തിരുവനന്തപുരം: പാറശാലയില് അടുത്തിടെ ഉദ്ഘാടനം ചെയ്ത താലൂക്ക് ആശുപത്രിയില് ചികിത്സ കിട്ടാതെ കെഎസ്ഇബി താത്കാലിക ജീവനക്കാരന് മരിച്ചെന്ന് പരാതി. കുഴഞ്ഞുവീണ അമ്പൂരി സ്വദേശി സന്തോഷിനെ ആശുപത്രിയില് എത്തിച്ചപ്പോള് ഓക്സിജന് നല്കാന് പോലും ജീവനക്കാര് ഉണ്ടായിരുന്നില്ല എന്നാണ് ആരോപണം.
ആശുപത്രിയില് നിന്ന് വെറും 100 മീറ്റര് അകലെയാണ് 46 വയസുകാരനായ സന്തോഷ് കെഎസ്ഇബി താത്കാലിക ജീവനക്കാരനായി ജോലി ചെയ്ത് വരുന്നത്. ജോലിക്കിടെ ഇയാള് കുഴഞ്ഞുവീഴുകയും ഉടന് തന്നെ സഹപ്രവര്ത്തകര് ആശുപത്രിയിലേക്ക് കൊണ്ടുവരികയുമായിരുന്നു. വൈകീട്ട് 5 മണിയോടെയാണ് സന്തോഷിനെ ആശുപത്രിയിലേക്ക് കൊണ്ടുവന്നത്. ഓക്സിജന് നല്കാന് പോലും ആളുണ്ടായില്ലെന്നാണ് സന്തോഷിന്റെ സുഹൃത്തുക്കള് ആരോപിക്കുന്നത്.
