തൃശൂര്: ലോക്സഭാ തിരഞ്ഞെടുപ്പില് കേരളത്തില് ഏറ്റവും ശക്തമായ മത്സരം നടക്കുന്ന തൃശൂരില് പൂരം പോലെ നടന്ന കൊട്ടക്കലാശത്തില് ആയിരങ്ങള് അണിനിരന്നു. എം.ഒ. റോഡില് നടന്ന കൊട്ടിക്കലാശത്തില് യു.ഡി.എഫ് സ്ഥാനാര്ത്ഥി കെ.മുരളീധരനും, എല്.ഡി.എഫിലെ വി.എസ്.സുനില്കുമാറും നേര്ക്കുനേര് എത്തിയത് അണികള്ക്ക് ആവേശമായി.
എന്.ഡി.എ സ്ഥാനാര്ത്ഥി സുരേഷ്ഗോപിയും എം.ഒ.റോഡില് നടന്ന കൊട്ടിക്കലാശത്തില് അണികളെ അഭിവാദ്യം ചെയ്തു.
ആറ് മണിക്ക് കൊട്ടിക്കലാശം തീര്ന്നതോടെ പരസ്യ പ്രചാരണത്തിന് തിരശീല വീണു. ഇനി നിശബ്ദ പ്രചാരണത്തിന്റെ മണിക്കൂറുകളിലേക്കാണ് കടക്കാനിരിക്കുന്നത്.
സുരക്ഷാ മുന്കരുതലുകളുടെ ഭാഗമായി തൃശൂര്, തിരുവനന്തപുരം, കാസര്ഗോഡ് ജില്ലകളില് കളക്ടര്മാര് നിരോധനാജ്ഞ പ്രഖ്യാപിച്ചിട്ടുണ്ട്. ഇന്ന് വൈകീട്ട് 6 മണി മുതല് ശനിയാഴ്ച രാവിലെ വരെയാണ് നിരോധനാജ്ഞ.
ഏപ്രില് 26 നു 20 ലോകസഭാ മണ്ഡലങ്ങളിലെയും ജനങ്ങള് വിധിയെഴുതും. വോട്ടെണ്ണല് ജൂണ് 4ന് നടത്തും.
