ചെന്നൈ: തമിഴ്നാട്ടില് വിരുദുനഗറിലെ പടക്ക നിര്മാണ ശാലയില് സ്ഫോടനം. 20 പേര് മരിച്ചു. നിരവധി പേര്ക്ക് പരുക്കേറ്റു. വിരുദുനഗര് കട്ടുന്നാര്പട്ടിയിലാണ് അപകടം.
നാല് മുറികളുള്ള കെട്ടിടത്തിലായിരുന്നു പടക്ക നിര്മാണശാല പ്രവര്ത്തിച്ചിരുന്നത്. ഈ നാല് മുറികളും പൂര്ണമായി തകര്ന്നു. നിലവില് രക്ഷാപ്രവര്ത്തനം പുരോഗമിക്കുകയാണ്. ആറ് പേരാണ് ആശുപത്രിയില് ചികിത്സയിലുള്ളത്. പരുക്കേറ്റ പലരുടേയും നില ഗുരുതരമാണെന്നാണ് റിപ്പോര്ട്ടുകള്. അപകടസമയത്ത് 30ലധികം തൊഴിലാളികള് കെട്ടിടത്തിലുണ്ടായിരുന്നുവെന്നാണ് വിവരം. കെട്ടിടത്തിനുള്ളില് ആളുകള് ഇപ്പോഴും കുടുങ്ങിക്കിടക്കുന്നുണ്ടോ എന്നാണ് നിലവിലെ ആശങ്ക.
