ന്യൂഡല്ഹി: നീറ്റ് പുനഃപരീക്ഷ തീയതി പ്രഖ്യാപിച്ചു. ജൂണ് 21നാണ് പരീക്ഷ നടക്കുക. ചോദ്യപേപ്പര് ചോര്ച്ചയുണ്ടായെന്ന ആരോപണത്തെ തുടര്ന്ന് മേയ് മൂന്നിന് നടന്ന പരീക്ഷ റദ്ദാക്കിയിരുന്നു.
അന്വേഷണ ഏജന്സികള്ക്ക് പുറമെ എന്ടിഎ നടത്തിയ ആഭ്യന്തര അന്വേഷണവും കണക്കിലെടുത്തായിരുന്നു നടപടി. ഏകദേശം 24 ലക്ഷത്തോളം വിദ്യാര്ഥികളാണ് മേയ് മൂന്നിന് നീറ്റ് പരീക്ഷ എഴുതിയത്.
പരീക്ഷ കഴിഞ്ഞ് നാല് ദിവസങ്ങള്ക്ക് ശേഷമാണ് ക്രമക്കേടുകളെക്കുറിച്ചുള്ള വിവരങ്ങള് പുറത്തുവന്നത്. 2026-ലെ നീറ്റ് പരീക്ഷയില് വ്യാപകമായ ക്രമക്കേടുകള് നടന്നെന്ന ആരോപണത്തില് രാജസ്ഥാന് പോലീസിന്റെ സ്പെഷ്യല് ഓപ്പറേഷന്സ് ഗ്രൂപ്പ് അന്വേഷണം ആരംഭിച്ചിരുന്നു. പരീക്ഷയ്ക്ക് മുന്പ് പ്രചരിച്ച ഒരു ചോദ്യപേപ്പറില് നിന്നുള്ള 120 ചോദ്യങ്ങള് യഥാര്ത്ഥ ചോദ്യപേപ്പറിലും വന്നതായാണ് കണ്ടെത്തിയത്.
