Thrissur-D

തൃശൂര്‍:  മാര്‍ച്ച് മാസം തീരും മുന്‍പേ തൃശൂര്‍ ജില്ല കൊടുംചൂടിലേക്ക്. തൃശൂരിലെ താപനില 40 ഡിഗ്രി സെല്‍ഷ്യസിലെത്തി. മാര്‍ച്ച് മാസത്തില്‍ തൃശൂരില്‍ ഇത്രയും ഉയര്‍ന്ന താപനില ഇതാദ്യമാണ്.10 ജില്ലകളില്‍ യെല്ലോ അലര്‍ട്ട്. പത്തനംതിട്ട 38, കോട്ടയം, എറണാകുളം, കണ്ണൂര്‍ ജില്ലകളില്‍ 37. ശനിയാഴ്ച വരെ ചൂട് തുടരുമെന്ന് മുന്നറിയിപ്പ്. നാല് ജില്ലകളിലാണ് മഴ സാധ്യതയുള്ളത്. കൊല്ലം, ആലപ്പുഴ, കോട്ടയം, എറണാകുളം ജില്ലകളിലാണ് കേന്ദ്ര കാലാവസ്ഥാ വകുപ്പ് മഴ സാധ്യത പ്രവചിച്ചിട്ടുള്ളത്. മാര്‍ച്ച് 27ന് ആലപ്പുഴയിലും എറണാകുളത്തും മാത്രമേ

തൃശൂര്‍: കത്തുന്ന വേനല്‍ച്ചൂടില്‍ ജോലി ചെയ്യുന്ന വഴിയോരക്കച്ചവടക്കാര്‍ക്ക് ബി.ജെ.പി ജില്ലാ കമ്മിറ്റിയുടെ നേതൃത്വത്തില്‍ തണല്‍ക്കുടകള്‍ നല്‍കി. ഇലക്ഷന്‍ പ്രചാരണത്തിന്റെ ഭാഗമായാണ് വഴിയോരവാണിഭക്കാര്‍ക്ക് തണല്‍ക്കുടകള്‍ വിതരണം ചെയ്തത്. ശക്തന്‍ പച്ചക്കറി മാര്‍ക്കറ്റില്‍ ബി.ജെ.പി ജില്ലാ പ്രസിഡണ്ട് അനീഷ്‌കുമാര്‍ തണല്‍ക്കുട വിതരണം ഉദ്ഘാടനം ചെയ്തു.തൃശൂരിലെ ബി.ജെ.പി സ്ഥാനാര്‍ത്ഥി സുരേഷ്‌ഗോപിയുടെ ചിത്രമുള്ള വര്‍ണക്കുടകളാണ് വിതരണം ചെയ്തത്. 

ത്യശ്ശൂര്‍: തൃശൂര്‍ പൂരം എക്‌സിബിഷന്‍ 24ന് ഉദ്ഘാടനം ചെയ്യും. എക്‌സിബിഷന്‍ ഓഡിറ്റോറിയത്തില്‍ വൈകീട്ട് അഞ്ചിന് ദേവസ്വം മന്ത്രി കെ.രാധാകൃഷ്ണന്‍ എക്‌സിബിഷന്‍ ഉദ്ഘാടനം ചെയ്യും. മന്ത്രിമാരായ കെ.രാജന്‍, ഡോ.ബിന്ദു, മേയര്‍ എം.കെ.വര്‍ഗീസ് എം.പി.ടി.എന്‍.പ്രതാപന്‍, എം.എല്‍.എ പി.ബാലചന്ദ്രന്‍, കൊച്ചിന്‍ ദേവസ്വം ബോര്‍ഡ് പ്രസിഡണ്ട് ഡോ.എം.കെ.സുദര്‍ശന്‍ തുടങ്ങിയ പ്രമുഖര്‍ സംബന്ധിക്കും.വടക്കുന്നാഥക്ഷേത്രമൈതാനത്ത് വടക്ക്കിഴക്കേ ഭാഗത്താണ് പ്രദര്‍ശനം. മെയ് 22ന് സമാപിക്കും.  തിരുവമ്പാടി – പാറമേക്കാവ് ദേവസ്വങ്ങളുടെ ആഭിമുഖ്യത്തിലുള്ള 61-ാമത്തെ പ്രദര്‍ശനമാണിത്.ഏപ്രില്‍ 19, 20 തിയതികളിലാണ് ഇക്കൊല്ലത്തെ ത്യശ്ശൂര്‍ പൂരം. 180 പരം സ്റ്റാളുകളും

തൃശൂര്‍: ബി.ജെ.പി സ്ഥാനാര്‍ത്ഥി സുരേഷ്‌ഗോപി കോണ്‍ഗ്രസിലെ മുതിര്‍ന്ന നേതാവും മുന്‍ സ്പീക്കറുമായ തേറമ്പില്‍ രാമകൃഷ്ണന്റെ വീട്ടിലെത്തി.രാവിലെ തിരഞ്ഞെടുപ്പ് പ്രചാരണത്തിനിടയിലാണ് സുരേഷ്‌ഗോപി സൗഹൃദം പുതുക്കാന്‍ തേറമ്പിലിന്റെ അയ്യന്തോളിലെ വസതിയിലെത്തിയത്.താന്‍ വോട്ടു ചോദിച്ചില്ലെന്നും, അനുഗ്രഹം മാത്രമാണ് അഭ്യര്‍ത്ഥിച്ചതെന്നും സുരേഷ്‌ഗോപി പറഞ്ഞു.നേരത്തെ തന്നെ താന്‍ സുരേഷ്‌ഗോപിയുടെ സുഹൃത്താണെന്നും, രാഷ്ട്രീയം സംസാരിച്ചില്ലെന്നും തേറമ്പില്‍ രാമകൃഷ്ണന്‍ പറഞ്ഞു.

തൃശൂര്‍: പഞ്ചറായ ടയര്‍ മാറ്റുന്നതിനിടെ ലോറിയിടിച്ച് ഡ്രൈവര്‍ക്ക് ദാരുണാന്ത്യം.  പട്ടിക്കാട് പിക്കപ്പ് വാനിന്റെ പൊട്ടിയ ടയര്‍ മാറ്റുന്നതിനിടെ പിറകില്‍ ലോറി ഇടിച്ച് ഡ്രൈവര്‍ മരിക്കുകയായിരുന്നു. തമിഴ്‌നാട്ടുകാരനായ എം മോഹന്‍കുമാര്‍ (27) ആണ് മരിച്ചത്. ഇന്ന് പുലര്‍ച്ചെ രണ്ടിനാണ് അപകടമുണ്ടായത്. വാനിന്റെ പൊട്ടിയ ടയര്‍ മാറ്റുന്നതിനിടെ പുറകില്‍ ലോറി ഇടിക്കുകയായിരുന്നു. മോഹന്‍ കുമാര്‍ സംഭവ സ്ഥലത്ത് വെച്ച് തന്നെ മരിച്ചു. ടയര്‍ മാറ്റാന്‍ സഹായിച്ച മറ്റൊരു പിക്കപ്പ് വാന്‍ ഡ്രൈവര്‍ക്ക് പരിക്കേല്‍ക്കുകയും ചെയ്തു. മോഹന്‍കുമാറിന്റെ മൃതദേഹം ആശുപത്രിയിലേക്ക് മാറ്റി.

കൊടുങ്ങല്ലൂര്‍: കൊടുങ്ങല്ലൂരില്‍ വന്‍ കഞ്ചാവ് വേട്ട. ലോറിയില്‍ കടത്തുകയായിരുന്ന നൂറ്റിമുപ്പത് കിലോയോളം കഞ്ചാവ് പിടികൂടി. തൃശൂര്‍ റൂറല്‍ ഡാന്‍സാഫും, കൊടുങ്ങല്ലൂര്‍ പൊലീസും ചേര്‍ന്ന് നടത്തിയ സംയുക്ത പരിശോധനയിലാണ് നാഷ്ണല്‍ പെര്‍മിറ്റ് ലോറിയില്‍ രഹസ്യ അറയില്‍ സൂക്ഷിച്ച കഞ്ചാവ് പിടികൂടിയത്. ലോറിയിലുണ്ടായിരുന്ന അന്തിക്കാട് സ്വദേശികളായ അനുസല്‍, ശരത് എന്നിവരെ പൊലീസ് അറസ്റ്റ് ചെയ്തു. ഇന്ന് പുലര്‍ച്ചെ അഞ്ച് മണിയോടെ തെക്കെ നടയ്്്ക്ക് സമീപമാണ് സംഭവം. രഹസ്യവിവരം ലഭിച്ചതിനെ തുടര്‍ന്ന് നടത്തിയ വാഹന പരിശോധനയിലാണ് ഇടുക്കി റജിസ്‌ട്രേഷനിലുള്ള ലോറി പിടിയിലായത്.

തൃശൂര്‍: ലോക്‌സഭാ തിരഞ്ഞെടുപ്പ് പ്രചാരണത്തിന്റെ ഭാഗമായി പ്രശസ്തരുടെ പിന്തുണ തേടിയ തൃശൂരിലെ സ്ഥാനാര്‍ത്ഥികള്‍ വെട്ടിലായി. കലാമണ്ഡലം ഗോപിയാശാനെ സന്ദര്‍ശിക്കാന്‍ ശ്രമിച്ച ബി.ജെ.പി സ്ഥാനാര്‍ത്ഥി സുരേഷ്‌ഗോപിയും, നടന്‍ ടോവിനോ തോമസിനൊപ്പമുള്ള ഫോട്ടോ ഫെയ്‌സ്ബുക്കിലിട്ട എല്‍.ഡി.എഫ് സ്ഥാനാര്‍ത്ഥി വി.എസ്.സുനില്‍കുമാറുമാണ് വിവാദക്കുരുക്കിലായത്.ഇന്നലെ പൂങ്കുന്നത്ത് സിനിമാ ഷൂട്ടിംഗിന്റെ ചിത്രീകരണത്തിനിടയിലാണ്നടന്‍ ടോവിനോ തോമസിനെ  പ്രചാരണത്തിനിറങ്ങിയ വി.എസ്.സുനില്‍കുമാര്‍ സന്ദര്‍ശിച്ചത്. ടോവിനോയുമൊത്ത് ഫോട്ടോയെടുക്കുകയും ചെയ്തു. ഇരുവരും ചേര്‍ന്നുള്ള ഫോട്ടോ സോഷ്യല്‍ മീഡിയയില്‍ വൈറലായി.ഷൂട്ടിങ് ലൊക്കേഷനിലെത്തി ടൊവിനോയെ കണ്ട് ഫോട്ടോ പങ്കുവച്ചപ്പോള്‍  വിജയാശംസകള്‍ നേര്‍ന്നാണ് ടൊവിനോ തന്നെ യാത്രയാക്കിയതെന്നും

തൃശൂർ: ഡ്രൈവിംഗ് പരിശീലനത്തിൻ്റെ പേരിൽ ഏർപ്പെടുത്തിയ കരിനിയമങ്ങൾക്കെതിരെ ഡൈവിംഗ് സ്കൂൾ ഉടമകൾ പ്രത്യക്ഷ സമരത്തിലേക്ക് സംയുക്ത ഡ്രൈവിംഗ് സ്കൂൾ ഓണേഴ്സ് അസോസിയേഷൻ്റെ നേതൃത്വത്തിൽ പൂതനയുടെ വേഷവുമായി നഗരത്തിൽ പ്രകടനം നടത്തി. സമര പൂതന എന്ന പേരിൽ അയ്യന്തോൾ ചുങ്കത്ത് നിന്ന് തുടക്കിയ പ്രകടനം കളക്ടറേറ്റിന് മുന്നിൽ സമാപിച്ചുധർണ കൗൺസിലർ സി.പി.പോളി ഉദ്ഘാടനം ചെയ്തു പെപ്പിൻ ജോർജ് പ്രതീകാത്മകമായി പൂതനയുടെ വേഷമിട്ടു.

തൃശൂർ: കോർപ്പറേഷനിലെ ലോറികളിലെ കുടിവെള്ള വിതരണത്തിൽ ഒരു കോടിയുടെ അഴിമതിയാരോപിച്ച് കൗൺസിൽ യോഗത്തിൽ പ്രതിപക്ഷ ബഹളം. രാജി ആവശ്വപ്പെട്ട് ഡപ്യൂട്ടി മേയർ എം.എൽ.റോസിയെ യു.ഡി.എഫ്, ബി.ജെ.പി അംഗങ്ങൾ തടഞ്ഞുവെച്ചു. പ്രതിഷേധം ശക്തമായപ്പോൾ ഡപ്യൂട്ടി മേയർ യോഗത്തിൽ നിന്ന് എഴുന്നേറ്റ് പോയി.കുറഞ്ഞ നിരക്ക് ക്വാട്ട് ചെയ്ത കരാറുകാരന് കരാർ നൽകാതെ കൂടിയ തുകയ്ക്ക് കുടിവെള്ള വിതരണത്തിന് അനുമതി നൽകിയ മുൻ മേയർ അജിതാ ജയരാജൻ ഇപ്പോഴത്തെ ഡെപ്യൂട്ടി മേയർ എം എൽ റോസി എന്നിവർക്കെതിരെയുള്ള ഓംബുഡ്സ്മാൻ ശുപാർശ നടപ്പിലാക്കണമെന്ന്

തൃശ്ശൂര്‍ : മഹാശിവരാത്രി ദിനത്തില്‍ നൃത്തനാഥനായ വടക്കുന്നാഥന്റെ സവിധത്തില്‍ നൃത്താഞ്ജലിയായി നൂറ് വനിതകളുടെ നാട്യയോഗ അരങ്ങേറി. മോഹിനിയാട്ടവും, യോഗയും ചേര്‍ന്നുള്ള നാട്യയോഗയില്‍ 4 വയസ്സു തൊട്ട്് 75 വയസ്സുവരെയുള്ളവര്‍ അണിനിരന്നു.നാട്യയോഗയില്‍ എഴുപത്തിയഞ്ചുകാരിയായ സുധടീച്ചറുടെ അമ്മയും, മകളും വേഷമിട്ടതോടെ മൂന്ന് തലമുറകളുടെ അപൂര്‍വസംഗമത്തിനും വടക്കുന്നാഥന്റെ തിരുമുറ്റം വേദിയായി. അന്താരാഷ്ട്രവനിതാദിനവും, ശിവരാത്രിയും ഒന്നിച്ചുവന്ന ധന്യദിനത്തില്‍ നാട്യയോഗ കാണാന്‍ വന്‍തിരക്കായിരുന്നു. തേക്കിന്‍കാട് മൈതാനത്ത് കിഴക്കേഗോപുരനടയില്‍ രാവിലെ അരങ്ങേറിയ നാട്യയോഗ ചിട്ടപ്പെടുത്തിയത്് പേരാമംഗലം ശ്രീദുര്‍ഗാ വിലാസം ഹയര്‍ സെക്കണ്ടറി സ്‌കൂളിലെ അധ്യാപിക എം.