റിയാദ്: സൗദി അറേബ്യയില്‍ ദേശീയ എണ്ണ കമ്പനിയായ സൗദി അരാംകോയുടെ ഉടമസ്ഥതയിലുള്ള ഹെലികോപ്റ്റര്‍ തകര്‍ന്നുവീണ് 14 മരണം. മുഴുവന്‍ യാത്രക്കാരും മരിച്ചു. രാവിലെ ആറോടെ റാസ് തനൂറയിലാണ് അപകടമുണ്ടായത്. അപകടത്തില്‍ മരിച്ച 14 പേരും സൗദി പൗരന്മാരാണെന്ന് മന്ത്രാലയം സ്ഥിരീകരിച്ചു.
ഹെലികോപ്റ്റര്‍ തകരാനുണ്ടായ യഥാര്‍ത്ഥ കാരണങ്ങള്‍ കണ്ടെത്താനായി ബന്ധപ്പെട്ട മറ്റ് ഔദ്യോഗിക ഏജന്‍സികളുമായി ചേര്‍ന്ന് ഊര്‍ജ്ജ മന്ത്രാലയം വിശദമായ അന്വേഷണം ആരംഭിച്ചിട്ടുണ്ട്.
