തൃശ്ശൂർ : തൃശൂർ കോർപ്പറേഷനിലെ സ്ത്രീകൾക്കും പത്തു വയസ്സിനു താഴെയുള്ള കുട്ടികൾക്കും സൗജന്യമായി യാത്ര ചെയ്യാൻ 10 ഇലക്ട്രിക് പിങ്ക് ബസുകൾ .
കോർപ്പറേഷൻ സേവനങ്ങൾ ഓരോ വീട്ടുമുറ്റത്തും എത്തിക്കുക എന്ന ലക്ഷ്യത്തോടെ വികസിപ്പിച്ചെടുക്കുന്ന കോർപ്പറേഷൻ സർവീസ് @ ഹോം അപ്ലിക്കേഷൻ. ദാരിദ്ര്യ രേഖയ്ക്ക് താഴെയുള്ള കുടുംബങ്ങൾക്ക് സൗജന്യമായി വൈദ്യുതി .50000 ഹയർസെക്കൻഡറി വിദ്യാർത്ഥികൾക്ക് സൗജന്യമായി റിഫർ ബിഷ്ഡ് ലാപ്ടോപ്പുകൾ വിതരണം ചെയ്യും. കോർപ്പറേഷൻ പരിധിയിലെ 56 വാർഡുകളിൽ പത്തു വീതം സ്റ്റാർട്ടപ്പുകൾ കോഴിക്കോട് ഐ ഐ എമ്മുമായി കൂടിച്ചേർന്ന് 560 സ്റ്റാർട്ട് പ്രൊജക്ടുകൾ വികസിപ്പിച്ചെടുക്കും.
എൻഡിഎ തൃശ്ശൂർ കോർപ്പറേഷൻ വികസനരേഖ കേന്ദ്ര മന്ത്രി സുരേഷ് ഗോപി പ്രകാശനം ചെയ്തു. ബിജെപി സിറ്റി ജില്ലാ പ്രസിഡന്റ് ജസ്റ്റിൻ ജേക്കബ് അധ്യക്ഷത വഹിച്ചു
വികസനരേഖ വീഡിയോ പ്രകാശനം ബിഡിജെഎസ് സംസ്ഥാന പ്രസിഡന്റ് തുഷാർ വെള്ളാപ്പള്ളി നിർവഹിച്ചു. ചടങ്ങിൽ ബിജെപി സംസ്ഥാന ജനറൽ സെക്രട്ടറി മാരായ ശ്രീമതി ശോഭ സുരേന്ദ്രൻ, എം ടി രമേശ്‌, ബിജെപി സംസ്ഥാന വൈസ് പ്രസിഡന്റ് അഡ്വ. ബി ഗോപാലകൃഷ്ണൻ, എൻഡിഎ വൈസ് ചെയർമാൻ എ എൻ രാധാകൃഷ്ണൻ, ബി ഡി ജെ എസ് ജില്ലാ പ്രസിഡന്റ് അതുല്യ ഘോഷ്, മേഖലാ പ്രസിഡന്റ് എ നാഗേഷ്, ജില്ലാ ജനറൽ സെക്രട്ടറിഅഡ്വ. കെ ആർ ഹരി എന്നിവർ പ്രസംഗിച്ചു
പ്രശസ്ത സംഗീത സംവിധായകൻ വിദ്യാധരൻ മാസ്റ്റർ, ശ്രീ ശരത്ത് കൃഷ്ണ, ഗീതാമ്മ, ശ്രീ സദാനന്ദൻ, ഡോ. വർഗീസ് ജയിംസ്, ഡോ. വിജയ കുമാർ, അഡ്വ. ഈശ്വരൻ എന്നിവർ വികസന രേഖ
ഏറ്റുവാങ്ങി. ബിജെപി ജില്ലാ വൈസ് പ്രസിഡണ്ട് ഡോ. വി ആതിര, സുധീഷ് മേനോത്തു പറമ്പിൽ, ജില്ലാ ട്രഷറർ വിജയൻമേപ്രത്, പ്രിന്റ്റു മഹാദേവ്, നേതൃത്വം നൽകി. എൻഡിഎ കോർപ്പറേഷൻ സ്ഥാനാർത്ഥികളും ചടങ്ങിൽ പങ്കെടുത്തു
