കൊച്ചി: ബിജെപി നേതാവും ഗുരുവായൂരിലെ എന് ഡി എ സ്ഥാനാര്ഥിയുമായ ബി ഗോപാലകൃഷ്ണന്റെ ‘ഹിന്ദു എം എല് എ’ വിദ്വേഷ പരാമര്ശത്തില് തെരഞ്ഞെടുപ്പ് കമ്മീഷനോട് ചോദ്യങ്ങളുമായി ഹൈക്കോടതി. വിദ്വേഷ പരാമര്ശത്തില് എന്ത് നടപടിയാണ് എടുത്തതെന്ന് ഹൈക്കോടതി ചോദിച്ചു. മാതൃകാ പെരുമാറ്റച്ചട്ടം നിലനില്ക്കെയുള്ള ഇത്തരം പരാമര്ശങ്ങളില് എന്ത് നടപടിയാണ് സ്വീകരിക്കുകയെന്നും ആരാഞ്ഞു. മാതൃക പെരുമാറ്റച്ചട്ടം എന്തിനാണ് എന്ന ചോദ്യവും ഹൈക്കോടതി ഉയര്ത്തി. വിദ്വേഷ പരാമര്ശത്തില് ഇതിനോടകം തന്നെ നടപടികള് ആരംഭിച്ചതായി തെരഞ്ഞെടുപ്പ് കമ്മീഷന് കോടതിയെ അറിയിച്ചു. വിവാദമായ വീഡിയോ സമൂഹമാധ്യമങ്ങളില് നിന്ന് നീക്കം ചെയ്തിട്ടുണ്ടെന്നും കമ്മീഷന് വ്യക്തമാക്കി
ബി ഗോപാലകൃഷ്ണന്റെ വിദ്വേഷ പരാമര്ശത്തില് എന്ത് നടപടിയെടുത്തു? ഹൈക്കോടതി
