Thrissur-D

തൃശൂര്‍: സൊഹെയ്‌സ്, സിയാസ്, കെസ്‌വെ എന്നീ കര്‍ഷകസംഘടനകളുടെ നേതൃത്വത്തില്‍ ലോകവദനആരോഗ്യദിനം ആചരിച്ചു. ചെമ്പൂക്കാവ് മിനി സിവില്‍ സ്റ്റേഷന്‍ ഹാളില്‍ നടന്ന ചടങ്ങ് മേയര്‍ എം.കെ.വര്‍ഗീസ് ഉദ്ഘാടനം ചെയ്തു. ആരോഗ്യ സര്‍വേയില്‍ കേരളത്തില്‍ ഏറ്റവും കൂടുതല്‍ കാന്‍സര്‍ രോഗികള്‍ തൃശൂരിലാണെന്ന് മേയര്‍ ഉദ്ഘാടന പ്രസംഗത്തില്‍ ചൂണ്ടിക്കാട്ടി. പരിസ്ഥിതി മാറിയതു പോലെ നമ്മുടെ ഭക്ഷണരീതിയും മാറി. പ്രതിരോധശേഷി കുറഞ്ഞതോടെ മാറാരോഗങ്ങള്‍ വ്യാപകമായിത്തുടങ്ങിയെന്നും അദ്ദേഹം പറഞ്ഞു. മണ്ണിനെ സ്‌നേഹിക്കാനും, സംരക്ഷിക്കുവാനും പുതിയ തലമുറയെക്കൂടി ബോധവത്കരിക്കേണ്ടതുണ്ടെന്നും അദ്ദേഹം ഓര്‍മ്മിപ്പിച്ചു.ഇന്ത്യന്‍ ഡെന്റല്‍ അസോസിയേഷന്‍ നേതൃത്വത്തില്‍

തൃശൂര്‍: കേരളീയര്‍ക്ക് സൗന്ദര്യബോധം കുറവെന്ന് വടക്കേച്ചിറ സ്ട്രീറ്റ് ഫെസ്റ്റില്‍ മുഖ്യാതിഥിയായി പങ്കെടുത്ത ചലച്ചിത്ര സംവിധായകന്‍ സത്യന്‍ അന്തിക്കാട് അഭിപ്രായപ്പെട്ടു. അതിമനോഹരമായ വടക്കേച്ചിറയുടെ സൗന്ദര്യത്തിന് അടിവരയിടുന്ന പരിപാടിയാണ് വടക്കേച്ചിറ സ്ട്രീറ്റ് ഫെസ്റ്റെന്നും അദ്ദേഹം പറഞ്ഞു. നമ്മുടെ നാടിന്റെ സൗന്ദര്യത്തെ വീണ്ടെടുക്കലാണിതെന്നും, ഇതൊരു തുടക്കമാകട്ടെയെന്നും അദ്ദേഹം പറഞ്ഞു.കേരളത്തിന്റെ പ്രകൃതി ഭംഗിയും മനോഹാരിതയും കണ്ടെത്താന്‍ പലപ്പോഴും നമുക്ക് സാധിക്കാറില്ല.  തൃശൂരിലുള്ളവര്‍ ഇവിടെയുള്ള പ്രകൃതിരമണീയമായ പ്രദേശങ്ങളുടെ പ്രാധാന്യം മനസ്സിലാക്കിയിട്ടില്ല. വളരെ മനോഹരമായ സ്ഥലങ്ങള്‍ കേരളത്തിലുണ്ടെന്നും, അവ തന്റെ സിനിമകളില്‍ ചിത്രീകരിക്കാറുണ്ടെന്നും അദ്ദേഹം പറഞ്ഞു.

തൃശൂര്‍: ചേര്‍പ്പില്‍ നടന്ന സദാചാരക്കൊലക്കേസില്‍ നാല് പ്രതികള്‍ പോലീസിന്റെ വലയിലായി. പ്രതികളായ അരുണ്‍, അമീര്‍, നിരഞ്ജന്‍, സുഹൈല്‍ എന്നിവരാണ് പിടിയിലായത്. ഇവര്‍ നാല് പേരും ചേര്‍പ്പ് സ്വദേശികളാണ്.ഉത്തരാഖണ്ഡില്‍ നിന്നാണ് പ്രത്യേക അന്വേഷണ സംഘം നാല് പേരെയും പിടികൂടിയത്. ഇനി അഞ്ച് പ്രതികളെ കൂടി പിടികൂടാനുണ്ട്. ഒന്നാം പ്രതി രാഹുല്‍ വിദേശത്താണ്.മാര്‍ച്ച് 7നായിരുന്നു ചേര്‍പ്പിലെ തിരുവാണിക്കാവില്‍ സദാചാര ഗുണ്ടാ ആക്രമണത്തിനിരയായ ബസ് ഡ്രൈവര്‍  ചിറയ്ക്കല്‍ കോട്ടം മമ്മസ്രയില്ലത്ത് ഷംസുദ്ദീന്റെ മകന്‍ സഹര്‍(32) ചികിത്സയിലിരിക്കേ മരിച്ചത്. തൃശ്ശൂര്‍-തൃപ്രയാര്‍ റൂട്ടിലോടുന്ന സ്വകാര്യബസിലെ

വടക്കാഞ്ചേരി: കുണ്ടന്നൂരില്‍ സ്‌ഫോടനത്തില്‍ തകര്‍ന്ന വെടിക്കെട്ടുപുരയിലെ (മാഗസിന്‍) കരിമരുന്നും അമിട്ടുകളും അടക്കമുള്ള വെടിക്കെട്ടുസാമഗ്രികളെല്ലാം നിര്‍വീര്യമാക്കി. രാവിലെ മാഗസിന്‍ തുറന്ന് ചാക്കുകളില്‍ നിറച്ചുവെച്ചിരുന്ന കരിമരുന്നും തിരികളും ആദ്യം സുരക്ഷിതമായി പുറത്തെത്തിച്ചു. അവ അളന്നു തിട്ടപ്പെടുത്തിയ ശേഷം മുട്ടിക്കല്‍ കുന്നിലെ വിജനമായ ക്വാറിയില്‍ എത്തിച്ചാണ് നിര്‍വീര്യമാക്കിയത്.ആയിരത്തോളം കിലോ കരിമരുന്ന് തിരികള്‍ ഉപയോഗിച്ച് കത്തിച്ചു. പിന്നീട് ബോള്‍ അമിട്ടുകളും നിര്‍വീര്യമാക്കി. കരിമരുന്ന് മിശ്രിതം അടങ്ങിയ സാമഗ്രികള്‍ കത്തിച്ചു. ഇത്തവണ കത്തിച്ചപ്പോള്‍ അന്‍പത് മീറ്ററോളം തീ ആളിക്കത്തി. ഇതിനിടെ സമീപത്തെ പുല്ലിലേക്കും തീപടര്‍ന്നെങ്കിലും

തൃശൂര്‍: ആരോഗ്യപ്രവര്‍ത്തകര്‍ക്ക് നേരെയുള്ള ആക്രമണങ്ങള്‍ക്കെതിരെ ജില്ലയില്‍ ഡോക്ടര്‍മാര്‍ നടത്തിയ സമരം പൂര്‍ണം. സ്വകാര്യ മേഖലയില്‍ അടക്കം അത്യാഹിത വിഭാഗം മാത്രം പ്രവര്‍ത്തിച്ചു. സമരം അറിയാതെ ചികിത്സയ്‌ക്കെത്തിയ രോഗികള്‍ വലഞ്ഞു.സംസ്ഥാനവ്യാപകമായി ഇന്ത്യന്‍ മെഡിക്കല്‍ അസോസിയേഷന്‍ നടത്തിയ സമരത്തിന്റെ ഭാഗമായാണ് തൃശ്ശൂര്‍ ജില്ലയിലെ സര്‍ക്കാര്‍, സ്വകാര്യ മേഖലകളിലെ ഡോക്ടര്‍മാര്‍ സമരത്തിനിറങ്ങിയത്. ഡോക്ടര്‍മാര്‍  ഒ.പി ബഹിഷ്‌കരിച്ചു 12 മണിക്കൂറാണ് പണിമുടക്ക്.ജൂബിലി മെഡിക്കല്‍ കോളേജില്‍ നിന്നും ആരംഭിച്ച പ്രതിഷേധ മാര്‍ച്ച് ഐ.എം.എയുടെ സംസ്ഥാന വൈസ് പ്രസിഡന്റ് ഡോ. ജോസണ്‍ വര്ഗീസ് ഉദ്ഘാടനം ചെയ്തു.ഡോ

തൃശൂര്‍: വേനല്‍ കടുത്തതോടെ നഗരത്തില്‍ കുടിവെള്ളക്ഷാമം വ്യാപകം. വിയ്യൂര്‍, വടൂക്കര, കൂര്‍ക്കഞ്ചേരി, നെല്ലങ്കര, മണ്ണുത്തി തുടങ്ങി നഗരത്തിലെ പല ഭാഗത്തും കുടിവെള്ളം കിട്ടാക്കനിയായി. ടാങ്കര്‍ ലോറികളില്‍ ജലവിതരണം തുടങ്ങാന്‍ വൈകുന്നത് മൂലം പ്രദേശവാസികള്‍ കുടിവെള്ളത്തിനായി നെട്ടോട്ടമോടുന്നു. കോര്‍പറേഷന്‍ അധികൃതരുടെ അലംഭാവം മൂലം ഇത്തവണ കുടിവെള്ളക്ഷാമം കൂടുതല്‍ രൂക്ഷമാകാന്‍ സാധ്യതയുണ്ടെന്നാണ് റിപ്പോര്‍ട്ട്. ജലക്ഷാമം നേരിടുന്ന പ്രദേശങ്ങളില്‍ ടാങ്കര്‍ ലോറികളില്‍ കുടിവെള്ള വിതരണം നടത്തുകയാണ് പതിവ്. എന്നാല്‍ കുടിവെള്ളമെടുക്കുന്ന ജലസ്രോതസ്സുകള്‍ പലതും മലിനമായിക്കിടക്കുന്നു. കുടിവെള്ളമെടുക്കുന്നതിന് ഏറ്റവും കൂടുതല്‍ ആശ്രയിക്കുന്ന തൃശൂര്‍

 കുഞ്ഞിന് സംസാര ശേഷി സംബന്ധിച്ച് പ്രശ്‌നങ്ങള്‍ ഉണ്ടായിരുന്നു.  ലോട്ടറി വില്‍പ്പനക്കാരനായ ബിനോയ് ഹൃദ്രോഗിയാണ്. ബിനോയ്ക്ക് ഭാര്യയും 9 വയസുകാരനായ മറ്റൊരു മകനും ഉണ്ട്. ഗള്‍ഫില്‍ ജോലിനോക്കിയിരുന്ന ബിനോയ് മടങ്ങിവന്നതിനുശേഷം ലോട്ടറി കച്ചവടം നടത്തിവരികയായിരുന്നു…… READ MORE തൃശൂര്‍: ആളൂരില്‍ അച്ഛനും കുഞ്ഞും മരിച്ച നിലയില്‍. രണ്ടര വയസുകാരന്‍ അഭിജിത് കൃഷ്ണ, അച്ഛന്‍ ബിനോയ് എന്നിവരാണ് മരിച്ചത്. അമ്മയോടൊപ്പം ഉറങ്ങിക്കിടക്കുകയായിരുന്ന കുഞ്ഞിന്റെ മൃതദേഹം ബക്കറ്റിലായിരുന്നു കണ്ടെത്തിയത്. അച്ഛന്‍ തൂങ്ങിമരിച്ചനിലയിലും ആയിരുന്നു. വീടിന്റെ അടുക്കളയിലായിരുന്നു ഇരുവരുടെയും മൃതദേഹം. മൂത്ത മകനും ഭാര്യയും

തൃശൂർ: വികസന-ക്ഷേമ കാര്യത്തിൽ ബിജെപി സർക്കാർ എല്ലാവരെയും ഒരു പോലെ പരിഗണിക്കുമെന്ന് ദേശീയ വക്താവും കേരള പ്രഭാരിയുമായ പ്രകാശ് ജാവ് ദേക്കർ. തൃശൂരിൽ പാർട്ടി ജില്ലാ കാര്യാലയത്തിൻ്റെ തറക്കല്ലിടൽ ചടങ്ങിൽ സംസാരിക്കുകയായിരുന്നു അദ്ദേഹം.കേരളത്തിൽ നിന്ന് പാർട്ടിക്ക് എം.പിയോ എം എൽ എ യോ ഇല്ലെങ്കിലും മോദി സർക്കാർ സംസ്ഥാനത്തിന് ഒട്ടേറെ പദ്ധതികൾ അനുവദിച്ചു. ബി ജെ പി മത ന്യൂനപക്ഷങ്ങൾക്കെതിരാണെന്ന പ്രചരണം വടക്കുകിഴക്കൻ സംസ്ഥാനങ്ങളിലെ ഫലം പുറത്തു വന്നതോടെ പൊളിഞ്ഞു. വലിയ വികസന മുന്നേറ്റമാണ് കഴിഞ്ഞ അഞ്ച്

തൃശൂര്‍: തൃശൂര്‍ റെയില്‍വെ സ്റ്റേഷനിലെ പ്രീപെയ്ഡ് ഓട്ടോറിക്ഷകള്‍ യാത്രക്കാരില്‍ നിന്ന് അമിത ചാര്‍ജ് ഈടാക്കുന്നതായി വ്യാപകപരാതി. സ്റ്റേഷനിലെ പ്രീ പെയ്ഡ് കൗണ്ടറില്‍ നിന്ന് യാത്രക്കാര്‍ ആവശ്യപ്പെടുന്ന സ്ഥലങ്ങളിലേക്ക് നിശ്ചിത നിരക്കിനുള്ള ടിക്കറ്റ് നല്‍കുകയാണ് പതിവ്. യാത്രക്കാരെ അവര്‍ ആവശ്യപ്പെടുന്ന സ്ഥലങ്ങളില്‍ ഇറക്കിയാല്‍ പ്രീപെയ്്ഡ് നിരക്കിലും കൂടുതല്‍ ഓട്ടോ ഡ്രൈവര്‍ ഈടാക്കുന്നു. യാത്രക്കാര്‍ ഇറക്കാന്‍ ആവശ്യപ്പെടുന്ന സ്ഥലത്തിന്റെ പ്രധാന ജംഗ്ഷന്‍ വരെ മാത്രമാണ് പ്രീ പെയ്ഡ് നിരക്കെന്നാണ് ഡ്രൈവര്‍മാരുടെ വാദം. വീട്ടിലേക്കും മറ്റും കൊണ്ടുവിടാന്‍ തോന്നുംപടി നിരക്കാണ് ഓട്ടോ

WATCH VIDEO HERE സ്വകാര്യ ബസ് കെ.എസ്.ആര്‍.ടി.സി ബസിന്റെ ഇടതുവശത്തൂകൂടെ ഓവര്‍ടേക്ക് ചെയ്തതാണ് അപകടത്തിന് കാരണമെന്ന്…. തൃശൂര്‍: പുഴയ്ക്കലില്‍ സ്വകാര്യ ബസും, കെ.എസ്.ആര്‍.ടി.സി ബസും കൂട്ടിയിടിച്ചുണ്ടായ അപകടത്തില്‍ ഒരു സ്ത്രീയടക്കം മൂന്ന് പേര്‍ക്ക് പരിക്ക്. ഇന്ന് ഒരു മണിയോടെ തൃശൂരില്‍ നിന്ന്്  ഗുരുവായൂരിലേക്ക് പോയിരുന്ന കെ.എല്‍-26 ജെ 2025 നമ്പര്‍ സ്വകാര്യ ബസ് കെ.എസ്.ആര്‍.ടി.സി ബസിന്റെ ഇടതുവശത്തൂകൂടെ ഓവര്‍ടേക്ക് ചെയ്തതാണ് അപകടത്തിന് കാരണമെന്ന് നാട്ടുകാരായ ദൃക്‌സാക്ഷികള്‍ പറയുന്നു.  സ്ഥലത്ത് എത്തിയ പോലീസ് അപകടത്തില്‍ പരിക്കേറ്റവരെ ആശുപത്രിയില്‍ എത്തിക്കാന്‍ ശ്രമിച്ചില്ലെന്നും