കൊച്ചി: നടിയെ ആക്രമിച്ച കേസില് വിധി പറഞ്ഞ ജസ്റ്റീസ് ഹണി എം. വര്ഗീസ് ഉള്പ്പെടെ അഞ്ച് പ്രിന്സിപ്പല് ജില്ലാ ജഡ്ജിമാരെ ഹൈക്കോടതി ജഡ്ജിമാരാക്കാന് ഹൈക്കോടതി കൊളീജിയത്തിന്റെ ശിപാര്ശ.
നിലവില് ആലപ്പുഴ പ്രിന്സിപ്പല് സെഷന്സ് കോടതി ജഡ്ജിയാണ് ഹണി എം. വര്ഗീസ്. സീനിയോറിറ്റി അടിസ്ഥാനത്തിലാണ് ശിപാര്ശ ചെയ്തിരിക്കുന്നത്. ശിപാര്ശ സുപ്രീംകോടതി കൊളീജിയമാണ് ഇനി പരിഗണനയ്ക്ക് എടുക്കുക. തുടര്ന്ന് കേന്ദ്രനിയമമന്ത്രാലയത്തിന് നല്കും. അത് രാഷ്ട്രപതിക്ക് കൈമാറും. രാഷ്ട്രപതി അന്തിമ തീരുമാനം കൈകൊള്ളും.
ഹണിയെ കൂടാതെ തൃശൂര് പ്രിന്സിപ്പല് സെഷന്സ് ജഡ്ജി പി.എസ്. ശശികുമാര്, എറണാകുളം പ്രിന്സിപ്പല് സെഷന്സ് ജഡ്ജി കെ.കെ. ബാലകൃഷ്ണന്, പത്തംനതിട്ട പ്രിന്സിപ്പല് സെഷന്സ് ജഡ്ജി ഹരികുമാര്, തിരുവനന്തപുരം പ്രിന്സിപ്പല് സെഷന്സ് ജഡ്ജി എസ്. നസീര് എന്നിവരെയാണ് ശിപാര്ശ ചെയ്തത്.
