ന്യൂയോര്ക്ക്: ബഹിരാകാശ സഞ്ചാരി സുനിത വില്യംസിനെയും സഹയാത്രികന് യൂജിന് ബുച്ച് വില്മോറിനെയും ഉടന് തിരിച്ചെത്തിക്കും. ഇരുവരെയും തിരികെയെത്തിക്കുന്നതിന്റെ ഭാഗമായ സ്പേസ് എക്സ് പേടകം ഡ്രാഗണ് ക്രൂ 10 അന്താരാഷ്ട്ര ബഹിരാകാശ നിലയത്തില് (ഐഎസ്എസ്) എത്തി.
അമേരിക്കന് പ്രാദേശിക സമയം വെള്ളിയാഴ്ച രാത്രി 7.03-ഓടെയാണ് (ഇന്ത്യന് സമയം ശനിയാഴ്ച പുലര്ച്ചെ 4.30-ന്) റോക്കറ്റ് കുതിച്ചുയര്ന്നത്. പേടകത്തില് നാല് ബഹിരാകാശ യാത്രികരാണ് ഉണ്ടായിരുന്നത്. നാസ ബഹിരാകാശയാത്രികരായ ആനി മക്ലെയിന്, നിക്കോള് അയേഴ്സ്, ജാക്സ (ജപ്പാന് എയ്റോസ്പേസ് എക്സ്പ്ലോറേഷന് ഏജന്സി) ബഹിരാകാശയാത്രിക തകുയ ഒനിഷി, റോസ്കോസ്മോസ് ബഹിരാകാശയാത്രികന് കിറില് പെസ്കോവ് എന്നീ നാല് ബഹിരാകാശ സഞ്ചാരികളെയാണ് ദൗത്യത്തിനായി അന്താരാഷ്ട്രാ ബഹിരാകാശ നിലയത്തിലേക്ക് അയച്ചിരിക്കുന്നത്. മാര്ച്ച് 19 ബുധനാഴ്ച ആയിരിക്കും സുനിത വില്യംസും ബുച്ച് വില്മോറും തിരിച്ചെത്തുന്നതെന്നാണ് റിപ്പോര്ട്ട്.
