നിലം തൊടാതെ സിപിഎം; ചിത്രത്തിൽ ഇല്ലാതെ ബിജെപി
പുതുപ്പള്ളിയിൽ നിലം തൊടാതെ സിപിഎം; ഒരു ബൂത്തിൽ പോലും ലീഡ് ലഭിക്കാതെ ജെയ്ക്ക്
റെക്കോർഡ് ഭൂരിപക്ഷത്തിലേക്ക് ചാണ്ടി ഉമ്മൻ ….
പുതുപ്പള്ളിയിൽ ഭരണ വിരുദ്ധ വികാരം ആളി കത്തി …..
കൊച്ചി: പുതുപ്പള്ളി നിയമസഭാ ഉപതിരഞ്ഞെടുപ്പില്‍ യു.ഡി.എഫ്് സ്ഥാനാര്‍ത്ഥി ചാണ്ടി ഉമ്മന്‍ ചരിത്രവിജയത്തിലേക്ക്. ചാണ്ടി ഉമ്മന്റെ ഭൂരിപക്ഷം കാല്‍ലക്ഷം കടന്നു. നാല് റൗണ്ട് വോട്ടെണ്ണിക്കഴിഞ്ഞപ്പോള്‍ ചാണ്ടി ഉമ്മന്റെ ലീഡ് 26,001 ആയി. ഇനി വോട്ടെണ്ണല്‍ എല്‍.ഡി.എഫിന് സ്വാധീനമുള്ള മേഖലകളിലാണ്.
ഇപ്പോള്‍ മണര്‍കാട് എണ്ണിക്കൊണ്ടിരിക്കുകയാണ് . സി.പി.എം മേഖലകളിലും വലിയ ലീഡാണ് ചാണ്ടി ഉമ്മന്‍ നേടിക്കൊണ്ടിരിക്കുന്നത്്. ജെയ്ക് സി തോമസിന് കഴിഞ്ഞ തവണ ഭൂരിപക്ഷം കിട്ടിയ ബൂത്തുകളാണ് ഇപ്പോള്‍ എണ്ണുന്നത്. ജെയ്കിന്റെ ജന്‍മനാടായ മണര്‍കാടും ഇടതുമുന്നണിയെ കൈവിട്ടു.
ഇതോടെ ചാണ്ടി ഉമ്മന്‍ വന്‍ വിജയം നേടുമെന്ന് ഉറപ്പായി കഴിഞ്ഞു. 2011-ല്‍ ഉമ്മന്‍ചാണ്ടി നേടിയ ഏറ്റവും വലിയ ഭൂരിപക്ഷമായ മുപ്പത്തിമൂവായിരം വോട്ടിന്റ ഭൂരിപക്ഷം ചാണ്ടി ഉമ്മന്‍ മറികടക്കുമെന്ന് ഉറപ്പായി
