തൃശൂര്: പേരാമ്പ്രയില് ഷാഫി പറമ്പില് എംപിക്ക്് പോലീസ് ലാത്തിയടിയേറ്റ സംഭവത്തില് പ്രതിഷേധിച്ച് തൃശൂര് നഗരത്തില് യൂത്ത് കോണ്ഗ്രസ് നടത്തിയ മാര്ച്ചില് സംഘര്ഷം. സ്വരാജ് റൗണ്ടില് മുഖ്യമന്ത്രിയുടെയും, ധനമന്ത്രിയുടെയും ഫ്ളക്സ് ബോര്ഡുകള് പ്രവര്ത്തകര് തകര്ക്കാന് ശ്രമിച്ചു. പലയിടത്തും പോലീസും സമരക്കാരും തമ്മില് ഉന്തുംതള്ളുമുണ്ടായി. ജനറല് ആശുപത്രിക്ക് സമീപം വെച്ച് പോലീസ് കയ്യേറ്റം ചെയ്യാന് ശ്രമിച്ചതായും പ്രവര്ത്തകര് ആരോപിച്ചു. പാലസ് റോഡ് അടച്ചതിനാല് കോര്പറേഷന് ഓഫീസിന് മുന്നിലേക്കായിരുന്നു മാര്ച്ച്.
നാളത്തെ പാസിംഗ് ഔട്ട് പരേഡില് പങ്കെടുക്കുന്നതിന്റെ ഭാഗമായി മുഖ്യമന്ത്രി പിണറായി വിജയന് രാമനിലയത്തിലുണ്ട്. പ്രതിഷേധം കണക്കിലെടുത്ത് നഗരത്തിലും പാലസ് റോഡിലും വന് പോലീസ് സന്നാഹത്തെ വിന്യസിച്ചിട്ടുണ്ട്.
