കൊച്ചി: തിരുവനന്തപുരം കോര്പറേഷന് കൗണ്സിലറും കാപ്പ കേസ് പ്രതിയുമായ ആര്. സുഗതന് ജയിലില് സത്യപ്രതിജ്ഞ ചെയ്യാമെന്ന് ഹൈക്കോടതി. നാളെ രാവിലെ 11ന് വിയ്യൂര് ജയിലില് പുനഃ സത്യപ്രതിജ്ഞ നടക്കും. ഇതുമായി ബന്ധപ്പെട്ട എല്ലാ സൗകര്യങ്ങളും ഒരുക്കാന് സര്ക്കാരിന് ഹൈക്കോടതി നിര്ദേശം നല്കി. ജസ്റ്റിസ് പി.വി കുഞ്ഞികൃഷ്ണന്റെ ബെഞ്ചാണ് ഹര്ജി പരിഗണിച്ചത്. അംഗീകൃത മാധ്യമപ്രര്ത്തകര്ക്ക് പ്രവേശനാനുമതി നല്കിയിട്ടുണ്ട്.
സുഗതന് സത്യപ്രതിജ്ഞ ചെയ്യാന് കഴിഞ്ഞദിവസം നെടുമങ്ങാട് രണ്ടാം ക്ലാസ്സ് മജിസ്ട്രേറ്റ് കോടതി ഇടക്കാല ജാമ്യം അനുവദിച്ചിരുന്നു. ജൂലൈ 13ന് വൈകിട്ട് അഞ്ച് മണി മുതല് ജൂലൈ 14 രാത്രി 9 മണി വരെയാണ് സത്യപ്രതിജ്ഞ ചെയ്യാന് സമയം അനുവദിച്ചത്.
