ലഭിക്കും. കൂടാതെ ബ്രാവിയയുടെ 43 ഇഞ്ചും അതിനും മുകളിലുള്ള ടെലിവിഷനുകള്‍ക്കൊപ്പം എച്ച്ടി-എസ്2000 വാങ്ങുമ്പോള്‍ 4,000 രൂപയുടെ അധിക കിഴിവും ലഭിക്കും.

കൊച്ചി: അന്താരാഷ്ട്ര യാത്രക്കാര്‍ക്ക് വേണ്ടി വി യഥാര്‍ത്ഥ അണ്‍ലിമിറ്റഡ് ഡാറ്റയും കോളുകളുമാണ് തങ്ങളുടെ അന്താരാഷ്ട്ര റോമിങ് പ്ലാനുകളില്‍ ലഭ്യമാക്കുന്നത്. എവിടെ പോയാലും ഏറ്റവും മികച്ച കണക്ടിവിറ്റിയും ഇതിലൂടെ സാധ്യമാക്കുന്നു. യഥാര്‍ത്ഥ അണ്‍ലിമിറ്റഡ് ഡാറ്റയും കോളുകളും സൗജന്യ ഇന്‍ കമിങ് കോളുകളും സവിശേഷമായ കസ്റ്റമര്‍ സര്‍വീസും വഴി അന്താരാഷ്ട്ര റോമിങില്‍ അണ്‍ലിമിറ്റഡ് നേട്ടങ്ങള്‍ നല്‍കുന്ന ഏക സേവനദാതാവ് വി മാത്രമാണ്.  ഇതിനു പുറമെ ഏറ്റവും മികച്ച സ്ട്രീമിങ് അനുഭവങ്ങള്‍ ലഭ്യമാക്കുകയും ചെയ്യുന്നു. വി ഉപഭോക്താക്കള്‍ എവിടെ യാത്ര ചെയ്താലും തടസങ്ങളില്ലാത്ത കണക്ടിവിറ്റി ഉറപ്പാക്കാനായി ഏറ്റവും മികച്ച ആഗോള സേവന ദാതാക്കളുമായി വി സഹകരണത്തില്‍ ഏര്‍പ്പെട്ടിട്ടുണ്ട്. വി പോസ്റ്റ് പെയ്ഡ് റോമിങ് പ്ലാനുകളിലെ ‘ഓള്‍വെയ്സ് ഓണ്‍’ എന്ന സംവിധാനം വഴി ഉപഭോക്താക്കള്‍ക്ക് അന്താരാഷ്ട്ര റോമിങിനിടെ പ്ലാന്‍ സബ്സ്ക്രിപ്ഷന്‍ കാലാവധി കഴിഞ്ഞാലും ഉയര്‍ന്ന നിരക്കുകള്‍ ചാര്‍ജു ചെയ്യപ്പെടുന്നില്ല എന്ന് ഉറപ്പാക്കുന്നു.

കൊച്ചി: യുടിഐ മ്യൂച്വല്‍ ഫണ്ട് (യുടിഐ) എസ്&പി  ബിഎസ്ഇ ഹൗസിങ്  ടോട്ടല്‍ റിട്ടേണ്‍  ഇന്‍ഡക്സിനെ (ടിആര്‍ഐ) പിന്തുടരുന്നതും പ്രതിഫലിപ്പിക്കുകയും ചെയ്യുന്ന ‘യുടിഐ എസ്&പി ബിഎസ്ഇ ഹൗസിങ് ഇന്‍ഡക്സ് ഫണ്ട്’ എന്ന  പുതിയ ഓപ്പണ്‍ എന്‍ഡഡ് സ്കീം അവതരിപ്പിച്ചു. പുതിയ ഫണ്ട് ഓഫര്‍ 2023 ജൂണ്‍ 5-ന് അവസാനിക്കും. ജൂണ്‍ 9 മുതല്‍  സബ്സ്ക്രിപ്ഷനും റിഡംപ്ഷനുമായി സ്കീം വീണ്ടും തുറക്കും. ശര്‍വാന്‍ കുമാര്‍ ഗോയലാണ് ഫണ്ട് മാനേജര്‍.മെച്ചപ്പെട്ട വീടിനായുള്ള ഇന്ത്യക്കാരുടെ വര്‍ദ്ധിച്ചുവരുന്ന ആവശ്യം പ്രയോജനപ്പെടുത്തി നിക്ഷേപകര്‍ക്ക് നേട്ടമുണ്ടാക്കാനാണ് ഈ ഫണ്ടിലൂടെ ലക്ഷ്യമിടുന്നതെന്ന് ശര്‍വാന്‍ കുമാര്‍ ഗോയല്‍ പറഞ്ഞു. ഇന്ത്യയില്‍  താമസിക്കുന്ന വ്യക്തികള്‍, പ്രവാസി ഇന്ത്യക്കാര്‍,  സ്ഥാപനങ്ങള്‍, ബാങ്കുകള്‍, യോഗ്യതയുള്ള ട്രസ്റ്റുകള്‍, ധനകാര്യ സ്ഥാപനങ്ങള്‍, വിദേശ പോര്‍ട്ട്ഫോളിയോ നിക്ഷേപര്‍ (എഫ്പിഐ) എന്നിവര്‍ക്ക് ഈ സ്കീമില്‍ നിക്ഷേപിക്കാം. 5000 രൂപയാണ് കുറഞ്ഞ പ്രാരംഭ നിക്ഷേപത്തുക. തുടര്‍ന്ന് ഒരു രൂപയുടെ ഗുണിതങ്ങളായി നിക്ഷേിക്കാം.