മുംബൈ: രാജ്യത്തെ വാണിജ്യ പാചക വാതക സിലിണ്ടറുകളുടെ വില കൂട്ടി. 993 രൂപയുടെ വര്ധനവാണ് ഉണ്ടായിരിക്കുന്നത്. ഡല്ഹിയില് 19 കിലോ വാണിജ്യ സിലിണ്ടറിന്റെ വില 3071. 50 രൂപയായി ഉയര്ന്നതായാണ് റിപ്പോര്ട്ട്. പശ്ചിമേഷ്യന് സംഘര്ഷങ്ങളുടെ പശ്ചാത്തലത്തിലാണ് ഈ വില വര്ധനവ്. ഗാര്ഹിക സിലിണ്ടറുകളുടെ വിലയില് ഇപ്പോള് മാറ്റമില്ല. പശ്ചിമേഷ്യന് സംഘര്ഷം തുടങ്ങിയ ശേഷം ഇത് മൂന്നാം തവണയാണ് വാണിജ്യ സിലിണ്ടറിന്റെ വില വര്ധിക്കുന്നത്. മാര്ച്ച് മാസത്തില് വാണിജ്യ സിലിണ്ടറിന് 100 രൂപയാണ് കൂട്ടിയിരുന്നത്. പിന്നാലെ ഏപ്രിലില് 200 രൂപയും കൂട്ടി.
വാണിജ്യ സിലിണ്ടറുകളുടെ വില 993 രൂപ വര്ധിപ്പിച്ചു
